نظام عشت معاه لمدةعامين كاملين
أولاً وطبعاً أقولك فيهم الحلو
وفيهم الوحش
زى أى بشر
فى الدنيا
الحمد لله
كفيلي
الحلو فيه كان أكتر من الوحش
ممكن تقول بنسبة
75%
طالما
(وخلى بالك من طالما دى)
ما بتعملش مشاكل مع الناس
والاهم
كنت بتجيب ايراد ممتاز او جيد جداً
للمستوصف
لكن لو الايراد
!!خستك
(بمعنى بقى جيد أوضعيف)
شوية
يبقى حتشوف حتة تكشيرة
ملهاش حل
وبرضه أرجع وأقولك صاحب مال
!وعايز ارباح لماله
البلد اللى كنت فيها
كانت منطقة قبلية
(بمنطقة الجوف بأقصى شمال المملكة)
كل اللى فيها اولاد أعمام وبنات خالات
وهكذا
بحيث ان اللى فى اول البلد
ييبقى قريب أو نسيب أو صهر اللى فى أخر البلد!
وبالتالى
كل حدث او حديث أو حادث
يحصل عندك فى المستوصف
او فى السكن او فى الدكان
تأكد انه حينقل للكفيل فى التو واللحظة
أن خيراً فخير
!وأن شراً فشر
!بلا زيادة ولا نقصان
الاحداث اللى مرت خلال السنتين
كتيرة اوى اواى اوى
وبالتالى مش حأقدر اقولها كلها
لكن اللى ممكن احكيه
مثلاً
انى كنت عايزة أعمل عمرة أول ما رحت
وكانت أختى وزوجها موجودين فى
الوقت دا فى
السعودية
للعمرة ايضاً
وفعلاً الكفيل سمح لى بالذهاب
بعد ما أتكلم على التليفون
مع اختى وزوجها
وبعد
(خلى بالكم من اللى جاية دى)
ما اعطانى
خطاب مختوم
منه
ومتسجل بالغرفة التجارية
او بحتة تانية مش فاكرة اوى
المهم الجواب يسمح لى انا بالسفر عبر المملكة
للعمرة خلال مدة معينة وبتاريخ معين
لو أتأخرت عنها
يبقى
(ياداهية دقى)
المهم سافرت برى
(ايووووة بخل وتقتير معلش وكمان وبصراحة تجربة)
وطول السكة يطلع العساكر
وموظفى
أو منسوبى الأمر بالمعروف
يفتشوا ويسألوا عن الباسبور أو الأقامة
أوريهالهم
واوريهم الجواب المتسجل
يبصوا كده وهم مضررين
وواحد مرة نطق
مادرى والله ايش هذا كفيلك
!اللى يسمحلك بالسفر لوحدك
بقيت والله حاسة كأنى
العبد الهارب من سيده
او كونتا كنتى
فى مسلسل الجذور
تمت السفرية على خير الحمد لله
وعملت العمرة
(عقبال الحج يارب)
ورجعت بري برضة
(ما هو أنا غاووووووية بقى)
برضه فى الرجوع نفس التفتيش
بس فيه موقف ما أنساه
ابدا
كل اللى كان يطلع اثناء الطريق
ويعرف انى لحالى أو وحدى يعنى
ما يحاول يجلس جنبى
ويترك الكرسى التانى خالى
لعدم الازعاج
لحد وأحنا ماشين مرة
السواق كان عايز
يركب زبون من نص السكة
ويجلسه جنبى
الحقيقة انا ما بقيتش عارفة اقول ايه
غريبة فى بلد غريبة !
