Tuesday, April 9, 2013

......أزواج و......أذواق!!!!!


ادام بيتنا جراج كبير
لما بأصدف واقعد فى البلكونة
بأشوف سلوك مختلف لأزواج وزوجات
وعلى فكرة الذوق ملهوش دعوة بالتعليم
بس برضه التعليم بيخدم شوووية
فى الموضوع دا
مثــــــــــلاً

اشوف اللى ينزل وياخد العيال والشنط
ويفضل واقف بالساعة ينتظر الهانم لما تنزل
من غير ما يعمل كلاكس واحد حتى

واشوف اللى ينزل لوحده متعطر ومتغندر واخر شياكة
وسايبها فوق لوحدها بتحارب مع العيال
والشنط والساندوتشات والكراريس
وكمان مش ساكت
الأ يفضل
  يزمر كان القطر حيدوسه
ولا الوزارة حتتشال بسببه
ولما ينزل الولاد يديهم الجرعة الأولى من الزعيق
اما الجرعة التانية فيخدوها مع أمهم لما تنزل غلبانة

واشوف اللى ينزلوا هم الأتنين مع بعض
رجلهم على رجل بعض مش بس
الصبح لأ على طول
سواء يوم شغل أو أجازة

اشوف اللى ينزلها هى الأول ومعاها الأولاد
وينزل هو وياخد الشنط ويقفل ابواب السيارة بعد كده
ويدور ويلف حوالين العربية وهو بيبصلها بنظرة
فيها منتهى الحب والألم لفراقها
(العربية طبعاً)
اشوف اللى ينزل ويسخن العربية
ويطمن على كل حاجة ويشوف نفسه فى المراية طبعا
ويفتكر فى الأخر ان المدام واقفة وبتخبط
على الأزاز بتاع الباب التانى
لاجل يفتحلها اللوك
اشوف الحامل
اللى يدوبك بتنزل بنفسها
وتسيب كل حاجة حتى الباب ما تقفلهوش وراها
وهو من سكات يقفل ويجرج العربية
من غير اف ولا يع
حتقولولى طب الزوجات؟
حأقولكم خليها لمرة تانية

6 comments:

Mahmoud Bahgat said...

تصدقى فعلا الواحد بيبقى مش عارف يعمل ايه و لا ايه لا كده عاجب و لا كده عاجب ينزل بدرى نزلت و سايبنى ينزل متأخر سايبنا ملطوعين فى الشارع
على فكرة معنديش عربية بس ده اللى بشوفه من أقارب لى و أصدقاء
بس جميلة ملاحظاتك دى

norahaty said...

Mahmoud Bahgat
الأجمل حضورك وتعليقك يافندم
ربنا يرزقك السيارة والزوجة
ولأولاد ونشوف حتتصرف أزاى؟ :)

Anonymous said...


ثقافة الهزيمة .. ذكريات الأرض المفقودة


و نظرا لأن هناك لوبى نووى قوى فى أغلب الدول العربية يشجع شراء و بناء مفاعلات نووية يدعمه فساد بعض المسئولين من ناحية، و تجاهل كثير من وسائل الإعلام العربية لأخبار حوادث المفاعلات النووية بصورة مريبة من ناحية أخرى ، بالأضافة إلى جهل كثير من الناس بخطورة المفاعلات النووية ، قررت نشر هذه المعلومات سيما أنه بالفعل أشترت دولة الأمارات 4 مفاعلات نووية بتكلفة تزيد على 20 مليار دولار، و نقرأ عن خطط سعودية لشراء 16 مفاعل نووى بتكلفة حوالى 100 مليار دولار ، و سعى محموم فى بعض الدول العربية و منها الأردن و مصر لشراء مفاعلات نووية لتوليد الكهرباء !!! ...
باقى المقال بالرابط التالى

www.ouregypt.us


و نشرت مجلة دير شبيجل الألمانية فى 29 مايو 2012 " أشعاعات نووية : أكتشاف سيزيوم من فوكوشيما فى أسماك التونة أمام السواحل الأمريكية" أسماك التونة أمام السواحل الأمريكية ثبت وجود مواد مشعة نوويا بها ، وهى التى تسربت من كارثة المحطة النووية فى فوكوشيما اليابانية إلى البيئة. فى أغسطس 2011 أسماك تونة تم صيدها من أمام سواحل كاليفورنيا كانت ملوثة بعنصر السيزيوم 137 ، و على أية حال نرى أن الأسماك نقلت المواد المشعة سريعا ، أحتاجت الأسماك من 4 ـ 5 شهور كى تجئ بالمواد المشعة من اليابان حتى السواحل الأمريكية ، بينما الرياح و التيارات البحرية أحتاجت لعدة شهور أضافية حتى تحمل آثار الكارثة النووية فى مارس 2011 إلى سواحل أمريكا الشمالية

يا مراكبي said...

بوست ظريف :-)

بيحصل كل ده فعلاً

norahaty said...

يامراكبى
نورتنا ياباشمهندس

norahaty said...

الحمد لله رب العالمين

Post a Comment

قول ولا تجرحـش