Tuesday, May 3, 2011

الشهور القبطية والأمثال الشعـبية




صراحة أنا معرفش الشهور القبطية



كلها او ماعرفهاش بالترتيب او هى كام بالضبط



وسألت نفسى السؤال دا كذا مرة



وكنت ماعرفش الجواب



ياعيب الشوووم ياولاد وأقول لنفسى



افرضى قابلك الأستاذ طارق علام



بتاع كلام من دهب ولا حد تانى




وسألك السؤال دا



يضيع عليكى الجنية الدهب يعنى؟



أزاى بس وأحنا عندنا



الأستاذ جوجل



بمعلوماته الكتير جداً



المهم سألت وطلعتلى








اول اختيار طبعا



لقيت فيها المعلومات العامة السريعة



بطريقة




سين سؤال



جيم جواب




ماشى




ماشى




لكن كمان




لقيت موضوع



اتكرر كذا مرة فى النت




وكمان بيتكرر فى حياتنا اللى هو



الشهور القبطية وإرتباطها بالأمثال الشعبية



وازاى كتير من الأمثال بيوصف حال الجو والناس فيها



وكفاية كلام بقى وبطلى رغى ياساتر




(دا اكيد انتوا اللى بتقولوا دلوقتى)
أقول بس حاجة أخيرة



كومبو لسه بايظ ومش باين له تصليح



ولازمن ولابدن اجيب كومبيوتر جديد



وجديد بجديد بقى



يبقى اجيب لاب توب



واخلص



بس



الحكاية
لازملها حسابات ومشاوير للبنك واستشارات وخلافه



ونشوف الموضوع يلا كدا
أتفضلوا



الشهور القبطية مقدمة



هى الشهور المصرية القديمة المرتبطة
بالنجم سايروس (Sirius)
وقد أستخدمهاالمصري القديم في
كل ما يختص بالزراعةوالحصاد ولا
تزال هذه الشهور تستخدم فى الريف
المصري المعاصر لان هذه الشهور كانت
مرتبطة بمواعيد الزراعة والحصاد
وقد استخدمها الأقباط
المصريين الأصلين=
وليس المسيحين كما هو شائع خطأ



فى عصور لاحقة
أصل التقويم
يعود اصل هذه التقويم إلى 4240 قبل الميلاد
حينما قسم الفراعنة السنة إلى 12 شهر
وكل شهر فيه 30 يوماً يضاف إلى ذلك
خمسة أيام تسمى الشهر الصغير أو ايام النسى
كما يضاف في السنة الرابعة الكبيسة
أيــ6ــام بدل5 وذلك بأمر
من بطليموس الثالث سنة 238 حتى
تصبح أيام السنة 365 يوماً مثلها
في ذلك مثل السنة في التقويم الشمسى
أسماء الشهور
حملت هذه الشهور أسماء مصرية
قديمة (هيروغليفية)ثم حورت
إلى القبطية وهى
1- توت(11/12 سبتمبر) = نسبة
إلى الاله المصري توت أو تحوت
اله الحكمة والعلم والكتابة وحامى الكتبة
2- بابة(10/11 أكتوبر)أو أبة
هو الاسم الأصلى للاقصر
وكذلك نسبة إلى عيد اوبت




وهو عيد انتقال الاله امون



من معبده في الكرنك إلى معبده في الأقصر
3- هاتور
(10/11 نوفمبر)
نسبة إلى حاتحور
(هاتور في القبطية)
الهة العطاء والحب والموسيقى
4- كيهك أو كياك(10/11 ديسمبر)
=مشتق من التعبير كا-حر-كا
أي قرين مع قرين
ومعناه:عيد اجتماع الأرواح عند الفراعنة




طوبة-5
(9/10 يناير)
مشتق من الكلمة المصرية القديمة
تاعبت وهو أحد الاعياد



6- أمشير
(8/9 فبراير)
إشارة إلى عيد يرتبط
بالاله "مخير"وهو
الاله المسئول عن الزوابع
7- برمهات
(10/11 مارس)
ربما نسبة إلى عيد يتعلق بالملك أمنحتب



8- برمودة
(9 أبريل)=
نسبة إلى إله الحصاد الفرعونى
(رنودة)



9- بشنس
(9 مايو)
نسبة إلى الاله خونسو
(خنس في القبطية)
إله القمر عند الفراعنة
وممثل دور الابن في ثالوث طيبة



