Wednesday, January 4, 2012

......يــاســت هـــــانم



فى أيام شديدة
البرودة مثل هذه الأيام
أتذكر تمثلية أو قصة قصيرة
سمعتها فى الإذاعة من فترة
حقيقة نسيت من المؤلفة
ولكنى لم انساها او أنسى أسمها
وكذلك لم أنس من قرأتها
هى الاستاذة نادية صالح
صاحبة البرنامج
الجميل جدا
فى مكتبة فلان
المهم اقول
ملخص القصة
وهى تحكى عن
سيدة عاملة



تستيقظ
فى الصباح الباكر
لتحضر ساندوتشات اولادها
وشنطهم وملابسهم وكذلك
أكواب اللبن الساخنة لهم
ثم تبدأ فى إيقاظهم
وتلبسهم ملابسهم
وترسلهم بسرعةالى
اتوبيس المدرسة
ليلحقوا به
بعد هذا
تبدأ فى مرحلة إيقاظ
البيه جوزها
بعد ان تكون أعدت له الشاى والافطار
وكذلك اطمئنت على
وجود الميه السخنة فى السخان


فى اثناء كل هذا تبدأ هى
ارتداء ملابسها وأخذ اوراقها


لتذهب الى عملها
لتفاجأ بأن سيارتها
لم تغسل او تنظف من أثر
المطر والطين
(بتوع أمبارح)
تلتفت يمينا ويسارا تبحث
عن سايس الجراج المسئول
ولكنها لا تجده وتجد زوجته
نادتها
(تعالى لو سمحتى نضفى العربية)
نظرت اليها زوجة سايس الجراج ولم ترد
!ودخلت لحجرتها
وماهى الا دقايق
وحضر السايس حاملاًالفول
والعيش(السخن)والطعمية
المتصاعد منها الدخان
والرائحة الجميلة
قائلاً حالاً
(ياست هانم)
أدخل الفطار
وأجيب الفوطة وأجى
لما عاد حكت له عن زوجته
وكونها لم
تنظف السيارة
بدلاً منه
نظر لها الرجل بأستغراب
وقال:انتى عايزة(مرتَى)تنضف عربيات؟
تتسآل الكاتبة فى النهاية
من فيهما
الست هانم؟
هى ؟أم زوجة سايس الجراج؟
!!!!!!
صراحة فى أحيان كثيرة
وانا (مسحولة)على الشغل
الصبح وخـــصوصــا
ايام البرد الشديد

بأغيرمن ستات البيوت لكن
بأنسى كل الغيرة دى وأنا
(بـــأقـــــبـــــــض)
المــــاهـــــــية


27 comments:

norahaty said...

السلام عليكم ورحمة
الله تــعالى وبــركاته
وصباح الفل على الكل

P A S H A said...

صباح الفل يا دكتورة
الإيموشن الأخراني ده مالوش حل
:)

norahaty said...

أنا عارفة
أن زوجات سيّاس
الـجراجات وكذلك
زوجات حارسى العمارات
هن اللى بينضفوا العربيات
دلوقتى لكن يبقى السؤال
من فيهن الست هانم؟

norahaty said...

صباح الفل ياباشا
نهارك ابيض باذن الله
أنهى أيموشن دا؟
استنى لما اروح اشوفه

norahaty said...

أهـ حلـو
مش كدا؟:)

P A S H A said...

هههههههههههههههههه

اللي بيعمل كل حاجة ده ، شكلة يموت م الضحك بجد ، لذيذ مووووووووووت

أما تفضي يا ريت تشرحيلنا بتحطيه إزاي في البوست

تحياتي

norahaty said...

باشا
دا باجيبهم من موقع
(http://www.en.kolobok.us/content_plugins/gallery/gallery.php?smiles.2)
فيه اشكال كتير
بتختار الشكل اللى انت عايزة
بصيغة(html)
وتعمل كوبى للصيغة اللى حتطلع لك
تحطها فى المدونة زى ما انت عايز بعد طبعا ما تعمل سيف ولو فيه شىء مش واضح اسأل وانا اجاوبك

أحــوال الهـوي said...

صباح الخير يا دكتور

انتي ست هانم
بصرف النظر مين اللي بيعمل ايه لكن مين بينتج ايه
معاليكي الست الدكتورة بتعالجي المرضي و بتخففي اناتهم
بالرغم ان المعني القريب بيقول ان الست في البيت متستته لكن همه برضوا بيحسدوااللي بيشتغلوا

يقول العقاد
صغيرٌ يبتغي الكبرا .. كبيرٌ ود لو صغر
وخالٍ يبتغي عملاً ... وذو عملٍ به ضجر
ورب المال في تعب .. وفي نصب من افتقر
فهل حاروا مع الأقدار .. أم هم عارضوا القدر؟؟
تحياتي

norahaty said...

أحوال الهوى
والهوى أحوال
حاشا لله ان نعارض
القدر ولكنها النفس
البشرية الطامعة الى المزيد
الأ قليلا من الأنفس المطمئنة
الراضية بقضاء الله وقدره.اللهم
أجعلنا منهم

norahaty said...

