قعد على جنب يشرب
سيجارة بعد ما
سيجارة بعد ما
جمع الزبالة وستّفها
(وضبها يعنى)
اهم حاجة عنده طبعا
الورق والعلب الكرتون يليه
الورق والعلب الكرتون يليه
فى الأهميه الأزايز البلاستيكى
على رأى مجيبة الرحمن
الساكنة الأفغانستانية فى البيت عندنا زمان
الساكنة الأفغانستانية فى البيت عندنا زمان
المهم قعد ماهر يستنى العربية اللى حتشيل الأكياس
فايته ست من جنب كوم الكراتين
راحت بكل بساطة واخدة واحدة
لقيت ماهر دا اتنفض وبعزم صوته
ماهر:أنتى بتعملى أيه عندك ياست انتى؟
الست:أيه ياخويا خضتنى !باخد كرتونة
ماهر: سيبها ماتخديش حاجة
الست:ليه ياخويا؟دى زبالة يعنى
ماهر:وماله الزبالة ليها صاحب
طبعا الست سابتها لما بصت فى
وش ماهر وشافت نظرة عينيه
وفعلاً صاحب الشىءهو
اللى بيهتم به وبيحافظ عليه
وعلشان كده مفيش شىء
على المشاع بينفع وانتم
فاهمين قصدى بقى
27 comments:
سبحان الله ...الزبالة ليها صاحب والبلد لأ.....يالا اهو ربنا فرجها وبقت كل حاجة زبالة فين بقى اللي ح يستف .....تاه ولا مات في الزبالة؟
عن نفسي
مش فاهم
هههههههه
حتي الزبالة لها صاحب
عجبني اوى تعليق تركيب
فعلا اهي البلد بقتزبالة كلها
ياترى ليها صاحب
تحياتي
أزيك يا دكتورة
ياااااه
يعنى البلد محصلتش
حتى الزبالة
ربنا يكرم كدة بحد زى ماهر
مين ماهر ده بقا و فينه يلحقنا من النهب :)
Tarkieb
ايوة ياتراكيب
الحاجة اللى لها صاحب
واضح ومحدد بيسأل عنها
وبيحافظ عليهاومش سايبها
للى ياخد منها أى شىءبدون
إستئذان.
ňįĝŗő
باشمهندس نجرو
حاااول وحتيجى
معاك باذن الله.
Haytham Alsayes
للأسف لأ مفيش صاحب معين
ودا خطورة الموضوع
الملكية العامة اللى
بتضيع فيها المسئولية
Ramy
للأسف ملهاش صاحب
او مالك معين ومحدد
دى اللى قصدى عليه
وبالتالى بيتسرق اللى بيتسرق
وبيتحرق اللى بيتحرق لأن محدش
حاسس انها ملكه هو:فهمتنى؟
ELMOSTAFZ
حضرتك لو دوست
على أسم (ماهر)حيطلعلك
مين هو وشغلته أيه(المدونة الأولى)اما فين هواو حد زيه يلحقنا فدا عايز أجيال قادمة تانية تتربى على أن كل جزء فى بلدنا ملك له
(بحق وحقيق)
هي تجارة الكراتين دي منتشرة عندكم برضو ؟؟
شكلها تجارة مربحة , و اهي خفاظ على البيئة و إعادة تدوير للمخلفات ,
و بالنسبة لماهر فدي لم تعد زبالة , بل أصبحت " بضاعته " و أكل عيشه
و كل سنة و انت طيبة يا دكتورة نور بمناسبة رمضان اللي فات , و عيدالفطر ,
و عيد الأضحى اللي جاي إن شاء الله
دكتوره نورا
كل حاجه لها صاحب يهتم بها حتى لو كانت الزباله
ده المثل بيقول المال السايب يعلم السرقه
على فكره الاسقاط اللى ورا كلام جامد اخر حاجه
على فكره اى حاجه حتى لو كانت تاففه وهايفه ولها صاحب لازم نحترم الحاجه وصاحبها كمان
سلاموزززززززززز يا احى نوراااااااااا
زهراء
السلام عليكم
ازيك يا دكتوره
يارب تكوني بخير
أخيرا فتحتي التعليقات
وبطلتي تزوري بيتنا الافتراضي المتواضع
:(
وبما إنك فتحتي التعليقات بقي
انا هبلغ ها ؟؟
الكلام ده وراه غرض سياسي بحت
:D
المفروض فعلا إن حتي الزباله لازم يكون حد مسئول عنها
وفعلا والله عجبتني جمله لوائل الابراشي
لما إتسئل عن خلافاته والقضايا المرفوعه عليه من الوزراء
قال : والله الي مش قادر يكون قد المكان الي هو فيه
يقعد في بيتهم
ربنا يلطف بينا وبعم ماهر
تحياتي
دكتور نور
دكتور نور
دكتور
عن نفسي
حاولت
و مافهمتش برضه
....
