ليلة دخول المدرسة
كانت بالنسبة لي
!!
ليلة المحزنة
ليلة المعيّطة
ليلة البكا
كنت بأجيب لحم عنيا
زى ما بيقولوا
من كتر العياط
(الكتومى)
من غير صوت ولا حس
عشان ماحدش يسمع ولا يعرف
والأ كان حيبقى فيه سين وجيم
ليه بتعيطى؟
ليه زعلانة؟
بصراحة كنت بأكرهها
(ّعمى)
ويمكن كرهى لها
وخوفى منها
هو اللى خلانى شاطرة
او مذاكرة وعاملة الواجب
علشان لا أضرب ولا أتهزأ كمان
كان بيتنا بالنسبة ليا
(جنة الله فى ارضه)
حب وحنان من امى وابويا
ولعب وجرى ورمح مع اولاد اخواتى
وحكايات وخروجات للعمّات والخالات مع جدتى
وأكل وشــــــــــــــرب وضحـــــــك
وفــــــــرجة على التلفزيون
مع نفسى أو مـــــــع
(عطيات)
الشغالة بتاعتنا
بالأختصار
زى ما قلت
جنتى الخاصة
ثم أذ فجاءة
اتحرم منها
واتحدف من ستة صباحاً
لحوالى 4مساءا
!!!عند ناس أغراب
مش امى
مش ابويا
مش أخواتى
ولا حتى أولاد أخواتى
كانت مأساة
استمرت يمكن
لسنة تانية
او تالتة أعدادى
(الحمد لله)
4 comments:
هههههههههههه كلنا هذا الرجل وكان اوحش يوم السبت واجملهم الخميس
انا برضه كنت بكره المدرسة جدا علشان قسوة المدرسين في التعامل معانا والواجبات الكتيرة بس الحمد لله اهي أيام وعدت
تراكيبوا
أيام كئيبة
بعيد عنـــــك
ياسمين خليفة
زى ماقلت ايام كئيبة
وحزينة وثقيلة وبايخة
بس الحمد لله خلصت على خيــر
Post a Comment
قول ولا تجرحـش