Tuesday, October 23, 2012

....ومــازال الإضراب مستمـــــراً.....

أمبارح ماكنش الوقت عاوز يفوت
طبعا لأننا قاعدين من غير شغل
صبحنا وسلمنا وحكـــــــــينا
وأتكلمنا ورغينا  واشـتكينا 
وكل دا والســـــــــــاعة
مجـــــــ10ـــــتش
صباحــــــــــا
ياخبر أومال باقى
الوقت حيفوت أزاى
رحمتك يـــــــــــــارب
اللى هون بعد كده
زميلة من الأدارين
جابت القصة الإنجليزية المقررة
على بنتها فى المدرسة وقعدت اقراها
(واترجم لها )
المعانى والمفردات
(فكرتنى بالذى مضى)
كمان حصل حاجة
منتفعة جت عاوزة تكرر علاجها
اللى بتاخده كل شهريين ولما عرفت أن فيه إضراب
عيطت بالدموع وحكت انها (قاعدة )عند قرايبها
من يوم السبت لأنها أصلا مقيمة عند بنتها
فى المنيا وبتيجى كل شهرين تصرف
علاجها وترجع تانى بلدها فى نفس اليوم

(طيب أن حاعمل أيه المرة دى؟)
الناس اللى انا قاعدة عندهم
لسه حأقعد عندهم كمان
يوميــــــــــــــن
حيزهقوا منى كده
(والله حرام كده)