Wednesday, May 18, 2011

......هموووووم


الهم الأول:
إيميل قديم لى أتسرق
كنت عملته اول ما عرفت
الكومبيوتر والنت وكده
المهم انه اتسرق وبيبعت
رسايل للأصدقاء بكلام
سخيف وبايخ اوى

فارجو المعذرة

أن وصل لكم شىء

غير لطيف من عندى

وحاشوف ألغيه
(الإيميل يعنى)
ازاى

::الهم الثانى:
الإضراب فى رايى منفعش

اشتغلنا امبارح والنهاردة عادى خالص
يادوبك عيادة الجراحة والعظام هم اللى عملين
إضراب جزئى بمعنى ألاطباء المتعاقدين بيشتغلوا
لكن المتعينين مضربين عن العمل
سواء بالعيادة أو المستشفى
وبالتالى مفيش حالات جديدة
بتدخل للمستشفى يادوبك الطوارىء
:الهم الثالث
بردون يعنى
حمامنا العزيز شارك فى
زيادة (همومى)وبينقط
بردون على الجيران اللى تحت منى

ولازم أجيب (البيه السباك)فى اقرب فرصة

23 comments:

norahaty said...

مرة تانية
اسفة لأى حد
وصـله شىء
غيـر لطيف
مـن عندى

Ramy said...

ربنا يشيل

عنك همومك

يا دكتورة

norahaty said...

Ramy
تسلم وتعيش يارب

أحــوال الهـوي said...

فرج الله همك و اصلح بالك و بعث السرور الي نفسك

تحياتي

بسنت said...

شوفى الاضراب اذا كان فعلا الصبح بس فى الحكومه وبعدين الدكاتره يروحوا يفتحوا عيادتهم او يشتغلوا فى المستشفيات الاستثمارى انا شايفه ان دا ما سموش اضراب ليه اسم تانى مش قادره اكتبه
لانى مؤيده الاضراب تماما بس بضمير مش علشان الحكومه علشان الناس كمان تاخد خدمه متميزه
--------------------
السباكه دى هندسه اصلا واذا ما كنش اللى بيعملها عنده ضمير بردوا حاجه مش كويسه
------------------------
اخيرا بقى ربنا يسترها معانا ومع مصر

أم هريرة (lolocat) said...

السلام عليكم

فرج الله همك اختاه ويسر لك كل الاحوال
اما موضوع الاضراب اتابعه على قناة الجزيرة واعتقد انه سيمر بلاشىء فنحن فى حالة غريبة فى البلاد ولم يأتى القوت لتلبية كل المطالب ولننتظر ونرى ما القادم اسأل الله تعالى ان يكون خيرا ان شاء الله
دمت اختاه بكل خير ويسر لك الامور

تحياتى وتقديرى لك

norahaty said...

أحوال الهوى
يارب ادكتور عصام
احنا والقارئين يارب

norahaty said...

بسنت
ماهو انا
بقولك أهوة:المتعينين
مضربين لكن اللى بالعقد
وبالفترات شغلين عاااااادى
والسباكة جنينتى هى وعمالها:(
ويسمع منك ربنا يابسنت يارب
ويسترها مع الجميع يارب

norahaty said...

أم هريرة
وعليكم السلام ورحمة
الله تعــالى وبركاته
جزاكِ الله كل خير على
دعواتك الطيبة
وجعل لك خيراً
منها

Dr Ibrahim said...

الف سلامة

يا مراكبي said...

أنا شايف إن أهم هَم فيهم هو موضوع السباك ده

:-)

كان الله في العون .. وفي عون السباك كمان

:-)

لـــولا وزهـــراء said...

ربنا يسامح اللي سرقه ويهديه

كله الا الحماااااااااااااام قال ينقط ع الجيران قال (:

ربنا معاكِ ياقمراية

لولا

Anonymous said...

صباح الخير
تعرفي انا حاسس انك بتكتبي مذكراتك الشخصيه بس بدل ماتحتفظى بيها بتنشريها شيء مش وحش
الحاجه التانيه الاضربات بتضر البلد
الحاجه المهمه هو ميلك اللي اتسرق ايه علشان احرص منه


onyx

تركي الغامدي said...

أسأل الله تعالى لك التوفيق دوماً ويظل ماتطرحين ينثر عبيراً مختلفاً وفقك الله لكل خير

طارق الطيب سليم said...

السلام عليكم ورحمة الله وبركاته

انتى حساسة جدا يا دكتورة
هههههههه
فين الهموم لا توجد هموم

اولا بالنسبة للميل اللى اتسرق ماعتدقتش ان من يعرف الدكتورة نور جيدا ممكن تنطلى عليه حكاية انك بتبعتى رسايل مش حلوة ليهم واكيد هايعرف انه اتسرق او ان هناك خلالا ما على الاقل
اما من لايقدر او يعذر ارميه ورا ضهرك وانسيه فلا خير فيه ، ما هو فيه حجات ربنا يعملها ونظن انها شر وانما هى فى الواقع خير عشان نقدر نشوف الناس اللى حوالينا على حقيقتهم كويس من غير تجمل .

اما بالنسبة لاضراب انا عارف من الاول انه مش هايجيب نتيجة وكنت معترض عليه ، الثورة عشان تنجح وينصلح حالنا لازم نتسلح بالصبر والتانى
صبرنا تلاتييييييين سنة على الظلم والقهر مش قادرين نصبر سنة او اتنين على ما الامور تتحسن ونبدأ نجنى ثمرة الكفاح الثرى ؟؟

اما بالنسبة للحماما اللى بنقط دى بقى عاذرك فيها
انا شخصيا لو حمام جيرانى اللى فوق لو نقط عليا انا ممكن اولع فيهم وفى الحمام وفى النقط اللى بتنقط دى

البيه السباك لازم يجى بسرررررررعة

تقبلى تحياتى .

norahaty said...

دكتور إبراهيم
الله يسلمك يافندم

norahaty said...

يــامراكبى
الحمد لله!خلصنا
منه عقبال
باقى الهموم

norahaty said...

لولا وزهراء
بيت الراحة!لازم
يكون اهم مكان طبعاً:)

norahaty said...

onyx
مذكراتى؟
امممم يمكن
بس برضه من دا على دا يعنى مذكرات ومواضيع منقولة سواء عجبتنى أو شايفة انها ممكن نافعة لغيرى

norahaty said...

استاذ تركى
حضورك وتعليقك
هو ما يضيف العبير
الزاكى علي المدونة

norahaty said...

أستاذ طارق
وانا رايى برضه
الأنتظار ولكن بحدود
مع النظر الى ما يتم
انجازه اول بأول.
والحمد لله على
جيرانى بقى!صبروا على
لحد ما صلحنا العطل خلاص.

norahaty said...

الحمـد لله
رب العالمين

msafa said...

المهم انتى تادى واجبك على اكمل وجه .. ايوه فى مشاكل فى كل الحاجات فى حياتنا بس هانحاول نعديها والاضراب والوقوف عن العمل ده مش حل .. انا حاليت مشكلة الحمام بعد ما عشت اسبوع ... كان هايوصلنى للانهيار بس خلاص احسن دلوقتى ... تحياتى

Post a Comment

قول ولا تجرحـش