10- بؤونة
(8يونيو)=
نسبة إلى عيد
"انت"
أي عيد الوادى
وهو العيد الذي ينتقل فيه
آمون من شرق النيل إلى غربه
.وكانت الذبائح تقدم تكريماً للراقدين.
11- أبيب
(8 يوليو)
عيد الإلهة أبيبى عند الفراعنة



12- مسره او مسرى
(7أغسطس)
نسبة إلى مسو-رع أي ولادة رع



13- النسى أو الشهر الصغير
يحتفل بأوزيريس في أول هذه الأيام



=====



تانى موضوع بقى اللى هو




الامثال الشعبية وارتباطها بالشهور القبطية
عبد المنعم عبد العظيم







يقع شهر توت في رأس السنة القبطية




وينسب إلى الإله توت




أو تحوت إله الحكمة والعلم والمعرفة




ومبتكر الكتابة، وقد رمزوا له




بالطائر المقدس أبو منجل



"ايبس"



الذي يأتي في بداية السنة الزراعية



مبشرا الفلاح ببدء موسم الزراعة
ولعل من السمو أن تبدأ السنة القبطية بالحكمة والمعرفة
وفي الأمثال الشعبية




"توت ري ولا تفوت"




أي الفلاح الذي لا يستطيع




أن يروي أرضه هذا الشهر




لا يستفيد من زراعتهاوالمثل التالي



"توت يقول للحر موت"



نسبة إلى انكسار نسبة الحرارة في هذا الشهر.
ومن أشهر الأمثلة




"توت حاوي توت"




أي أن الحاوي يتكلم بالعلم




والمعرفة بلسان الإله توت




توت يا تروى ياتفوت"
وشهر توت يأتى في الفترة




من 11 سبتمبر/أيلول إلى 10 أكتوبر/تشرين الأول
ثم يأتى شهر بابه




أي شهر حابي إله النيل




ويعنى أيضا شهر الاوبت
=

عيد انتقال الإله امون



من معبد الكرنك إلى معبد الأقصر محملا



على القارب المقدس في موكب رائع



عبر طريق الكباش الذي يجري



إعادة اكتشافه هذه الأيام.
يقول المثل



"بابه خش واقفل الدرابة"



أي الطاقة




(النافذه الضيقة في البيوت الريفية)



اتقاء للبرد في هذا الشهر
ويقول المثل أيضا



إن صح زرع بابه يغلب النهابة،



وإن خاب زرع بابه ما يجيبش ولا لبابه"



أي أن كثرة المحصول



في بابة مربحة مهما انتهب منها
ويأتى شهر ببه في الفترة



من 11أكتوبر/تشرين الأول إلى 9 نوفمبر/تشرين الثاني
ثم يأتي شهر هاتور،



أي شهر حتحور البقرة المقدسة



رمز الخصب والجمال والنماء



ورمز الآلهة إيزيس



ويقول المثل



"هاتور أبو الدهب منثور" يقصد القمح
ويقول المثل أيضا



"إن فاتك هاتور اصبر لما السنة تدور"
ويأتى شهر هاتور



من 10 نوفمبر/تشرين الثاني



إلى 9 ديسمبر/كانون أول
ثم يأتى شهر كيهك



ومعناه شهر كا هاكا، أي شهر اجتماع الروح كا
وفي المثل



"كياك صباحك مساك، شيل يدك من غداك، وحطها في عشاك"



إشارة إلى قصر النهار في هذا الشهر وطول الليل
ويقول المثل أيضا



"البهايم اللى متشبعش فى كياك ادعى عليها بالهلاك"
وشهر كيهك من 10 ديسمبر/كانون أول



إلى 8 يناير/كانون ثاني
ثم يأتى شهر طوبة



ومعناه الأعلى أو شهر عيد الفصح،



الذي يقع في 11 طوبة وفيه التطويب



أي إعداد الأرض للزراعة
ومن الأمثلة في هذا الشهر



"طوبه تزيد الشمس طوبة"
ويقول المثل



الغطاس عيد القلقاس



واللى مايأكلش قلقاس يوم الغطاس



يصبح جته من غير راس



وفي طوبة يشتد البرد
ويقول المثل



"طوبة تخلي العجوزة كركوبة"



أيضا



"طوبه تخلي الصبية جلدة والعجوزة قردة"



وفي المثل أيضا



"الاسم لطوبة والفعل لأمشير"
ويقسم الفلاح المصري



طوبة من حيث الطقس إلى ثلاثة أجزاء




(طوبة)



العشرة أيام الأولى من الشهر
</
حيث يشتد البرد




و




(طبطب)




