حتقولولى ياساتر يارب
الله!!!الله!!الله
الله!!!الله!!الله
ما الموت علينا حق ياجماعة
وشىء لابد منه
وبرضه من ضمن الامثال الشعبية
اللى ما يموت منين يفوت
المهم انا بعدت عن الموضوع وهو صفحة الوفيات
المهم انا بعدت عن الموضوع وهو صفحة الوفيات
مالها بقى صفحة الوفيات :خلصينا؟
ده اكيد انت او انتى بتقولى كده
حاقول انها صفحة عجيبة
يعنى ممكن تقعد تقرأها ما تخلص منها
وتاخد منها شوية معلومات عجب وعجب العجب كمان
نعطى امثلة
خد عندك ياسيدى:-
خد عندك ياسيدى:-
سقط سهوا وخللى بالك من سهو دى
وبعد كده يافطة طويلة
امال لو كان عمدآ كنتوا نسيتو كام واحد
وساعات تلاقى المنسين اقارب من بعيد
دول اكيد زعلوا وحلفوا ما حيجوا المأتم
الأ لما أسمهم يتكتب
وساعات المنسيه تكون الزوجة!!!
(تكون الزوجة الثانية ولا حاجة؟)
:-توفى الى رحمة الله:-
مسكينا فى عالم الرضا فلان الفلانى
ويرجو التخفيف على كل من له علاقة به
فلا عزاء وان أصر البعض
(دماغه ناشفه البعض دا وبصراحه كمان تلم)
لواجب فليتصدق بثمن تليغراف العزاء على روحه
وليدعو الله وتلك هى رغبتى
(فلان)
الله يرحمه راجل بيفهم
مش عايز الناس تتعب نفسها
وتتلم وتعمل ازمة وزحمة من غير لزوم
والدنيا مش ناقصه زحمة
ورايحين فين ياجماعة؟
رايحين العزاء بتاع فلان:(
طب خدونى معاكم
واتوبيسات المصلحه تطلع
وتدور على موظف واحد
ما تلاقى واحد يقضوا لك طلبك
معلش اصلهم فى عزاء زميلهم
وكمان اللى رايح يجرى ده
يمكن ما كان بيصبح
على فلان ده وهو حى!!!
-:توفيت الى رحمة الله:-
-:توفيت الى رحمة الله:-
الحاجه فلانه
زوجة الاستاذ/الدكتور/ المهندس/المستشار/
رئيس مجلس ادارة كذا/
العضو المنتدب لكذا/
حائز وسام كذا
وخد من ده حاجه بتاعة
نص متر فى الجرنال ليه؟
الله!!!!!الله!!!!!!الله !!!!!
جوزها بيعلن عن نفسه شويه0000فيها ايه؟
-:نيجى بقى للكلام اللى بيتقال:-
-:نيجى بقى للكلام اللى بيتقال:-
ماما الحبيبه
بابا الغالى
000ياتوأم الروح000
يارفيق العمر
ياجوهرة
يامحبة
يـــــاأغلى حبيب
ومـــــــن ده كتيرجداااا
عايزه اعرف الناس دول بيكتبوا الكلام
ده لمين؟
للميت !!هو حيقرأ!!!!
:-برضه مثلا فلانة-:
زوجة العميد او العقيد
كذا مدير إدارة كذا
فى سلاح كذا
وطبعا عنوان البيت
علشان التليغرفات
من الاخر معلومات كثيرة
من الاخر معلومات كثيرة
وعديدة ممكن تتحط جنب
بعضها وتبقى حكايه
:-دايما بفتكر فيلم زمان اووووى:-
كان بيجى فى التليفزيون
اعتقد اسمه : كلهم أبنائى
كان هندى, ومدبلج بالعربى
أيوة كانت زمان موضة
دبلجة الافلام الروسيه والهندية
علشان اللى مابيعرفش يقرأ
ورمز لدول اوكتلة عدم الانحياز
المهم الفيلم بيبتدى وكالعادة
فى السينما الهنديه بمأساة موت الاب
عائل الاسرة الوحيد وطبعا ماحيلتهومش حاجه
ومع ذلك اضطروا يعملوا واجب العزاء بالكامل
ويضيفوا المعزين استضافه كاملة
ولا فندق 5 نجوم وكانوا أولاد الميت
حيموتوا من الجوع والضيوف بياكلوا كل حاجه
!!!!!!!!!
