Saturday, October 1, 2011

.........مــــــاسورة وضــــربت



مــــاسورة
وضربـت
فــــــــى
بلدنا أسمها

وكالات الأنباء

ووكـــــــالات الأخبار
والصحف الإليكترونية
والصحف الـــــورقية
ومراسلى الصحف

ايشى
أخباركم
و أخبارنا
وأخبـــارهم
موجز الأخــــــبار
أخبار المــــوجز
أخبار الناس دكوهم
واخبار الناس دولاهم

وكـــــــــلهم بيقولوا
نـــــفس الكـلام
ونفس المواضيع
ومع ذلك بكل جراءة
يقولك بالبنط العريض
!!!انفراد!!!
بالخـــــــــــــــــــبر

ننشر الحقيقة الكاملة
ننفرد بالصدق التام
و مننساش كلمة

حصريا
بالصوت
والصورة والفيديو
والتليفزيون
والبوتجاززز كمان

نصور ونسجل كل نفس
وكل حركة للمسئول
الفلانى والعلانى
وهو بياكل
وهو بيشرب
وهو بيتنفس
وتلاقى الكل
بيقول
نفس الكلام
سيد صحى من النوم
صحى سيد من النوم
من النوم صحى سيد


فكرونى

بمحلات ملابس المحجبات
اول ما طلعت الهوجة
باريس لملابس المجحجبات
اختى المحجبة توب فاشون
تهديكى مش عارفة أيه
تـــــــــوب كــونتتى
توب ستــــــريت
توب الشىء الفلانى
وتوب الشىء العلانى
الحراملك لملابس المحجبات
السلاملك للملابس الراقية
اليشمك لأصالة
البرقع للأمانة
وكلهم بيعرضوا
نفس المعروضات

وأقولكم أيه ؟أهو كله
كلام
وسبوبة وأكل عيش

6 comments:

محمد الجرايحى said...

مع كثرة الأحداث وتدافقها والتطور التكنولوجى والكبت السابق للحريات والإعلام كان لزاماً عليها أن تنفجر .....

norahaty said...

محمد الجرايحى
كلامك صح استاذنا
طول الكبت والتكنولوجيا
الحديثة اللى خلت اهل الدنيا
كلهم كانهم جيران

أحــوال الهـوي said...

الحقيقه الموضوع مش مستحدث و لكنه نفس النمط المتكرر الزيادة في عدد المطبوعات هي الكتله الحرجه في سبب الانفجار
و الامهر هو من يبدع في مانشيت الخبر الذي يجذب القاري و يزيد توزيع الاعداد
ماسورة و ضربت
من ضرب الماسورة
طرق ضرب الماسورة
علاقة الموساد بمخطط الماسورة
هيفاء وهبي تنفي علاقتها بضرب الماسورة
حديث الماسورة المضروبه
النيابه العامه تكشف سر الماسورة
اختفاء الماسورة المضروبه في ظروف غامضه

ااقول كماااااااااان

تحياتي

norahaty said...

أحوال الهوى
والهوى أحوال
فعلا يـادكتور
كل ما اى مشروع
ينجح تلاقى 100مشروع
زيه بالضبط لا تجديد ولا
تغيير فيه والنتيجة !!!

Tarkieb said...

هي دي مصر يا عبلة لو فيلم كوميدي نجح يبقى بعده كله كوميدي لو فيلم مخدرات نجح تبقى كله افلام مخدرات..حتي الشاي فاكر زمان كان كل الاعلانات شاي وبعدين بقت كلها سمنة

norahaty said...

تراكيبوو
كلامك مضبوط
تطلع حاجة وكله
بعده كدا كوبى
وباست:)

Post a Comment

قول ولا تجرحـش