..
فاهم فاهم
خلاص فاهم
المشكله ان هناك من يدعى عدم الفهم
ويخلط العام بالخاص
ويدوس
والمصيبه الاكبر انه يكون مش بيدعى عدم الفهم
وانه يكون مش فاهم فعلا
تبقى مصيبته مصبتين
عجبنى اسم ماهر صاحب الزباله
الى ليها صاحب
عجابنى اسقاطاتك جدا
تحياتى
أخيرا كومنتس عند نورهاتي؟
ماهر صحيح اللي عارف ياخد حقه في الزباله ........شوفي بص بصه للست تراجعت وقالت حقي برقبتي.....تشبيهات بليغه وحكايات تفهم من وراء الكلمات
صباح الخير يادكتورة
عجبني المعني والمغزي
وافتكرت كلمة ممثل قالها في فيلم او تمثليه مش فاكرة
قال
اه يابلد مالهاش صاحب ولا رابط
:)
صغير لكن محير
كلمات بسيطه و معني عمييييييييييييييق
و ياريت نلاقي زبال يحافظ علي البلد
تحياتي
يارببببببببببى
داحنا كلللللللللللللللنا هنا بقينا مشاع
اعرضنا ومالنا وصحتنا وعيالنا
وبيوتنا
عايزه حد يقولى لاء والنى حد يقولى لاء
فينك يا ماهر
بسم الله الرحمن الرحيم
الأخت الفاضلة : د نور
رضا
هو اسم تلك الشخصية الفذة التى كانت
تهتم بنظافة حينا القديم
تلك الشخصية التى تأبى إلا أن يحترمها الجميع بما تقدمه من نفع وقيمة للمجتمع
حين يغيب رضا يضج الحى كله ويسأل عنه
وحين يبدو تبدو البسمة فى عين وثغر كل من يراه
إذا مر من مكان علم الجميع أنه مر
وإن غاب مرة أيقن الجميع غيابه
لا يلقى أحدا إلا باسما
لا يضج لكثرة مهملات البعض أو سوء تخزينها
لا يترك أثرا من أى نوع لما يحمله
يستحى من الناس حياء جما إذا ما رغبوا فى مساعدته بمال زائد
يحرج حرجا شديدا حين يأتى أول الشهر يطلب شهريته
رضا
اعتبرته دوما أكثر قيمة من بعض أساتذة الجامعة فى حينا وهم كثر ذلك لأن قيمته النفعية للمجتمع أكبر وأجل من بعضهم
رضا
بكى يوم أن علم أننا راحلون عن هذا الحى
عفوا نظرت إلى الموضوع من زاويتى
من عجائب الزمان إن الزبالة أصبحت لها صاحب وأصبحت مصدر ثروة
السلام عليكم
ازيك يا دكتوره
وحشتني المدونه جداااا
طبعا اي حاجه ليها صاحب بيحافظ عليها
والمال السايب يعلم السرقه
واحنا شكلنا كده ملناش صاحب
فمحدش بيحافظ علينا
مجيبة الرحمن
عندي عامل ف الموقع اسمه مجيب الرحمن هما اخوات وللا ايه
السلام عليكم
ازيك يا دكتوره
وحشتني المدونه جداااا
طبعا اي حاجه ليها صاحب بيحافظ عليها
والمال السايب يعلم السرقه
واحنا شكلنا كده ملناش صاحب
فمحدش بيحافظ علينا
مجيبة الرحمن
عندي عامل ف الموقع اسمه مجيب الرحمن هما اخوات وللا ايه
المال السايب يعلّم السرقة
والشيء اللي مالوش أب أو مسؤل عته بيبقى ضايع
وكُلُّكم راع وكُاُّكم مسؤل عن رعيّته
السلام عليكم
وحشني سؤالك عني نستيني خالص
اتنمي تكوني بخير
مازلت متألقة ومجددة بسم الله ماشاء الله عليكي
وبالنسبة لماهر حاولي تعرضي عليه يتبنانا علي الأقل يصنفنا ويحط كل واحد فينا في المكان المناسب ولو حد مد إيده علينا وشخط فينا يقوله هم ملهمش صاحب ولا آيه
دعواتي لك بالسعاده وراحة البال
عمال افكر لو ماهر ده خد منصب حلو زى مسئول كبير ... هيتصرف ازاى مع اللى بينهبوا البلد
؟
تحياتى
Post a Comment
قول ولا تجرحـش