Monday, June 27, 2011

.........مـــن سيحكمنــــــا




الموضوع اللى شاغل
الناس كلاتهااااااااااااا
مين رئيسنا


الجديد إن شاء الله
او مين حيبقى


رئيسنا الجديد بأذن الله
عارفين حال بلدنا دلوقتى

بيفكرنى ببنوتة اموووورة

وخطابها كتيرررررر

وكل خاطب يجى ومعاه مؤهلاته

وشهاداته ومحاسيبه

ومريديه وواسطته وغيره وغيره

المهم الكل يخطب ودها

والكل يمدح فى جمالها

والكل يقولها

أنا حاعمل واسوى


وكانى ومانى ودكان الزلابانى
علشانك ياقمر يا جميلة


وكمان يفند ويعدد وكمان يشّكك


فى الخطاب اللى قبله ويجبلهم


المستخبى كله ايشى


صورة قديمة كان فى وضع مش هو


وايشى رأى سابق برضه مش هو


وأيشى حديث لم ينشر من قبل


مش هو برضه

المهم فى إعتقادى

وكما هو الحال فى الأفلام

والمسرحيات والقصص

والمآسى التاريخية

ان من سيفوز


بالرئاسة او بالأصح
من سيحكمنا عن قريب

شخص اخر تماما

غير كل من نراهم على الساحة

كيف سيأتى هذا الشخص؟

ومن الذى سيأتى به؟

ومن هو أساسا؟

أعتقد أن كلنا

عارفين الجواب

أو شاكين فى الجواب

أو خايفين من الجواب

خايفين ننطق بأسمه

حتى لا يتحقق خوفنا

****

شخصيا سأحتفظ

بالأسم لنفسى

وربنا يستر




16 comments:

Unknown said...

اللهم لا أسألك
رد القضاء ولكنى
أسألك اللطف فيــه

لــــ زهــــــراء ــــولا said...

دكتورتى الغاليه

اللى هيحكم مصر هو رجل ^_^

انا كمان باقول حد اسمه مش موجود على الساحه خالص مالص اذا ربما يكون اونكل جمال مبارك او جدو حسنى مبارك او ربما حد مش على الخاطر ولا فى النيه واستر ياااااااااارب من اللى جاى

تمنياتى لكى بكل الخير والسعاده


زهـــــــراء

Tarkieb said...

البرادعي ان شاء الله

(•¿•)
(\(\*/)/) (\(\*/)/) (\(\*/)/)

Unknown said...

سيدتى
السلام عليكم ورحمة الله وبركاته
نحن فى لحظة فارقة فى حياتنا ولقد استجاب الله تعالى لدعاء المخلصين منا وحقق لنا نصراً مبيناً ووضع أقدامنا على بداية الطريق الصحيح هل نستمر فى السير عليه أم ننحرف هذا سيكون اختيارنا والذى سيحدد مصيرنا
وأسأل الله تعالى أن يبصرنا سبيل الخير والصلاح
اللهم آمين

مصطفى ريان said...

المجلس العسكري ممكن يلعب لعبة تغير كل التوقعات دة تخميني لو الحال مشي كما في البوست

مصطفى ريان said...

انا طبعا نفسي البرادعي لانه في رايي احسن من يقود سفينة الوطن في هذا الوقت

الميكروباص said...

ولله انا مش عارف الناس بتجري على ايه وهايموتوا روحهم من اجل حكم مصر
ده اللي يمسك منصب في البلد دي يبقى عبيط
دي عندها مشاكل لا حل لها أبدا
وبالنسبه للرئيس
انا اتوقع لو نزل عمر سليمان هايكسب
والسبب ان الجيش سيمن ثلث ميزانية الدوله وان كل واحد منهم يبقى في موقعه
ولو لم يكن عمر سليمان يبقى احد المقربين من الجيش
اصل صعب اوي البرادعي او ايمن نور يبقى واحد فيهم القائد الاعلى للقوات المسلحه

Unknown said...

لولا وزهـراء
أكيد يـا زهرة
راجل من ضهر راجل
زى ما بيقولوا وربنا
يستر من المستخبى والمخفى
نورتنى وحمد لله على السلامة

Unknown said...

Tarkieb
أنت تفتكر كدا؟
ربنا يولّى من يصلح
إنما ايه الرسم
الجميـل دا:)

Unknown said...

أستاذ محمد الجرايحى
عليكم السلام ورحمة
الله تعالى وبركاته
فعلاً ما نحن فيه
لحظة مفصلية
فى تاريخنا
هدانا الله
الى معرفة
و(سلوك)الطريق
الصحيح لنصل الى ما نرغب
من رفعة شأن بلدنا

Unknown said...

مصطفى ريان
أهو أنا خايفة
جداً من اللعبة دى

Unknown said...

مصطفى ريان
ربنا يوفقنا الى
من فـعلا يكون نعـم
القائد فى المرحلة الخطيرة
دى

Unknown said...

لورنس العرب
دا رأيى بلدنا
مليانة مشاكل اللى
حيحكمها لو قاصد مصلحتها
ومصلحة ناسها يبقى الله يكون بعونه
أما لو قاصد عكس ذلك فالله يكون بعونناأحنا:)

Unknown said...

اللهم سترك
اللهم عفوك
اللهم مددك

يا مراكبي said...

أنا كمان من رايي إن الرئيس القادم والحكومة الدائمة سيكونون جميعاً من خارج المشهد الحالي تماماً، أناس لم يحرقوا أنفسهم مُبكرا مثل هؤلاء الحاليين

Unknown said...

يامراكبى
انا اعتقد أنه
شخص(أتفق)عليه
ولكنهم(لن يعلنوا)عنه
حتى اللحظة الأخيرة وما نحن
فيه ما هو الأ(أشتغالة)كما
يسمونها هذه الأيام.

Post a Comment

قول ولا تجرحـش