سمـــــعت
ولا قــــــــريت
مش فاكرة الصراحـــة
ان فيه اقتراح مش عارفة من وزير أيه
بعودة التوقيت الصيفى
وأكل
سااااااااعة
ايوة ســـــــــاعة من عمرنا بحجة توفيرالطاقة
ومحدش يقولى ما هم حيردوها اخر الصيف
لأ أنا عاوزاها فى الطقس الجميل دا
وفى نور ربنا اللى بيهززه
من قبل الساعة 5صباحا
وأهو فعلاً بقى لو نفذوا الأقتراح دا
يبقى كل حاجة رجعت
لما قبل 25ثورة يناير
وكمان
يبقى منهم
لله
وحسبنا الله ونعم الوكيــــــل
***
***
موضوع سابق
6 comments:
السلام عليكم:
كنت هعلق بس قلت بلاش كلام في السياسة.
عموما مفيش ثورات حصلت في العالم كله و عملت تغيير جذري في النظم القديمة غير الثورة البلشفيه في روسيا عام 1917، و بعد موت لينين في عشرينات القرن الماضي ثم ستالين في بداية الخمسينات..انتهت تلك الثورة تقريبا علي يد (نيكيتا خروتشوف) و من تبعوه.. طبعا فيه شكل مصغر للثورة دي حصل في كوبا، و كمان انتهت لما استمر فيدل كاسترو في الحكم لعشرات السنين من غير تطوير الفكر الثوري.
لكن اللي حصل قبل و بعد كده في أي مكان في العالم سواء في فرنسا من أكتر من قرنين أو في شرق أوروبا في تسعينات القرن الماضي أو في القبائل العربية سواء في بداية القرن العشرين أو بداية القرن الواحد و العشرين ممكن نسميه أي تسمية تانية غير (ثورات) لأن اطلاق كلمة ثورة علي الحاجات دي هيكون ابتذال للكلمة و للفعل الثوري.
حازم
استاذ حازم
(نفسنا قصير)
هكذا دائما اقول
ملناش فى (ثورات)طويلة المدى
لأما تنجح بسرعةلأما تُبتلع :(
السلام عليكم
انا كمان قرأت الخبر ده بس مش متأكدة من صحته
عموما هى فعلا دى كانت الحاجة الوحيدة اللى فاضلةلنا للاسف
ربنا يصلح حال بلدنا و يصلح حالنا جميعا
دمتى سالمة
السلام عليكم:
شكرا للمتابعة...
كتبت تعليق تاني لقيته طويل فمسحته علشان حسيت اني قلته كتير قبل كده.
:)
حازم
شهد الملكات
!!عاش مين شافك
حأزعل اوى لو نفذوا
الأقتراح دا ماتتصورش تقديم
الساعة دا بيضايقنى اد أيه :(
وعليكم السلام
استاذ حـــــــــازم
فى الإعادة افادة يافندم :)
Post a Comment
قول ولا تجرحـش