Thursday, November 18, 2010

...اليوم قبل الأخيــــر

animated sadness princess Pictures, Images and Photos
النهاردة اليوم قبل الأخير للأجازة وبالظبط
سبحــــــــان الله زى أحساسى أيــام
ما كنت فى المـــــدرسة والكـــلية
عندى نـــــــفس الأحساس
بأختصاااااااااااااااااااااااااار
إكتئااااااااااااااااااااااااب
شديدددددددددددد
Sadness Pictures, Images and Photos
ويزويد إكتئابى قال يعنى انا ناقصة
المية مقطوعة يعنى الغسيل حيتركن لبكرة
اللى هو أخر يوم بالأجـــــــــازة
وكمان حااااااجة
حتقولولى هو لسه حاجة
اقولكم اه طبعا فيه حاجة
الضيووووووووووووووووووووف
حبايبى لازم يجوا اليوم قبل الأخير والأخير

وعلى ذكر الأجازة والكلام دا
اتعجب من زملاء لى سبقوا الى المعاش وعملوا المستحيل
لأجل ما يرجعوا للشغل بعقد او ما يسمى عندنا بالفترات
ليه ما يقعدوا يستمتعوا بالأجازة المطولة دى؟
انا مش بعايب والله ولا بلوم ولا بعترض
لكن بقول ان لكل سن حكمه وكمان يعطى
الفرصة للجيل التالى يشتغل بقى
وياخد وضعه ومكانته
ومحدش يقولى
دا بيعطى خبرة
لو كان عايز يعطى الخبرة
كان اعطاها من
زماااااااان
لكن للأسف
أحنا ما تعلمناش نعمل صف تانى
والكلام دا على جميع المستويات الا فيما نُدر
حتى لا اطلق الحكم على الجميع وأظلم حد
وياترى ياهل ترى لما يجى سنى
للمعاش بعد سنين كتيرررررررررر
حأبقى فرحانة ولا زعلانة
ولا بّدور على عقد
بأى شكل
وفى اى مكان
وبأى مقابل
زى ما حصل مع ناس أعرفها
أقولكم كل سنة وأنتم طييبن
(معلش من غير ألوان النهاردة ماهو زى ما قلتلكم إكتئاب بقى)
Sadness Pictures, Images and Photos

26 comments:

norahaty said...

اللهم أجعل
أوسع أرزقنا عند
كبر سننا وأنقطاع عافيتنا.
اللهم أختم بالصالحات أعمالنا.

Ramy said...

دكتورة

أولا شكراً لأصرارك ع التعليق عندى و لا كمان تعليقين
(:

شكراً يا دكتورة

ربنا يبعد عن حضرتك الأكتئاب

عارفة حضرتك أحنا ليه مبنديش الخبرة و أحنا قاعدين فى الشغل علشان عدم الأحساس بالأمان

بجد

يعنى مثلاً انا فى الشغل عندى لما حد بيجى جديد عاليا

بديله كل اللى أتعلمته

و أنا مش خايف أن بعد ما يتعلم هينسى كل دة و هيبتدى يدور أزاى ياخد مكانى

لأنى بكون مش خايف بجد صدقينى أنا الحمد لله مطمن جداً أنى لوسبت شغل هلاقى غيره و فى أى وقت

دة علشان انا واثق فى ربنا فى الأول

و ثانياً زاثق فى نفسى

يمكن دى تكون وجهة نظرى فى الموضوع

تحياتى لحضرتك

و عيد أضحى سعيد (:

بلاش أكتئاب يا دكتورة

(:

ربنا معاكى

Tarkieb said...

كله بيعدي ...بكرة تيجي اجازة تاني...بس لسة كمان بكرة ....

أحاسيس آيوشة said...

والله نفس احساسى يادكتورة
بس انا بصراحة زهقت ونفسى ارجع تانى للى كنت بعمله قبل العيد
هو مش شغل كان كورسات وحاجات كده
علشان كده مش ممل اوى لدرجة
لكن ماما كانت بتقول نفسك كلامك دا
ولما طلعت على المعاش كانت مبسوطة جداااااااا
ومش عايزة تنزل من البيت تانى :))

راجى said...

كل عام وانتى جميلة واصيلة وطيبة

حفيدة عرابى said...

كل سنة وانت طيبة يادكتورة
معلش هو حال الدنيا كده شغل أيام كتير وأجازة أيام قليلة

ومن مدونتك أحب أوجه رسالة للاخوة الضيوف
أنتم فى قلوبنا قبل ماتكونوا على راسنا وفى عينينا بس أرجوكم بلاش اليوم الاخير والقبل الاخير فى الاجازةلان السيدات العاملات زينا بيكونوا بيستعدوا للعوده للعمل والاستعداد ده بيشمل ترتيب شقة من تانى وكوى ملابس والاهم رغبة فى اعتصار المتعة من الاجازة والراحة اللى بعدها راحة نفسية لاخر قطرة
فياريت لو تشرفونا فى مواعيد مناسبة لو سمحتم خصوصا ولو الزيارة مش مرتبطة بأمر ضرورى


أما بالنسبة للمعاش فأنا موافقاك على قضية التجديد والصف التانى
بس مش عارفة ساعتها انا هاعمل ايه وهيكون حالى ازاى
لكن ماما كانت سعيدة جدا ويمكن اكون زيها مع انى دلوقت حاسة ان الشغل برغم كل الشكاوى منه لكن جزء أصيل ومهم وضرورى جدا فى حياتى

الدعاء فى أول تعليق جميل قوى يادكتور
اللهم آمين

لـــولا وزهـــراء said...

