Wednesday, January 18, 2012

.......موقف بايخ وسخيف.....


هو موقف بايخ من

زمااااااااااااااان

ومع ذلك لا انساه بالرغم

من مرور سنين عليه
حتى انى عندما اُتسأل دلوقتى

عن ابوخ المواقف التى

تعرضت لها فى حياتى

(وطبعا هى كثيرة)

اعد هذا الموقف من احدهم
المهم احكى عنه فقد كنا

فى راوند(العملى) بتاع

الكارديولوجى=القلب
يُسمعنا نائب القسم حينها

(وهو على فكرة الحين

طبيب مشهور اوى بيجى كتير

فى التليفزيون والاذاعة

وربات البيوت وفى

المؤتمرات الطبية

يسمعنا المعيد حينها

دقات القلب المريض
من على شريط كاست التقطه

هو وسجله وجابه لنا

خلى لى بالك من

المجهود الجبار اللى عمله

المهم الراجل شغال

واخر مزاج وقول ايه

اللى سحبنى من لسانى

وانا كنت وما زلت

من اجبن مخلوقات الله

بس مش عارفة ايه

اللى سحبنى من لسانى

ساعتها وخلانى اقوله

مش مفروض نسمع الدقات السليمة

الاول يادكتور وبعدين نسمع المريضة؟
بس عندك

والله والله والله

لو رميت دبوس ابرة

ساعتها كنت سمعت صوته
الراجل راح ملفوت لى اوى
وبالضبط زى ما رئيس الملجأ
فى قصة اوليفر تويست
لما طلب منه شويةزيادة
وقال له:
I want some more
وراح نازل بالكبشة

فوق راسه من غير كلام
بقيت حاسه إن الكبشة

دى حتنزل فعلا فوق راسى

اى.... آى... آى
الراجل(المعيد) ده

اتنفض كأن قرصة بعيد

عنكم ثعبان وراح

جاى لى من اخر القاعة
هو حضرتك كنت فين المرتين

اللى فاتوا يادكتورة
ياخبر اسوس هو كان فيه مرتين فاتوا

(دانا بقول لنفسى)
يا جاااااابر هات العصاية

بس الفراش بتاعنا كان اسمه عم دسوقى
طبعا عمنا المعيد نادى بعزم صوته
يادسوقى هات دفتر الغياب !!!
جاب دسوقى دفتر الغياب
وطبعآ بكل (ذوق)سأل
هو انتى اسمك ايه؟؟
الحقيقة انا ماكنتش عايزة

اجاوبه ولا ارد عليه وأطنش
لكن اعمل ايه فى شلة الانس

اللى ورايا ردوا بدالى
اسمها

نور

يادكتور
كنت عايزة التفت اديهم

بالبوكس لكن برضه

مسكت اعصابى....مضطرة طبعآ

اكذب عليكم
المهم المعيد بص طبعآ

لقى اسمى مش موجود

المرتين الاولانين
سألنى الصراحة برضه وبكل ذوق

انت محضرتيش المرتين اللى فاتوا ليه؟
طبعا برضه رديت مضطرة
ماكنتش اعرف
كنت فاكرة الراوند لسه مابدأوا فيه
وماسألتيش زميلاتك ليه؟
(الراجل مصمم برضه يحرجنى )
ماجتش فرصة اسأل عن الموضوع

حضرتك عارف احنا يعنى

اصل ممكن او يجوز ممكن يعنى
طبعآ بان عليا الكسوف

وكان عرقى بقى مرقى

واكيد وشى جاب السبعتاشر

لون بتوع الطيف كلهم

وصعبت على الراجل وقال طيب خلاص

(اه والله لوحده كده قال لى خلاص اقعدى )
وجاب الشريط بتاع

دقات القلب السليم

وعرضه لنا مرة

تانية علشان خاطرى
توك تيك توك تيك

توك تووووك تاااااك
لأ يااسيادنا ده

مش صوت الشريط
دى دقات قلبى الحين

كل ما افتكر الموقف ده
وربنا ما يرميكوا

فى ضيقة ولا مواقف مشابهه
فيه ناس حيسألوا

وكنتى مابتحضريش ليه

او ماحضرتيش ليه صحيح؟
الحقيقة السبب انا كنت عارفة

بالميعاد والمكان بتاع

الرواند ده بس قبله

على طول كان بيقى فيه

محاضرات نظرى فى الكلية

(وانا اموت فى المحاضرات النظرى )