حيث البرد الذى يجعل الإنسان يطبطب أي يرتعشوالعشرة أيام الأخيرة




(طباطب)




أي تقلب الجو من الصحو إلى الممطر
وشهر طوبة



من 9 يناير/كانون ثاني إلى 7 فبراير/شباط
وبعد شهر طوبة يأتي



شهر أمشير



(شهر آله الريح والزوابع)




يقول المثل




"أمشير أبو الزعابير الكتير ياخد العجوزة ويطير"
امشير يقول لبرمهات




عشرة منى خد وعشرة منك هات



نطير العجوز بين السفكات
وقسمه الفلاح المصري أيضا



إلى ثلاث أقسام



(مشير)



ويقال لها عشرة الغنامى أى راعى الأغنام



حيث ينخدع الراعى بالدفء
و(مشرشر)أو عشرة الماعز



أو عشرة الماعز حيث يعود البرد للاشتداد ويكثر هبوب الريح وسقوط المطر وتنفق الماعز من شدة البرد.
و(شراشر) ويطلق عليه عشرة العجوز حيث تبدأ العجائز في الحركة بعد ظهور الدفء.
ويأتي شهر أمشير من 8 فبراير/شباط إلى 10 مارس/آذار.
ثم يأتي شهر برمهات، وينسب إلى فرعون مصر أمنحات.
وفي هذا الشهر تأتي رياح الحسوم التي ذكرها القرآن الكريم



{سبع ليال وثمانية حسوما فترى القوم فيها صرعى كأنهم أعجاز نخل خاوية}.
ويطلق عليها أيضا برد العجوز.
يقول المثل "برمهات روح الغيط وهات قمحات وعدسات وبصلات".
وشهر برمهات من 10مارس/آذار إلى 8 أبريل/نيسان.
ثم شهر برمودة وينسب إلى (رنودة) إلهة الحصاد.
يقول المثل "برمودة دق العامودة" أي دق سنابل القمح بعد نضجها.
وشهر برمودة من 9أبريل/نيسان إلى 8 مايو/آيار.
ثم شهر بشنس، وينسب إلى الإله (خونسو) إله القمر وابن الإله آمون، وفيه تدرس المحاصيل.
يقول المثل "بشنس يكنس الغيط كنس" "فى بشنس خلى بالك من الشمس"
وشهر بشنس من 9 مايو/آيار إلى 7 يونيو/حزيران.
ثم يأتي شهر بؤونه أي با اونى، أو وادي الحجارة نسبة إلى (وادى الملوك) الشهير بالقرنة بالأقصر.
يقول المثل "بؤونه نقل وتخزين المونة" أي المؤنة للاحتفاظ بها بقية العام، وكان التخزين أحد عادات المصريون القدماء، خشية الفيضان الجارف أو انقطاع الفيض.
ويقال "بؤونة الحجر" لارتفاع الحرارة فيه.
"بؤونة تكتر فيه الحرارة الملعونة"
وشهر بؤونة من 8 يونيو/حزيران إلى 7 يوليو/تموز.
ثم شهر أبيب، نسبة إلى أبيب أو هوبا أو حابى إله النيل.
يقول المثل "أبيب فيه العنب يطيب" "ابيب طباخ العنب و الزبيب"
"ان كلت ملوخية فى أبيب هات لبطنك طبيب"
ويقول المثل أيضا "أبيب مية النيل فيه تريب" نسبة إلى الفيضان.
وشهر أبيب من 8 يوليو/تموز إلى 9 أغسطس/آب.
ثم تنتهى السنة القبطية بشهر مسرى، وأصلها سى رى نسبة إلى إله الشمس رع
يقال في المثل "عنب مسرى إن فاتك متلقاش ولا كسرة"، حث على الإسراع في زراعة الذرة.
ويقال مسرى "تجرى فيه كل ترعة عسرة" حيث تزداد مياه الفيضان فتغمر كل مصر.
وشهر مسرى من 7 أغسطس/آب إلى 5 سبتمبر/أيلول.
يقول القلقشندي في كتابه "صبح الأعشى في صناعة الانشا" على لسان أحد الرحالة "عرفت أكثر المعمور من الأرض، فلم أر مثل ما بمصر من ماء طوبة، ولبن أمشير، وخروب برمهات، وورد برمودة، ونبق بشنس، وتين بؤونة، وعسل أبيب، وعنب مسرى، ورطب توت، ورمان بابة، وموز هاتور، وسمك كيك.
ويستمر هذا الثراء الثقافي، ويترسب في وجدان الفلاح المصري الذي تعلم بالفطرة شهور السنة القبطية، أو لم تمحها من ذهنه السنة اليونانية الرسمية، ولا السنة الهجرية التي احتفظ بها لعبادته، وجعل من إحداثها وبدايات أشهرها مواسم للخير وسماها أيام رحمة يبذل فيها للفقراء ويبر أهله بالطعام.
******



