Tuesday, December 25, 2012

....عزيزى المغترب .....



عزيزيى المغترب
تحية طيبة وبعد
ربنا يخليك يارب
أعمل فصل قوات وفض إشتباك
بين والدتك وزوجتك
وشيل دا من  دا
يرتاح دا عن دا
فاهم حاجة؟
اقولك بقى يامغترب 
بالله عليك لما تبعت الحوالة بتاعة كل شهر
ربنا يخليك ويديك كمان وكمان
ما تخليش والدتك تمد ايدها وتاخد من مراتك
ما انت باعت الفلوس بأسمها بحجة ان والدتك معندهاش بطاقة
او بحجة أنها ست كبيرة ومش حتقدر تروح تصرف الحوالة
وحجج كتيرررررة أوى الواحد بيسمعها
وكمان وبرضه وفى نفس السياق
عشان ما ابقاش متحاملة على حد دون حد
ما تبعتش الحوالة باسم والدتك
وتخلى زوجتك تمد ايدها وتاخد من أمك

بحجة انها كبيرة البيت وهى المسئولة
وكلام برضه كتير فى نفس المعنى والمبنى
اعمل فصل قوات ربنا يخليك
أعمل فصل ذمة مالية آلهى يعمر بيتك

التدوينة من وحى
حــادث كل شهر
للسكان اللى جنبنا
نسمع الـــخناقة
ونسمع الحكاية
ونسمع الشكاية
كـــــــــل شهر
من تحت راس الحوالة

8 comments:

well said...

احنا نعمل اعتصام عند المطار ونطالب ان اى حد قبل ما يسافر للعمل بالخارج يكتب على نفسه تعهد بالحاجات دى ...

...
تحياتى

Unknown said...

well
!!هى ناقصة إعتصامات
خلينا فى الاسهل نسمع الكلام

Anonymous said...

و اللي ما عندوش ام و مراته معاه
يعمل ايه؟

احمد فتحي

Unknown said...

استاذ احمد فتحى
مش عارفة والله بس عامة يحاول القسط والعدل فى كل من حوله من اقارب او زوجته واولاده

موجة said...

بجد كلامك صح مليون في المية.. لابد للزوج أن يكون منصفاً.. ولايترك أمه في رحمة أي شخص حتى زوجته.. الله حافظ :)

Unknown said...

موجة
طبعا كلامى صح :)
والأ ما كنتش قووولت:)
ونورت صعبان على حالنا2

يا مراكبي said...

ماشي
بس يعمل ايه ؟

يبعت حوالتين مختلفتين؟
ايه الحل العملي في الحالة دي؟

Unknown said...

يامراكبى
هما الحوالتين
وأفصل دى عن دى يبقوا حبايب

Post a Comment

قول ولا تجرحـش