المهم المحاضرة كانت تخلص

الساعة عشرة والرواند يبدأ

الساعة عشرة (برضة)الزملاء

التانين كانوا ياخوايا تقولش

مركبين عجل فى رجليهم تخلص

المحاضرة تتلفت تلاقيهم

راحوا المستشفى
طيب ازاى مش عارفة
المهم عقبال ما سيادتى تروح

يكون الدكتور دخل وقفل الباب
وانا بقى لو دبحتينى ما

ادخل بعد الدكتور ابدآ
عايزاينى اتهزأ! لو مش

بالكلام يبقى بالنظرات
اصل انا حساااااااااااسة اوى
وعلى رأى الله يرحمهاالست ام كلثوم
اصون كرامتى من قبل (تعليمى) وده
السبب ان المرتين ما حضرتهمش
وبسسسسسسسسسسسسسسسسسسسس
ادينا عايشين وخلصنا واشتغلنا
وهى بقت ذكريات مؤؤؤؤؤلمة
والحمد لله رب العالمين

========

تـدوينة قديمة

فكرنى بها سؤال

عـلى الفيس بوك

عن مــوقف محرج

عليا ومانستهوش

8 comments:

مصطفى سيف الدين said...

على فكرة يا كتورة مرت علينا حاجات اصعب من دي كتير في دراستنا :)
انتي واضح انك حساسة اوي علشان كده الموقف علَّق معاكي
ده احنا كنا يوميا بنتعرض لحاجات زي دي اصعب في دراستنا :)
على العموم الحمد لله ان الموقف عدا على خير و ساب ذكريات حلوة كل ما تفتكريها تضحكي

Unknown said...

مصطفى سيف الدين
الحمد لله على كل شىء
اعترفلك انى حساسة ودى
مشكلة فى حد ذاتها وأيشحال
وانت ببتعرض للموقف دا وسط
زملائك ومش عارف الاستاذ
اللى ادامك رد فعله
ايه؟بس الحمد لله
جت سليمة
شرفتنا ونورتنا
يادكتور مصطفى

مدونة رحلة حياه said...

السلام عليكم
هههههههههههههه
ياما دقت ع الراس طبول
بس المعيدين كانوا معايا مختلفين
كانوا بيسمعوا كلامى مش عارف ليه
لدرجة انى لما كنت بسأل فى حاجات عويصة كنت الاقيها المحاضرة اللى بعدها تتلغى من المقرر
على رأى المثل
يوضع سره فى اضعف خلقه
دومتى بخير

Unknown said...

وعليكم السلام ورحمة
الله تعالى وبركاتــــه
استاذ محمد :انت كنت
بتنومهم مغناطيسى
ولا أيه؟قولنا
السر احنا أصحابك

~ISLAM~ said...

ههههههههههههههههههه

احسن

عشان تقدروا العلم ههههههههه

اصل محسوبك سبع سنين تجارة وعارف قيمته كويس

أحــوال الهـوي said...

و الله يا دكتور انتي طيبه قوي هو ده موقف يحرج حتي الراجل كان محترم جدا
وواضح ان معاليكي حساسه 3 شويات

انا من كتر المواقف البايخه اللي مريت بيها بقيت ما باتاثرش خالص

تسأليني عن موقف معين اقولك خلاص مش باتأثر

تحياتي

يا مراكبي said...

طيب اشمعنى الزملاء كلهم كانوا مركبين عجل في رجليهم وبيلحقوا وانتي لأ ؟ :-)

Unknown said...

يامراكبي
مش عارفة والله
ياباشمهندس احمد
مع أنى بمشي دوغري
لا بحود ولا بتلكع :):)

Post a Comment

قول ولا تجرحـش