******



******



منقول من كذا مصدر
الوكيبديا
وثانيها
عن الأستاذ
عبدالمنعـم عبدالعظيم
كاتب وباحث:الأقصر -مصر

=========

عفواً لبعثرة الخطوط والسطور
فحالة (الكومبويوتر)صعبة جدا

=============
سؤال :ازاى أحدد المسافات بين السطور؟

28 comments:

Ramy said...

جميل جداً الموضوع يا دكتورة

و تعب البحث باين فيه

بالنسبة للمسافة بين السطور

أنا بأكتب بره على الوورد و بعد كدة كوبى باست

على المدونة و بياخد الموضوع بالأبعاد اللى حضرتك عملاها

maxbeta3zaman said...

والله انا ماكنت حافظ منهم غير طوبه وأمشير لارتباطهم بالبرد والزعابيب وبرمهات لارتباطه بالمحاصيل وجمعها وبشنس لأنه يكنس الرض كنس ...والباقى لم اكن اذكرهم

لـــولا وزهـــراء said...

"



"أمشير أبو الزعابير الكتير ياخد العجوزة ويطير"
امشير يقول لبرمهات




عشرة منى خد وعشرة منك هات
"

هههههههههههههههههههه احنا دمنا خفيف بالوراثة يادكتورا ههههههههههههه

الف سلامة ع الكمبيوتر ونصيحة اللاب توب جميييييل بس غاااالي

لولا

أم هريرة (lolocat) said...

السلام عليكم
ماشاء الله عليك اختى
جهد كبير وملحوظ هههههه

بارك الله فيك

اشكرك جدا جدا على المعلومات الطيبة

جزاك الله كل خير وجعله بميزان حسناتك ياغالية

دمت بكل خير
تحياتى لك

nour shahen said...

مشكوره طبعا علي مجهودك الشديد بجد فى البحث دا وعايزه اقولك مش تقلقى ناس كتير مش قادره تحفظهم برضو واصلا انا اكتر منك فى الضياع حتى مش عارفه ايه هى الشهور اللي 30 وايه الشهور اللى 31 كل اللي بعرفه شهر 2 ههههههههههه منساش شهر عيد ميلادى ابدا
افتكر زمان كنت بسمع عن شهر طوبه بيقولو المثل بتاعه طوبه بيخلى الشابه كركوبه هههههههههههه
المهم المعلومات كانت جميله بس كتيره قوى علي انها تتحفظ بس اهى معلومات من باب المعرفه يمكن حاجه تمسك فى عقلى
خالص شكرى ليكى وموضوع بجد هايل

norahaty said...

Ramy
الأجمل هو حضورك يارامى
ومتشكرة لأجابة السؤال
حاعمل زى ما قلت
وربنا يوفقنا

norahaty said...

maxbeta3zaman
معقول!طيب ملكش
حجة بقى اهم بقوا
عندك فى اى وقت تشوفهم
نورتنا يامكس يبتاع
زمان والنهاردة وبكرة

norahaty said...

لـــولا وزهـــراء
طبعا دمنا زى
السكر انتِ عندك
شك فى دى :):):)
يارب يسعدك دايما
برضاه يارب
يالولا

norahaty said...

أم هريرة(lolocat)
وعليكم السلام ورحمة
الله تعالى وبركاته
الشكر لله ثم للأستاذ جوجل:)
نورتينى ياام هريرة

norahaty said...

nour shahen
ايوة يانور ما انا
عارفة انهم صعب يتحفظوا
لكن ادينى جمعتهم وحطتهم
فى مكان محدد ولو احتجتهم اهم ادامى .نورتينى يانووور

Anonymous said...

صباح الخير
شكرا علي المعلموات القيمه دى بس كتبتى كتير والملاحق والفهم والحفظ للي كتابتيه صعب ملاحقته عموما شكرا للفائده
سؤال هو انتى كتبتيه الاول بالروسي وبعدين ترجمتيه ولا عملتى ايه ؟
ربنا يوفقك
الا انتى دكتوره في ايه؟

Anonymous said...

نسيت امضي يادكتوره

onyx

محمد الجرايحى said...

