Sunday, July 8, 2012

.........جــــــوز الأثنين يـــــا.......





اشاكسه فاقول:جوز الأثنين يامتهنى
يرد:بل قولى جوز الاثنين يامتنيل
أرد: بل جوز الأثنين يامدلع
فيقول :بل جوز الاتنين يامتخلع
!
أواصل :جوز الأثنين سلطان
فيقول بل قولى جوز الأتنين غلبان
قلت وما دعاك الى هذا؟
يقول :البداية هى
والنهاية هى أيضاً
 !قلت لا أفهم
يقول
هى الأولى زوجتى
وأم ابنائى الكبار
بعنادها
برفضها لمطالبى
بكونى رقم 3 أو حتى4 فى حياتها
بعد اولادها وبيتها وربما عملها قبلى ايضا
تشاجرنا مشاجرة كبيرة تركت البيت على أثرها
تلقفتنى
هى الثانية
من كانت تنتظر الفرصة:مطلقة ولها ولد
جميلة بشكل لا يوصف أصغر منى بعشر سنين
!عندها سكنها الخاص وأرثها ايضاً
ومستعدة لتكون الأم الحانية
و الزوجة الثـــــانية
والعاشقة الاولى
و
و
و
و
صفات جميلة وأحلام أجمل
وعدتنى كلها بها
ونفذتـها جميعاً
الا شيئاً واحداً
لم تعدنى به
ولم تذكرهـ
ولم اعلمه الأ بعد الزواج!
مرض نفسى يعاودها بين حين وأخر
 !فلا تعرف أحد ممن حولها ولا تعرف حتى نفسها
ليس له مقدمات ولا بوادر حتى تأخذ أو يأخذ من معها حذره
حينها تهيم على وجهها إن كانت خارج البيت أو تكسر كل ما يصل
الى يديها إن كانت داخله وذهبنا للأطباء
ودورنا فى دوامة كبيرة أجمع الكل
أن لا دواء شافى تماماً الا رحمة من الله يهبنا إياها
وأن كآفة العلاجات فقط
لتطيل الفواصل بين النوبات وبعضها
الأن اصبح لىّ أبن صغير منها
!!اخاف عليه منها أحياناً
!!!من أمه
فأرسله ليجلس ويعيش أيامأ مع
زوجة ابيه! وأخوته!
أحيا فى حلقة مفرغة من
الســــــــــعادة والألم
لا ادرى ولا أعلم
ما هى النهاية
و
و
و
و
و

4 comments:

أحــوال الهـوي said...

هو كله ضرب ضرب
يعني ما فيش واحد اتجوز اتين ومبسوط


نفسي في قصه تشجع
غالبا ما حدش بيتكلم عن السعاده بس شكوي و تذمر و ده شغل مخابرات درجه اولي
لاشعة الفوضي في البلاد
تحياتي

الميكروباص said...

ولله هو فيه واحد متجوز اثنين ومتهني فعلا
بس مخبي على الناس انه متزوج الثانيه

أصل الحاجه اللي بتتعمل في السر دائما بيبقى لها بريق خاص !

الازهرى said...

فكرتينى بحوار لى مع صاحبى من يومين

كان بيقول اللى يتجوز على مراته يبقى جنى على نفسه

قلت له والله يا ابنى اللى يتجوز مراته أساسا
يبقى جنى على نفسه

ما يقعد ويريح دماغه أساسامن المشوار كله

βent Pasha said...

بصراحة هو اللي جابه لنفسه
( البداية هى والنهاية هى أيضاً )

صح
كان بصراحة المفروض ريح دماغه م الدوشة دي كلها ، وكان هج ويبقى لا فيها لا أولى ولا تانية

الموضوع جميل
:-))
أحييكي

Post a Comment

قول ولا تجرحـش