Saturday, November 17, 2012

...الأسم كشك والفعل إحتلال..

نتعاطف كثيرا ً مع الباعة الجائلين
ومع أصحاب الأكشاك فى تعامل شرطة المرافق معهم
واخرها تعامل شرطة المرافق
مع أكشاك بيع الكتب القديمة
فى شارع النبى دانيال بالأسكندرية
وقامت الدنيا ساعتها وووو
وعلى قولة واحدة :الأكشاك مرخصة
أو لها ترخيص وموجودة منذ مئات السنين

ودى اكشاك لبيع الكتب القديمة
كلام حلو وجميل ومفيهوش اى شىء

!!!لكن وبصراحة هل يبقى الكشك كشكاً
طبعا لأ بينقلب الى إحتلال للرصيف
ولجزء من بحر الشارع أيضاً

بفضل الكراتين الفاضية او المليانة
ودكة نص عمر وكرسى مكسور
والموتوسيكل أو الفيسبا بتاعة صاحب الكشك
ونصبة شاى صغيرة وضلّية محندقة وراه
قد تختلف التفاصيل قليلا أو تتفق ولكنها واحدة
من كون الكشك لبيع الطعام أو الدخان

ولعبة القط والفأر يمارسها صاحب الكشك
او الصبى بتاعه مع شرطة البلدية أوالمرافق
ما ان تمضى (الحملة)كما يسموها
حتى يعود الأحتلال مرة أخرى
طيب والحل؟
لا أعلم ولستُ المخولة بأيجاده




فى ذات يوم صحونا على
كشك (مزروع)ادام باب العمارة
ولولا بصراحة(الواسطة  والرشوة)كان
زمانه لسه مشرف أدام بابنا
=============

شىء لزوم الشىء

8 comments:

محمد سلامة said...

السلام عليكم
أحسنت
والله أنا ضد اى كشك
وضد القهاوى اللى بتستهبل وتملى الشارع
فيه حلول كتير
بس يجبونى وأنا أحل كل حاجة هههه
جزاكم الله خيرا
تحياتى المعطرة

Unknown said...

مـــــسلم مصرى
وعليكم السلام ورحمة
الله تعالى وبركاته
فعلا فيه حلول
كـــتيرة وأيضا
عقول وطــاقات أكتر
بس عاوزين اللى يديهم الفرصة

Unknown said...

شرفتنا
يامسلم مصرى
بأول تعليق وبزيارتك لنا

ليلى الصباحى.. lolocat said...

ياريت لحد الاكشاك بس حبيبتى
ده الموضوع كبر اوى من المحتلين ههههه
بقى جراجات وقعدات وسهرت وخلافه

بحلم بيوم الاقى القاهرة وكل مصر بيوتها من طابق او اتنين بس وكلها باللون الابيض والازرق والاشجار والازهار فى كل مكان وحى
زمان وانا صغيرة كان الشجر ذو الازهار الملونة بكل حى بشوارع حينا
احمر وابيض ووردى ورائحته الخلابة الساحرة
الان ماتلقيش غير اكشاك اكشاك اكشاك فى كل مكان ومابالك بقى باحتلال الرصيف
ووسط الشارع واصحاب صاحب الكشك اللى يسهروا معاه وصوتهم السخيف العالى طول الليل ولو اتكلمتتى تكونى ظالمة ومفترية ومش بتحبى الناس الغلابة

يعنى مفيش حاجة فى ايدينا غير اننا نقوم بدرى فى الفجر نتوضا ونصلى ركعتين وندعى نقول
حسبنا الله ونعم الوكيل فى كل مسؤل ظالم

تحياتى لك غاليتى بحجم السماء وهونى على نفسك كلنا لها :)

Unknown said...

lolocat
ليلى الصباحى
وكما قلتى أستاذة
السهرات والقعدات وغيرها
وما تجر علينا نحن من الضوضاء
والمشاكل و(المصائب)الكثيرة
ربك قادر أن يعيد بلادنا
لحالها الجميل كما
كانت وكما نحلم
ان تكون

mhsnelmhmdy said...

كل ثقافة تصنع ما تراه اعين اصحابها
وثقافتنا منتجة للاكشاك ومعنا براءة اختراع
فكل شيء في حياتنا عبارة عن اكشاك
واخطرها اكشاك الاعلام
ربنا ياخده
وعندكم في الطب اكشاك
المهم في المستقبل ومع التطور ان شاء الله
اما ان تنتهي ظاهرة الاكشاك
او نتحول نحن الى اكشاك متحركة
ويقابل الرجل صديقه في الصباح فيقول له .. صباح الخير يا كشك

Unknown said...

mhsn.m
ربنا يستر
وما نوصل لهذه الدرجة

Unknown said...

الـــحمد لله
رب العالمين

Post a Comment

قول ولا تجرحـش