Friday, January 10, 2014

..انا أخدت الجرعة الخامسة...


(دى مش ايدى طبعاً)

المهم الحمد لله 
الحكيمة أمبارح كانت شاطرة
جابت الوريد من أول 
(شــــــــــــــكة)
 

وحطت الكانويلا 
 والف حمد وشـــــــــكر لله  
وخلصت الجرعة بستر وسلامة
وكمان سمعت كلام
(الدكاترة)
المرة دى أخدت مانع القىء
من قبل ما أكل اى شىء
لأجل ما يبدأ الشغل أول ما أكل
النهاردة أكلت فواكهة وخضار صابح 
كابوتشى

(الخس المدلع دا  )

وموزززززز
وبرتقاااااااال
مش عصير لا بتعبنى
لكن البرتقال الصاحى
ياعنى اللى بتقشر كدا
كنا نتسابق أنا وأبناء أخوتى
مين فينا
حيطّلع القشرة أطول

أهـ  صحيح
وكمان حطيت أزازة الميه
ادامى لأجل ما افتكر أشرب كل شوية
 لأجل ما اغسل الكلى من الدوا
وأضيع طعم الدوا من فمى
واخفف (زورة غريبة) كتلك التى نعانى منها
فى بداية الإصابة بالبرد
إعانى منها
بعد الحقن لمدة يوم أو يومين
الــــــــحمد لله 



اللهم أنت الشافى ولا شفاء الأ شفاءك

12 comments:

Anonymous said...

السلام عليكم:
سلامات يا دوكتور

Unknown said...

وعليكم السلام
ورحمة الله تعالى وبركاته
الله يسلمكم من كل شر:مين معايا:)؟

رحاب صالح said...

السلام عليكم
من زمان وانا عايزة اطمن عليكي
بس موناليزا كانت بتطمني علي جروب المدونين ع الفيس لانك كتنت قافلة التعليقات
الحمد لله اني اطمنت عليك ويارب يشفيكي ويقويكي علي العلاج

Sameh Ezzat - (خواطر خاطر) said...

مليون سلامة عليكي يا دكتوره .. ايوه كده ..نتعلم منك ازي نهزم التعب مش ان التعب يهزمنا .. عارفه وطبعا انتي ست العارفين .. ان العلاج نصه نفسي .. ومدام معنوياتك تمام وكله بعون الله .. هيكون النتيجه مزهلة وسريعه ومرضية ولا رد قضاء الله مهما كان ..واحد احد .. لما اعوز اخد طاقة ايجابية هكلمك علي
طووووول
ديما كده باذن

msafa said...

الف سلامه عليكى ... البرد صعب جدا جدا .. انا كتب والله وبترعش ... انشاء الله احسن .. وكل يوم احسن سلامتك

Unknown said...

رحاب صالح
وعليكم السلام ورحمة
الله تعالى وبركاته
الف شكر لذوقك
وجازى الله موناليزا
كل خير على طمئنتك عليا
متشكرة يارحاب ماتتصوريش رسالتك
اسعدتنى أد ايه جزاكى الله خيراً

Unknown said...

Sameh Ezzat - (خواطر خاطر)
تــــــسلم يارب وجازاك الله كل خير
ويارب أكون عند حسن الظن.ما اكذبش
عليك ساعات برضه بتصعب عليا
نفسى لكنى وبسرعة اتذكر
ان الله باذن الله بالغ امره
وامر الله نافذ لا حيلة
لنا فيه الأ بالدعاء

Unknown said...

msafa
الله يسلمك
الأمر اكبر من نزلة برد
لكن ربك قادر على تمام الشفاء
لى وللمرضى اجمعين

فاتيما said...

ألف سلامة عليكى يا نورهانتى

كل بوست بتكتبيه عن المرض
مببقاش عارفة ادخل أعلق اقول ايه
بدعى
بس بحس انى مهما كتبت
مش هلاقى كلام يوازى اللى انتى فيه
وينفع يطبطب بأى شكل
وبقول لروحى ربنا شاهد وبيدى الحمل على قد كتافك ما تتحمل
وعلى قد الجميل دا ما يشيل
وان شاء الله يكون جنبك
ويخفف كل ألم ...

ألف سلامة عليكى يا غالية


Unknown said...

فاطميا
ام يوســــــف
الف حمدلله على السلامة
نورتى صعبان زى ما بتنورى
اى مكان تزوريه.ربنا يكرمك ويجمعك
بحبيبك وروح قلبك :يوسف عن
قريب يارب يارب يارب

هبة فاروق said...

الف الف مليون سلامة عليك يا دكتورة وربنا يتمم شفائك على خير يارب
دعواتى لك بالشفاء العاجل ودوام الصحة
اهم شىء الثقة بالله ..الامل ..الصبر ..الروح المعنوية
وباذن الله تكتبى بوست قريب جدا تطمنينا عليك وتفرحينا بشفائك .

Unknown said...

هبـــة فاروق
الله يسلمك من كل شر
ربنا يكتب الشفا لكل
الناس يـــــــــــــارب

Post a Comment

قول ولا تجرحـش