من كام يوم كدا
وعلى صباحة ربنا
زارنا مدير فرعنا المحترم
اللى مكتبه ب الهرم
الساعة تمانية بالثانية
وقف على الناصية التانية
يراقب الدخول والخروج
والبشر زى الموج
ودخل جنابه وزار العيادة
وكما هى العادة
طلع فوق ونزل تحت
وراح يمين وجه وشمال
ولقى كل شى عال العال
مالقى شى يتكلم عنه
لكن لازمن يبين فنه
ويسيب اثر زيارته الهنية
وطلعته البهية
والا يتقال ما له اثر
ولا كأنه حضر
فكر وفكر وفكر
واتشال واتحط
وقالك لازمن الظبط والربط
وقالك الهرجلة دى ماتنفعنيش
والكلام ده عندى مايمشيش
الكل بيدخل من باب واحد !
لأ كده مش نظام
لأكده مش تمام
العيانين من الباب الادمانى
والموظفين من الباب الورانى
وعنها طبعا بقينا ندخل من الباب الخلفى
اللى ب الشارع الخلفى
سرداب عتمة وطويل
تدخله كأنك بقلب الليل
وصاروا يندهوا بالميكرفون
بالويل والثبور
وعظائم الامور
لمن يعصى الاوامر
يبقى مستغنى عن نفسه
وعن نص حوافزه!
وعنها ياسادة ياكرام
ومن يومها
للأن
لجان رايحة
ولجان جايه
تشوف وتتأكد
من امر المدير المتحدد
ممنوع الدخول للموظفين !
الدخول فقط للعيانين !
وحسبنا الله ونعم الوكيل
*
*
*
*
*
شيئين او ثلاثة
اريد اضيفهم
هذا امر حقيقى حدث بالفعل
مدير الفرع زارنا فعلا
وامر بكل الكلام اللى فات ده
والمشكلة دلوقتى
ان ساعة الحضور والانصراف
للتوقيع فى الكارت
(وخلى موضوع الكارت ده على جنب نخصص له تدوينة لوحده!)
موجودة بالدور الاول
مش بجانب الباب الخلفى
ولازم تمشى المسافة دى
وممكن جدا
تيجى بالميعاد فعلا بس تمضى تأخير برضه
نتيجة للطلوع والنزول
والممر العتمة اللى قلتلك عليه
وأقول ايه
ادى اخرة العلم والتعلم والتعليم
وحسبنا الله ونعم الوكيل
===========
الموضوع قديم
من مدونتى الاولانية
صعبان على حالنا
نمبر ون
بس
والله
ما راح عليه الزمان
ولا جه وكل شوية يجيلنا
تفتيش ومفتش ويطلع
لنا بفرمان سلطانى
هيلمونى عجب
زى فرمان الاستاذ
اللى فات دا
من مدونتى الاولانية
صعبان على حالنا
نمبر ون
بس
والله
ما راح عليه الزمان
ولا جه وكل شوية يجيلنا
تفتيش ومفتش ويطلع
لنا بفرمان سلطانى
هيلمونى عجب
زى فرمان الاستاذ
اللى فات دا