وصباح الفل يادكتور
نورت صعبان ونورتنى

شمس النهار said...

مابصدق انك فاتحة التعليقات
:)))
اولا صباح الفل والياسمين
ثانيا كل سنة وانتي طيبة وبخير وصحة وسعادة
سنة حلوة ان شاء الله

والهانم هي اللي بتشوف بيتها وعيالها وتساعد جوزها في ظروف الحياة الصعبة
هي دي ست الستات

بس الاهم ان جوزها يكون مقدر ده

norahaty said...

شمووووسة
عندنا يامرحبا
يامرحبا يامرحبا
الهانم هى اللى شايفة
بيتها وعيالهاوان هذا لا
ينقص من رؤيتها لنفسها
كـ(هانم)برضه

لـــولا وزهـــراء said...

المرأة هي اللي بتختار انها تكون هانم او لأ
وبعدين امرأة البواب خادمة لاولادها ولبيتها تماماً مثل بطلت القصة ودي اجمل خدمة اذا لاقت الكلمة الطيبة


لولا

P A S H A said...

شكر واجب لحضرتك على طريقة الإيموشن ، تمت العملية بنجاح
:)

norahaty said...

لـــولا وزهـــراء
تساؤل الكاتبة
أن من فيهم
الست هانم؟
اللى بيجلها الفطار
لحد عندها وما خرجتش من
باب بيتها ولا اللى اشتغلت
قبل ما تخرج وجرجت وأشتغلت
بعد كدا الخلاصة الأنسان
ما بيعجبوش حاجة:بجد:)

norahaty said...

شريف باشا
العفو نورت
وشرفت وآنست
وأى خدمة قول
انت بس وما يهمكش:)

صبح said...

اخخخخ بس حرام عليكي جيتي على الجرح
انا النهاردة حالتي حالة بسبب الشغل تعبانة موووت و بحس اني استغل ماااديا جدااا من رجال في حياتي ..نفسي احس احساس مرات السيس اللي تبقى محمية من جوزها و هو اللي يفورلها العيش السخن و هي ملكة ..بس لو تكتمل الصورة كما ارادها الاسلام يعني تقعدي في البيت و تحترمي و تجيلك طلباتك و قيمتك مش زي نا المجتمعات تريد يا اما تشتغلي عشان يبقالك كلمة في البيت يا اما ماتشتغليش و ماتشوفيش مليم احمر و قيمتك في الارض ,,يارب الطف بنا يارب

norahaty said...

صبح
ياخبر!
ياحبيبتى
دا انت مسكينة
خالص وشايلة كتير
معلش ربنا يهدى الحال
ويهديهم

msafa said...

على فكره عجبنى الموضوع جدا .. هى فعلا ما تكونش ست هانم او ممكن تكون ست هانم فعلا بس هى يكفيها من العناء والشقاء انها زوجة البواب .. السيده فطرت بالحليب .. هى واولادها .. ... ولكن زوجة البواب .. فطرت بالفول .. وقيسى على ده كل التفاصيل .. فعلا كمان الماهيه تفرق كتير وبيضيع كل التعب ... عجبنى البوست جدا ..

ظلالي البيضاء said...

معلهش دكتورة نور أنا كل ما أدخل مدونة النهارده أقول في تعليقي آسف للتأخير أنا بالفعل مشغوووول كتيييير .. ههههه
على كل الأحوال .. بوست جميل .. ضحكت وأنا أفكر مين فيهم الست هانم .. ههههه
كنت عاوز أدعيلك تبقي حضرتك الست هانم .. بس خوفت تحسبيني بادعيلك تكوني مرات السايس .. ههههه
سررت بالتواجد هنا ..
مع تحيتي لك دكتورة نور ..

norahaty said...

msafa
معلش محدش عاجبه
حاله لا اللى فطرت حليب وفينو
ولا اللى جالها الفطار لحد عندها
ندعى الله بالرضا دايما على
حالنا وأحوالنا

norahaty said...

ظلالى البيضاء
الله يعينك ويقويك
على مشاغلك ويسدد
خطاك وينجح مقاصدك

faroukfahmy58 said...

تور حياتنا وحياة كل المدونين
السعى واجب
ولكن القدر سيكون هو الغالب
الفاروق

norahaty said...

faroukfahmy58
ايوة يااستاذ فاروق
زى الــمثل ما بيقول
اجـــرى يــاابن أدم جرى
الوحوش غير نصيبك لن تحوش

أخبار فنية said...

ميرسى جدا
مدونه مميزه

norahaty said...

أخـبار فنية
شكرا للزيارة
وارجو تكرارهــا

Anonymous said...

ابن بطوطة2008 رائع ومبدع ومحضوض كدالك اخي الكريم .يكون الترحال في الأحلام .ومهما تعب السؤال .فلن يتعب الرّحال! رااائع .سلام

Post a Comment

قول ولا تجرحـش