Friday, July 15, 2011

!!يامصراوية خليكى إيجابية



خليكى إيجابية دى اللى كانت

نفسى بتقولهولى على صباحة

ربنا
من كتر ما شفت تحفيزات

ومجموعات وجروبات على

الفيس بوك وقولت لابد عن بد

أكون إيجابية المهم نزلت

اروح الشغل وانا مستحلفة

بقى فى السكة لقيت عيل

بتاع 5-7 سنين ماسك مسمار

وهاتك ياتفحير فى عربيات الناس

بس ياحبيبى عيب

كـــــ د ا
ما يصحش

الواد بصلى وسكت ومشي ادامى

وانا مشيت واره

مش متعمدة والله

كان ماشى فى طريقى

اعمل ايه؟

المهم الواد برضة رجع

يكحت فى العربيات بالمسمار

ياابنى ياحبيبى عيب كدا لو دى

عربيتكم كنت عملت فيها كدا

الواد بصلى وبردون

برطم بكام كلمة ومشى

انا قلت ولو مش حيهمنى
مش حاعطل مسيرة الإيجابية
علشان شوية برطمة


مشيت وهو ماشى ادامى

سابقنى بكام خطوة

أعمل ايه؟

ماهو طريق شغلى

لقيت الواد مطلع نبلة

وبدأ يرمى بالطوب ولا بزلط

على شجرة مانجا فى الفيلا

اللى على ناصية الشارع

ياابنى ياحبيبى خطر كـــ ـدا

وقبل ما أكمل النصيحة

لقيت الواد التفت وبعزم مافيه

أيه ياست أنتى

عايزة أيه منى

انا حر أعمل اللى أنا عاوزه

صراحة وإن جيتم للحق

أنا قلت أسيبه

مش خوف ابدااااااا

ولا جُبن ابداااااااااا

لكن كان ميعاد الشغل قرب

وممكن أمضى تأخير

كانت معكم

الإيجابية سابقاً

المطنشة حاليــاً

وملهاش دعوة حاليا

norahaty



*****
******
*******

فضيلة الشيخ



8 comments:

Tarkieb said...

ههههههههههههههههه حجة المطنش ميعاد الشغل...لا شاطرة

Unknown said...

Tarkieb
ايووووة ميعاد
الشغل !مش مصدقنى
ولا أيه:):)!

r said...

هههههه
الطيب احسن يا دكتوره

Unknown said...

بست
مش الطيـب
برضه احسن:)

الاحلام said...

اللامبالاه الموجود فى كثير من شبابنا والبلطجه الموجوده فى كثير من شبابنا شىء مرعب ومخيف فهذا لا يجعلنا اجابيين ابدا ندعو الله ان يسترها معنا دائما سعيد بتواجدى هنا تقبلى تحياتى الاحـــلام

Unknown said...

الأحـــلام
يسترها معانا
كــــلنا يارب
ويجيب العواقب سليمة
سعدت انا أيضا بتواجدكم .

كريمة سندي said...

المهم إنك عملت اللي عليكي ونصحتيه فالدين النصحية

أرق التحايا

Unknown said...

كريمة سندى
تقدرى تقولى حاولت
اعمل اقل القليل من المفروض
انى أعمله

Post a Comment

قول ولا تجرحـش