Sunday, April 14, 2013

....مشهد سينمائى...


فى فيلم
الأقمر
مشهد لا أنساهـ
(باقى الفيلم نفسه والله مافاكره منه حاجة)
حتقولولى أيه فيلم الأقمر دا؟
دا فيلم عربى قديم
(مش قديم اوى الصراحة)
بطولة نادية الجندى
لألألأ
مش نادية الجندى
 نادية لطفى ايوة هى نادية لطفى
وناس تانين مش فاكراهم الصراحة
الأ عبد السلام محمد الله يرحمه


وإخراج الدكتور هشام ابو النصر
الله يرحمه لو كان ميت
والله يعافيه بالخير لو كان لسه عايش


المهم الدكتور هشام ابو النصر دا
الصراحة حاجتين دايما بيفكرونى بيه
او حاجتين فاكرهم بيه ؟؟
الشنب الدوجلاس
وانه مخرج فيلم الأقمر
وكانت درية شرف الدين
ربنا يديها الصحة
دايما تستضيفه فى برنامج
نادى السينما
(اللى كانوا بيدوخونا عقبال ما يجيبوه)
وتبدأ التعريف به
الدكتور هشام ابو النصر
الأستاذ بمعهد السينما
ومخرج فيلم الأقمر
ولا أعتقد أنه اخرج فيلم تانى
او ممكن اخرج حاجة تانية
ومحدش ادانى خبر
نيجى للمشهد
اتوبيس زحمة جدا
وعبد السلام محمد نشال
يتحرك بين الركاب بصعوبة
يرمى نفسه على دى وعلى دا كل شوية
وقبل ما ينزل من الاتوبيس
سمعنا ست بترقع بالصوت الحيانى
يالهوتى ى ى ى ى ى
أتسرقت اتنشلت اتنهبت
يالهوتى ى ى ى ى ى ى ى
ينزل عبد السلام محمد اوووام من الاتوبيس
ويمشى لبعيد ولما يطمن ان مفيش حد شايفه
(!!!ناسى ان ربنا شايفه)
المهم يقعد ويفتح يشوف الكيس اللى سرقه
يفاجىء ان فيه حتة بخمسة
اى خمسة صاغ بتاعة زمان الورق


يتنرفز اوى ويقول
بصوت عالى
هى دى اللى عاملة عليها كل دا
طب اهى أهى اهى
ويقطعها من الغيظ
ياعنى لا فاتها لصحبتها
ولا استنفع هو بيها
بس خلاص
هو دا المشهد



6 comments:

لورنس العرب said...

أول مرة أشوفه
مع اني مدمن أفلام قديمه- بس معداش عليا مش عارف ازاي

P A S H A said...

:D
نفس تعليق اخويا "لورنس العرب" بالظبط :))
بس المشهد عالي بصراحة وحضرتك وصفتيه كويس :))
الفيلم ده مدبلج ؟؟

لورنس العرب said...

عووووووووووووووو

Mahmoud Bahgat said...

الصراحة فاكر محمد عبد السلام بتاع اطلع من الترعة يا واد يا عيد و مالك يا عبد السلام
بس الصراحة مش عارف الفيلم ده خالص و كويس انى مشوفتهوش لانى كنت هازعل على الشلن برده
:)

يا مراكبي said...

ياااه

بقالي كتير ما شفتش ورقة الخمس قروش :-)

حلوة اللقطة اللي في الفيلم دي

norahaty said...

لورنس العرب
عشان تعرف بس
أنت متابع بس فيه
P: المتابع أكثر
PASHA
لا مش مدبلج
بس ناطق باللغة المصرية:)
لورنس تانى
بطل افلام الأكشن دى :)
Mahmoud Bahgat
ايوووة هو ده عبد السلام محمد
وما تزعلش على غالى اوووى كده :)
يامراكبى
كويس أدينى فكرتك بيها وبالفيلم كمان:)

Post a Comment

قول ولا تجرحـش