جهد طيب ومشكور

norahaty said...

onyx
مساء النور يافندم
الشكر لله اولاً
ثم
(للشبكة العنكبوتية )
زى ما بيسموها
وجزء من الموضوع كوبى
وباست من المصادر بتاعته
وجزء مكتوب على لوحة المفاتيح
بتاعة الأستاذ جوجل حلال المشاكل
وموافقك فعلا المعلومات كتير بس أهى مرة تتحط كلها مع بعض واللى يحتاج ياخد اللى محتاجه

norahaty said...

onyx
حصلناالشرف يافندم
بس ممكن ياترى أسأل
يعنى ايه onyx?
ارجو الأجابة
(وارجو عدم الغضب)

norahaty said...

محمد الجرايحى
اشكرك يااستاذنا

يا مراكبي said...

مجهود رائع وبحث أكثر من رائع

Anonymous said...

ثقافة الهزيمة .. العتبة الخضراء

و تقول الحكومة المصرية التعيسة أنها تسعى لبناء أربع محطات نووية بحلول عام 2025، على أن يبدأ تشغيل أولاها في 2019 ، وأن يضيف البرنامج النووي الجديد ما يصل إلى 4000 ميجاوات !!! علما بأن تكاليف بناء 4 مفاعلات نووية حوالى 20 مليار دولار.

و نشرت جريدة المصرى اليوم فى 20 سبتمبر 2010 تصريح د.حسن يونس وزير الكهرباء و الطاقة جاء فيه سيتم إيفاد 67 مهندساً مصريا إلى كل من الولايات المتحدة، وروسيا، وفرنسا، وكوريا الجنوبية، للتدريب على التكنولوجيا النووية. وبالفعل هذا مفيد لأرسال الأصدقاء و المعارف فى رحلة مدفوعة الأجر على حساب الشعب المصرى الفقير.

..تكلفة مفاعل نووى جديد يبلغ 5.52 مليار إيرو ، و 300 من مراوح توليد طاقة الرياح تنتج ما يعادل مفاعل نووى و تتكلف 900 مليون إيرو فقط!!!

باقى المقال ضمن مقالات ثقافة الهزيمة بالرابط التالى
www.ouregypt.us

Anonymous said...

صباح الخير يادكتور ولو انى مش عارف برضوا تخصصك ايه في الدكتره

والاونكس onyx هو حجر كريم اسمه المرمر او حجر الجزع واخترته اسم لي لانه الخاص بساعه ويوم وسنه ميلادى علي الارض
وممكن تدخلي جوجل تدوري عليه وتعرفي خواصه وليهة انه حجر متميز

onyx

Anonymous said...

وعلي فكره لما تدخلي جوجل تدوري علي الاحجار الكريمه اكتبي مقاله زي مقاله الشهور القبطيه اعتقد ستكون ذات فائده عظيمه لقرائك واصحابك والفائده ستعم لجميع ويمكن كل واحد يدور علي الحجر الكريم اللي يخصه ويميزه ويعرف صفاته
ولو كان في مجال غير هنا كنت كلمتك عن بعض هذه الاحجار
حاولي تكتلبي عن الاحجار
تحياتى ليكى يافندم

onyx

Anonymous said...

onyx

norahaty said...

يـامراكبى
شكراً لمرورك
وذوقك ياباشمهندس

norahaty said...

غير معرف
ثقافة الهزيمة
شكرا للإعلان والإعلام

norahaty said...

onyx
مساء النور يافندم
أفادكم الله وإذا كان عن
المرمر فانا اعرف انه نوع
فاخر من الرخام تصنع منه
التماثيل مثلاً وبأذن الله أقرأ عن
الأحجار الكريمة .عندى أقتراح:انا أقرأ عنها وانت تكتب عن خصائصها
وصفاتها ؟ايه رأيك يافندم؟

norahaty said...

onyx
وشكراً لمتابعتك
لما يُكتب بالمدونة

norahaty said...

الحمد لله رب العالمين

Anonymous said...

عيونى يافندم وانا تحت امرك في اي معلومه عن اي موضوع
بس انتى تعرفي رخام المرمر
لا هو حجر كريم يتم ثقله ووضعه في الاقراط والخواتم ادخلي جوجول وشوفي شكله
onyx

norahaty said...

onyx
اسفة للتأخر بالرد اولاً
وثانياً:يعنى onyxهو
المرمر ولا حاجة تانية؟
وينوبك ثواب فقولى انت
وحقرأ فى جوجل بس قولى
انت على السريع
onyxهــــل
هو حجر المرمر
ولا حاجة تانية

Post a Comment

قول ولا تجرحـش