لكن ربنا سبحانه وتعالى قيض لىّ
من دافع عنى
واتنطر حتة نطرة
وقام على السواق كان حياكله
!استحى! استحى
عيب عليك والله
هذى حرمة لحالها
كيف تجّلّّس راجل غريب بجانبها
!والله أن سويت هذا لأشتيكيك للشرطة
والحمد لله السواق خاف
وما طلع الراجل
أخر حاجة عايزة اقولها
أن السواق كان
مصرى
واللى دافع عنى كان
سعودى
والخلاصة
كل بلد فيها الوحش وفيها الحلو
وربنا يصلح
حال بلادنا وحالنا جميعاً
اللهم آمين
ملحووووووووظة
أنا عارفة ان النظام
أتغير الأن
ومبقاش حكاية الجواب دى ماشية دلوقتى
لكن أهى تجربة ومريت بها
والحمد والشكر لله
مرت على خير
أخر حاجة
ومههههههههمة جداً
محدش يــــــسأل
هوأنا كنت
فى السعودية
أمتى؟
ولا سنة كام؟
حزززززززززززززعل
وكمان مش حأجاوووووووب
أهـ هو كدهـ!
_____
تدوينة قديمة
على صعبان نمر ون
على صعبان نمر ون
11 comments:
نظام العبيد ده مش موجود في أي مكان بالعالم إلا في بلاد الخليج
والمشكلة ان بلد زي السعوديه مش راضيين يلغوه لأن هناك من يسترزق من وراه- يعني واحد يسمح لك بالعمل خارج مؤسسته او يجيبك السعوديه على كفالته وانت تشتغل في مكان تاني نظير مبلغ شهري
وعلى فره- لسه وانا هنا سامع انهم قاموا برفع الإقامة 2000 ريال سنويا لأي عامل لأن هذا الرفع سوف يوفر لهم مبلغ تقريبا 20 مليار كل سنه، وكمان هايعملوا ضريبة 200 ريال شهري على كل واحد عنده سيارة لأن البنزين ثمنه 45 هلله وانت كراجل اجنبي بتستفيد من دعم المملكة للبنزين!
يعني ياريت العمليه جت على معاملة الكفيل او نظام الكفيل نفسه- الامر الآن وصل لحد ابتزاز الاجنبي والرغبه في اخراج أي اموال منه تحت أي مسمى
لورنس العرب
!!2000ريال
لا حول ولا قوة الأ بالله
ربنا يهديهم للى فيه المصلحة
العامة للناس كلهم مش لهم هم بس
!!!كده برضه نسيتنى
السلام عليكم ورحمة الله
تعالى وبركاته يااستاذ معتز
صباح الفل نهارك ابيض
بــــــــأذن الله
:)!!!بخ
تخيلي أصبحت الاقامه حاليا بتتكلف 4200 ريال في السنه
وعند اخي في المعمل صيادله هنود بياخدوا 4000 في السنه
فقامت الشركه بخصم 100 ريال من كل واحد كل شهر مساهمة في نفقات الإقامه نتيجة لإرتفاعها بحيث الشركة شالت النصف والعاملين شالوا النصف من ثمن الرفع- ولله سبحان الله الأمور غريبه شويه
بس الناس بتتحمل لأن في جميع الاحوال الظروف بالطبع احسن كتيييير جدا من الظروف في بلادهم الأصلية
آه نسيت أقولك
عووووووووووووووووو
(معلش سامحيني الهبل اللي جوايا ساعات بيطلع فجأه( هههههههههههههههههههه
استاذ معتز
ومساكين صابرين وشاكرين
علشان زى ما أنت قلت كـده
تحت أى ظرف حالهم احسن مما لو
فضلوا فى بلادهم:شىء يحزن
مسمحاك ماتخافش
كلنا لنا (اوقات كده)مش
انت بس ياعنى
!!ماتخافش
عوووووووووووووووو
فيه تضييق رهيب على الأجانب دلوقت في السعودية
فيه حزمة قرارات كثيرة تم تطبيقها وفيه قرارات تانية قيد الدراسة، وكلها بتخلي حياة الغُربة غير مُجزية
الله المُستعان
يامراكبى
فعلا الله المستعان
لأن ليس لها من دون الله كاشفة
يصلح حالنا وحال بلدنا وما يخلينا
محتاجين ولا عاوزين نسافر أو نشتغل برا بلدنا
Post a Comment
قول ولا تجرحـش