Sunday, September 16, 2012

.....عــــــام دراسى جــــديــــد.....

عام دراسى جديد
علينا سعيد بأذن الله
وزى ما كنت بقول
لأولاد أخواتى
 التعليم دا
زى الطريق المليان
حفر ودعادير ودهاليز
لكن أخره ورد وجناين  وبساتين
ولابد من المشى فيه للأخر
سواء برضاكم أو غصباً عنكم
كل سنة والتلاميذ والطلاب
والمدرسين والأساتذة
وأولياء الأمور
بخير





14 comments:

ليلى الصباحى.. lolocat said...

كل سنة وكل ابناءنا بخير ويارب عام موفق للجميع


دمت بخير غاليتى

Remas said...

كل سنة وانتِ بألف خير يا دكتور نور
عندى اول يوم في مدرسات بنوتاتي

النهاردة وابتدا مشوار عذابي معاهم
:))

جميلة اوي كلماتك عن مشاور التعليم

ربنا يوفق جميع الطلبة والطالبات يارب وينور بالعلم كل العقول

Unknown said...


ليلى الصباحىlolocat
كل لحظة وانتى وكل الغالين
بألف ألف ألف خير يارب
وربنا ما يحرمنى
من زيارتك لى

Unknown said...

reem
ربنا يخلى بنوتاتك
ويخلى مامتهم السكر
دى وباباهم وتعيشى
وتحكى لهم ولأولادهم
المشوار الطويل
والمتاعب اللى فيه
لكن أخره نجاح وفلاح

الازهرى said...

كل سنة وانت طيبة يا دكتور


بجد أيام ممتعة
أنا من كارهى المذاكرة
لكن برضه من كارهى الأجازة

لــــ زهــــــراء ــــولا said...

كل سنة وانتم كلكم طيبين وبخير وبسعادة
ويارب بالنجاح والتوفيق لاولاد اختك وكل الاولاد

لولا

momken said...

....

كل سنه وانتى طيبه يادكتور
عام دراسى يعنى بالنسبالى شوارع زحمه
وصحيان بدرى شويه زياده

واشترى خريطه علشان اعرف الشوارع الخلفيه الى ممكن امشى فيها هرباً من الزحام

قوليلى صحيح هو يعنى ايه دعادير مصدرها ايه الكلمه دى

انتوا بتجيبوا الكلام ده منين
وكمان بتقوليها لولاد اخواتك يعنى النشىء


تحياتى

βent Pasha said...

كل سنة وانتي بصحة وخير وهنا وسعادة وسرور
وربنا يوفق الطلبة والمدرسين لما يرضي الله وما فيه الخير لهم جميعا

:-))
سنة سعيدة إن شاء الله
تحياتي لكي ياقمر
إيه أخباراتك؟؟

Unknown said...

الازهرى
أنت من كارهى
المذاكرة(كده تبقى زىي)لكن تبقى من كارهى الأجازة أزاى طيب يبقى فاضل أيه ما بتكرهوش؟:)نورتنا ياازهرى

Unknown said...

لـــولا وزهـــراء
وأنتى طيبة وسعيدة ومبسوطة يارب دايما يالولا زى ما انا حاسة بيكى دلوقتى

Unknown said...

momken
وانت بالصحة والسلامة
والسعادةكمان ياممكن
ياسيدى دعادير مفردها دعدورة
وهى (المطبات والحفر )اللى فى الشارع
وماتسالنيش عرفتها ازاى؟تقدر تقول(الحياة)اكبر معلم:)

Unknown said...

βent Pasha
الله يسلمك ويرزقك سعادة
الدنيا والأخرة ويزدك من نعمه كمان وكمان وعلى فكرة أخباراتى زى أهرامات بالظبط مفيش فرق
نورتينا يابنت الباشا:)

يا مراكبي said...

ده كان زمان يا دكتورة

دلوقت الولاد بيقولولنا العلم في الراس مش في الكراس

:-)

Happy new year :-)

Unknown said...

يا مراكبي
وانت بألف صحة وسلامة
ويارب مينى هابى نيو ييرز
فور يو اند يور فاملى يامراكبى
ياااااااااااااااااااااااارب

Post a Comment

قول ولا تجرحـش