Thursday, January 16, 2014

!!!المسألة صعـــية...لكنها فى غاية البساطة


المسأله صعبه...
لكنها في غاية البساطه...!!

المسأله :
عروش...تعلوها كروش..

واللي ما عنده عسكر..
كرامه ....مالوش..

يا شعب ثاير ...
عندك ....كرامه؟؟
عندي ...جيوش..

ربيع عربي....!!!
ههههه.....
الملعب ملعبي..
ديمقراطيه...لا تلعبوش...

تلعبوا؟؟؟!!
اللعب اصلا حرام..
حتى الحلم..لا تحلموش...

ترفع راسك..يا مواطن؟؟؟!!!
لا ...لا.. ما ترفعوش..

عرشي... حصن...
بدك تعيش....
ما تقربوش....

وإن جد الجد....
وصرتوا علي خطر...
أخلي شوارعكم دم...
وحبايبكم في النعوش..

أنا الحاكم العربي
أنا الخط الاحمر..
انا السبع الغضنفر..

أنا اللي يخالفني....
أبدا....أبدا...
مرحموش.....
هههههههه.....هههههه
*********

سجل..: أنا عربي....
الله يرحمك يا شهيد الكرامه

أبن الإيمان
منقول من الفيس بوك
على جـــــــنب كدا
كـــــــــام واحد عايش
وكــــــــــــــــام واحد مات
وكام واحد أتشال من الحكم؟
وكام واحد لسه (قاعد)على قلب شعبه؟

** معمر القذافى
(بصراحة قُتل)
زين العابدين بن على مات
على عبدالله صالح أتشال
حسنى مبارك أتشال
(كدا وكدا ياعنى)
(بوتفليقة لسه موجود وكل شوية
 رايح يعمل تحاليل فى فرنسا))
عمر البشير لسه ماسك عصاية المرشالية
(وفقد جنوب السودان)
عمرو موسى مشى من الجامعة العربية
(وجه لجنة الخمسين بتاعة الدستور)
الجماعة السمر مش عارفاهم صراحة
مفيش الأ بتاع زيمباوى :لسه موجود
لا استنوا :ابووووومازن لسه موجود
وبيفاوض على حل الدولتين
لو حد عارف ناس تانى يقولى
وانا اضيفهم 

13 comments:

Unknown said...

بدال محدش
علق أعلق أنا بقى
وأيه اجمل تعليق مــــن!!؟

Unknown said...

سبحان الله
والحمد لله ولا آله الأ الله
والله أكبر ولا حول ولا قوة الأ بالله

Anonymous said...

السلام عليكم:
أولا: ازي صحتك يا دكتور
بن علي=المرزوقي=اللي جاي بعده
القذافي=علي زيدان=اللي جاي بعده
مبارك=مرسي=منصور=اللي جاي بعده
كلينتون=بوش=أوباما=اللي جاي بعده
ساركوزي=أولاند=اللي جاي بعده
بلير=كاميرون=اللي جاي بعده
----------------------------------
الساسة بما فيهم رؤساء الوزارات و الرؤساء هم مجرد واجهات أو خُدام أو دُمي في أيادي الحكام الفعليين للعالم.
الحكام الفعليون هم أصحاب شركات متعددة الجنسيات و عابرة للقارات تعمل في كل شيء و تسيطر علي كل شيء بداية من تعيين الرؤساء و التحكم في أسعار العملات و البورصات و الاتصالات و الإعلام و الطاقة مرورًا بالغذاء و الدواء و البناء و انتهاءاً بالسلاح و إدارة الحروب.
----------------------------------
في 2006 كان أغني 10% في العالم يملكون 85% من ثروات الأرض، و باقي ال90% بيتصارعوا علي ال15% اللي فضلت منهم. و كان أغني 1% بيمتلكوا لوحدهم 40% من كل ثروة الأرض
http://www.theguardian.com/money/2006/dec/06/business.internationalnews
في 2013 زادت ثروة ال10% الأغني علشان يمتلكوا 86% من الثروة و طبعاً ال90%الجعانين بقوا يقتلوا بعض علي ال14% من الثروةاللي بقيت فاضلة. أما ال(ميجا ريتش) أغني 1% فبعد ماكانوا بيمتلكوا 40% بس من ثروة الأرض بقوا يمتلكوا 46% منها لوحدهم. يعني بالبلدي كده 1% بيمتلكوا حوالي نص الثروة و 99% بيقطعوا بعض علي النص اللي فاضل.
http://www.huffingtonpost.com/2013/10/09/richest-1-percent-wealth_n_4072658.html
كنت عاوز أقول كلام كتير تاني بس بحس ان الكلام مبقاش ليه لازمة في شعوب لسة بتختار بين رأسماليين بدقن و رأسماليين من غير دقن و سايبيين القضية الرئيسية.
عذراً للإطالة.
حازم

Unknown said...

أستاذ حازم
وعليكم السلام ورحمة
الله تعالى وبركـــــــــاته
لا نقول الأ الحمد لله
ماشية على العلاج
ملخص كلامك
استاذ حازم
ما نحن الأ دمى
يُفعل بها ما يشاؤون بـــــها
:( شىء يحزن مش كدا

Anonymous said...