مسا الفل يا دكتوره نورااااااا


المهم ان الاجازه تعدى على خير
يارب كل اجازه وانتى طيبه وبفرح وحب
ويارب تيجى الاجازه القادمه وانتى محققه كل احلامك

زهراء

كلمات من نور said...

كلنا لها يا نورا بس انا فرحانه برجوع الاولاد المدارس والجامعه وابني الكبير
وزوجي للعمل

فليحيا الإنضباط

ابعتيلي الغسيل اغسلهولك يا قمر

norahaty said...

Ramy
انا اللى بشكرك
يارامى بجد على متابعة
المدونة والتعليق دايما
وكلامك مضبوط ربنا سبحانه
وتعالى هو الرزاق وحاحاااااول
ابطل حاضر :احاول مقدرش اوعدك
يعنى لكن احاول

norahaty said...

Tarkieb
ايوة ياتراكيبوا
كله بيعدى وعمرنا كمان معاه:(

norahaty said...

أحاسيس آيوشة
مامتك دى ست العاقلين
البيت ياسلااااام على
قعدة البيت هو
فيه احلى منها:)

norahaty said...

راجى
وكل سنة وانت بخير
ودايما منورنا بوجودك
ياباشمهندس

norahaty said...

حفيدة عرابى
ياريت يسمعوها
ويعملوا بيها .عارفة انا
اتعلمت بعد تجربة السفر بتاعتى
انى فعلا مفروض ماروحش اسفر على حد مسافر ليلة السفر او قبلها بليلتين حتى
ممكن زيارة (بميعاد سابق)قبلها ب3او 4ايام وتليفون صغير بالسلام ليلة السفر معلش.

norahaty said...

لولا وزهـراء
الحمد لله عدت على خير
يازهوووورة الف حمد
وشكر لله.وربنا يطمنا عليكى يارب

norahaty said...

كلمات من نور
ههههههه
ايوووووة
أنا عارفة
اكتر ناس فرحانين بأنتهاء الأجازة
هم الأمهات على رأى مدرسة مرة قالت
لأولاد اخواتى :تلقي مامتكم قاعدين مستريحين دلوقتى واحنا اللى طالعة عينينا
وتسلمى على العرض الكريم دا
ربنا ما يحرمنى منك ابداً

محمد عرفة said...

كل سنة وانتى طيبة يا دكتورة

ويارب يعيد علينا الايام بالخير دايما يارب على طول

norahaty said...

دكتور عرفة:)
كل سنة وأنت بألف خير
يارب تكون موفق فى شغلك
ربنا يوفقك يارب

ليس فقيرا من يحب said...

كل سنه وانتى بالف صحه وسعاده يا دكتورتنا الجميله

بعوده الايام

عقبالنا يارب لما نحس احساسك واهو حتى الواحد يعمل حاجه جديده فى حياه ويحس احاسيس مختلفه بدل حاله البلاده دى هههههههههههههههههه

عباس ابن فرناس said...

مخنوقة ماشى بس اكتئاب مرة وحدة يادكتورة هههه
بعد الشر علىكى طبعا
بس بينى وبينك لا للى شغال مبسوط والا اللى قاعد فى البيت مبصوط
تحياتى وكل سنة ونتى بخير وسعادة

صيدلانيه طالعه نازله said...

ممممممممم

انا بقى عكسك يا نورا

زهقت من الاجازه ومستنياها تخلص

العيال جننونى والله

كل سنه وانتى طيبه وعيد سعيد

يا مراكبي said...

:-)

لكل وقت ظروفُه اللي مش ممكن تحكمي عليها إلا بمعايشتها عن قُرب

الواحد دلوقت من كُتر الضغط اللي عليه بيبقى نفسه في أجازة طويلة جدا .. لكن لما هتيجي الأيام اللي فيها الأجازة الطويلة دي إجبارية ساعتها جايز تكون نظرتنا للأمور مُختلفة والتزاماتنا جايز تكون أقل بكتير وساعتها هيكون الفراغ والوحدة قاتلين

الله أعلم

واحد من العمال said...

السلام عليكم

وأجازه تفوت ولا حد يموت ياما أجازات !!

وكل عام وحضرتك بخير حال

واحد من العمال said...

واللهم أجعل
أوسع أرزقنا عند
كبر سننا وأنقطاع عافيتنا.

دعاء جميل

خواطر شابة said...

يعني عيد واكتئاب دي حتى متركبش دي حتى متركبش
انا دوما اقول ان فرحة الاجازة هي عند انتظارها والفرح بقدومها اما عندما تتحقق فعلا نحسها تنفلت من بين اصابعنا بسرعة مبنلحقش نستغلها كما كنا نريد
بخصوص الالوان فكرتيني بالتلفزيزن الليبي هو اللي كل يوم والتاني بيعمل بث بدون ألوان ههه انت عزيزتي كان المفروض مادام حاسة باكتئاب تكتبي بوست فرايحي تحطي الوان كثير وهذا اكيد كان سينعكس على نفسيتك
أضحى سعيد عزيزتي
دمت بكل لود

د/على خميس said...

السلام عليكم و رحمة الله و بركاته
كل سنة و حضرتك طيبة
دمت بخير حال

هبة فاروق said...

معلش هو دة حال الدنيا خلق الانسان فى كبد وعناء ودة حال الدنيا والايام الحلوة واللى فيها راحة بتعدى بسرعة ربنا يسعد ايامك وكل سنة وانتى طيبة

Post a Comment

قول ولا تجرحـش