السلام عليكم:
لأ طبعابالعكس لما نعرف الحقيقة دي مش هنزعل علي الدقن الرأسمالية اللي راحت و لا هنفرح أوي بالبيادة الرأسمالية اللي جاية. علشان الاختلاف بين الاتنين مش كبير. السياسة واحدة و الاختلافات في شوية رتوش. لكن المشكلة في الناس الغلابة اللي مش عارفة، و هللوا أيام يناير 2011، و مسمعوش اللي بنقوله من 3 سنين و اتلعب بيهم و بأحلامهم من الكل.
حازم

Unknown said...

والحل أيه؟
ماذا نفعل لنغيرواقع
ومستقبل سيفرض علينا بالقوة
الجبريةاو بالقوة الناعمة
!!!(الإعتام:(

أرض الايمان(The Land Of Faith) said...

السلام عليكم:
من سنتين لم ادخل بلوجر...
هذه مناسبه شيقه للإطلال على وطننا السابق (المدونات)..
أقول :
نسيتي حكام الخليج , والاردن...والمغرب..(الملوك ) يعني...بتوع التوريث أبا عن جد...
بارك الله بك..
تشوقت للعوده للتدوين..

Anonymous said...

السلام عليكم:
تغيير واقع و مستقبل بلد مش بتكون مهمة فرد. الفرد بالكتير أوي ممكن يغير واقعه و مستقبله هو بالاجتهاد و المثابرة و العمل و الأمل و الطموح (مع إن ده كله مش بيكون سهل بالنسبة للفرد و أفراد كتير مش بيقدروا يغيروا حتي واقعهم و مستقبلهم، لكن في النهاية هي دي الحياة. عمرها ماكانت كاملة و هو ده التحدي السعي لاستكمال الحاجة اللي ناقصة فيها)
عموما أنا أقدر أتحكم في نفسي كويس علشان كده أعرف أتوقع بنسبة معقولة إيه اللي ممكن يحصلي إذا استمريت أعمل كذا و معملش كذا لفترة معينة من الوقت.
لكن انا مقدرش أقول للي قدامي يفهم إزاي يفكر إزاي و يقرا المشكلة اللي بتواجه إزاي و يحدد طرق علاجها إزاي و يعمل إيه و ميعملش إيه و يعيش إزاي...الخ. ببساطة علشان كل واحد عاجباه دماغه. ساعات بيكون من الأفضل ندخر حماسنا و مجهودنا لنفسنا علشان نقدر نواجه الدنيا اللي بنواجها لوحدنا. و محدش بيسأل فينا لما نقع. أما المجتمع فلما ينصلح حال الأفراد اللي فيه نفسهم ممكن ساعتها المجتمع كله ينصلح حاله.
حازم

well said...

فى بلاد يحكمها رجل واحد او ملك واحد او عائلها واحدة عندما تذكرى اى اسم منهم يجب عليكى اضافة ..سمو الملك او سمو الشيخ وحاكم كذا وكذا وكذا ...الخ وحفظه الله انتهاء بــ طويل العمر يطول عمره هاى هيئ ..هما اصلا بيحبوا اللى يغنى عليهم
بمناسبة الكرش الكرش ده هو الستالايت اللى بيوجهم ازاى يحكموا وفـ بلدهم يتم السماح بفعل اى شئ ولكن اوعى تحلمى الحلم يخالف القانون الحلم اصلا حرام
..
تحياتى واوعى تسفرى الخليج بعد البوست ده عشان اسمك كدة اتسجل عندهم

Anonymous said...

السلام عليكم:
الكلام اللي كتبته في آخر تعليق ده هو آخر حاجة وصلتلها بعد حوارات طويلة مع ناس كتير. و صلت في النهاية لأني ضيعت وقت و مجهود كبير فيها و المردود كان ضعيف قوي. علشان كده بقولك أنا يكفيني نفسي. و انتي علشان متتعبيش يكفيكي نفسك و ربنا يعينك. نكون مفيدين لنفسنا و اللي حوالينا بقدر الامكان و نحاول نمنع أذي المؤذيين اللي حوالينا برضه بقدر الامكان. أكتر من كده هيكون فوق طاقتنا. أنا فكرت كتير و من سنين طويلة حاولت أقنع الناس بحاجات كتيرة علشان (المجتمع) يكون أفضل لكن كل واحد بيهمه نفسه و بس في الآخر، و يا ريت علي كده و بس ده ممكن في أوقات كتيرة يسببوا أذي لغيرهم و هما مستمتعين و يدوسوا علي اللي حواليهم علشان مصالحهم. علشان كده بقولك الحل للمجتمع مش عندي. عند أفراد المجتمع.
شكراً علي المتابعة
حازم

Unknown said...

بأذن الله ارد
على باقى التعليقات
لما ارجع من الشغل
السلام عليكم

Unknown said...

أستاذ حازم
معنى هذا يكفينا
إصلاح أنفسنا إن نجحنا فى
هذا فقد بدأنا على طريق إصلاح
أنفسنا .الله المستعان

Unknown said...

well
سفر للخليج!!لا متخافش مش ناوية
فقط هو حلم السفر للحج والعمرة
اللهم لا تحرمنا من تحقيق هذا الحلم

Post a Comment

قول ولا تجرحـش