وده صحيح اللى بيحصل فى الهند
زى صاحبتى سوسيلا ما حكت لى
حتقولوا سوسيلا مين ؟
حتقولوا سوسيلا مين ؟
وصحبتك الهندية دى عرفتيها فين؟
دى حكاية تانيه بعدين بقى ابقى احكيها
باىىىىىىىىىىىىىىى
دى حكاية تانيه بعدين بقى ابقى احكيها
باىىىىىىىىىىىىىىى
----------------
تدوينة قديمة اوى
من اوائل التدوينات
اللى عملتها
فى
صعبان على حالنا
نمر ون
ساعتها جه لى تعليق واحد
وماتتصوروش فرحتى يومها كانت أد ايه
20 comments:
سبـحان الله
والحمد لله والله أكبر
ولا حول ولا قوة الأ بالله
ازغرررط يا دكتورة
(:(:
فاتحة التعليقات
دة يوم عيد
بالنسبة للموضوع بقه
أول تدوينة
دة من يومك بقه يا دكتورة تدويناتك فى الجون
(:
بما اننا فى سنة كاس العالم
بجد كلام حضرتك صح انا كنت أقرا و أستعجب من حاجات كتير بتكون مكتوبه
تسلم ايدك يا دكتورة
رمضااااان كرييييم
(:
الهى ربنا يخلى صعبان الاولى والثانية اللى عرفونا على الدكتورة العسولة
وفكرتينى والله لما قلبى كان هيقف من الفرحة لما بفتح المدونة زى كل يوم وبرش ماية وبقول يافتاح ياعليم يارزاق ياكريم والاقى قدامى تعليق
ياه كانت أيااااااااااام:)
صفحة الوفيات أغلبها وجاهة اجتماعية
واعلانات مش بس على المناصب
انا فاكرة ممثلة شهيرة أول حرف من اسمها يسرا
كانت عايزة تعلن جوازها من ابن صالح سليم فعملت اعلان فى الصفحة
وفى اجهزة كتير سواء عندنا او بره بتستفيد عموما من الاخبار ومن شبكة العلاقات جوه الصفحة
حلو جدا ملا حظتك لسقط سهوا:)
وكنت بستغرب جدا من الكلام اللى بيتكتب للميت
ماندعيله وربنا ان شاء الله يستجيب
لكن كلام الجرايد هيعمل ايه
ربنا يرحم موتانا جميعا ويجعل مثواهم الجنة واحنا معاهم
اللهم امين
شئ يتميز به اهل الخليج وأغبطهم عليه انهم يقولون المغفور له بأذن الله او المرحوم باذن الله بينما نحن كأننا نملك توكيل الجنة فيقال انتقل الى عفو الله المغفور له فلان الفلاني
عزيزتي يقول المثل من لم يكن له الموت واعظ فما له من واعظ
دمت بكل ود ورمضان كريم
Ramy
يارافع معنوياتى
يامطلعنى الدور 102
اقولك أيه بس بعد الكلام
الحلو اللى أنت قلته دا
(أمال ياسيدى من يومنا طبعاً)
احنا بنلعب ولا ايه:):)؟هههههه
شكرا يارامى على تعليقك الحلو دا
حضرة الأستاذة
العرابية هنا
ياألف مرحبا
هى اول حرف من
اسمها يسرا على كده
باقى الحروف ايه؟:
كان غرامى (زمان)ايام
ما كنت بقرأ الجرايد أقرأ الوفيات وأطلع القرايب والأحفاد للمشاهير وكده
هااااااا دونيا الحمد لله بطلت
أقرأها(الجرايد) خالص بتجيبلى
أكتئاب دلوقتى
خواطر شـــابة
فعلاً عندك حق لأن كله بأمر الله سبحانه وتعالى واللى ما يعرفش عنده يبقى(مسكين اوووووى)كل لحظة وأنتِ بالأف خير
يانوووووووجا رمضان كريم
كانت صفحة الوفيات هواية الكبار في السن بيشوفوا نتايج التنسيق ظهرت و الا لا
ده زمان بس دلوقتي بقت اثبات انساب
في شجرة العيلة اللي بقت شجرة كريسماس
اروح افطر بقي
و لو إن البوست طاقق و منور و لامع
و لو إنك مخاصمانى و مش عارف ليه و أنا مسامح
إلا إنى بجد بخاف موت من الموت ... و مهما باحاول أعمل خير و أتقرب إلى الله تعالى بكل طاقتى إلا إنى حاسس طول الوقت إنى مقصر
و أوقات كتير مش باعرف أنام بالليل كويس خوفا من الموت
إتجننت ... صح ؟
كل بوستاتك رائعة يا أختى العزيزة
دمتى بخير
من وانا صغيرة ومن اول ما عرفت اقرا الجرنال وانا بسأل نفسى ليه عاملين اصلا صفحة الوفيات دى
بصراحة انا مش شايفة لها اى لازمة ما اللى مات خلاص مش محتاج منكوا النعى واللى مهتم بحد وبيحبه هيسأل عليه على طول ومش محتاج ورقة فى جرنال علشان يعرف ان صديق عزيز عليه مات
واللى بيفرسنى اوى ان اخرت صفحة الوفيات يتمسح بيها الزجاج وهى مكتوب فيها ايات من القران الكريم
ومادايم الا وجه الله
ايييييييييييييه
دوووووونيا
ههههههههههههه
كل سنه وانتي طيبه يادكتور
ورمضان كريم والله اكرم
صوما مقبول ان شاء الله
تعليق واحد؟
ههههههههههههههههههه
امال انا وصلاح الا ماكان حد يعرفنا
فبقينا نعلق عند بعض رفعا للروح المعدنيه هههههههه
اتمنى ان تكوني في احسن حال
وربنا يتقبل منا ومنكم في هذه الايام الكريمه
تقبلي مروري وتحيتي
انا اول مرة ادخل المدونة وعجنتنى اوى بس ممكن اسأل ليه قفلة التعليق فى بوست قصة المعلمة انا عجبنى اوى بجد تحفة ...كل سنة وانت طيبة
هههههههههههههههه
والله انت مشكله يانور بالرغم من هدؤك الجميل
بصراحه انت هاتخلينى اقرها علشان اشوف ماكدبش عليكى انا مابجبش جرايد من سنه 30 بقرها على النت وحاجات معينه
ولو صدفت ووقعت فى ايدى بهتم قبل ما افرشها علشان الاكل او ارميها ابص بسرعه فى الوفيات من غير ماقرا
علشان اتاكد ان مافهاش قران
دى كل علقتى بيها
ههههههههه
بس جميل البوست
ودى غرائب البشر
حتى لما بنموت بنسيب اخر اثر حسب شخصيتنا
تسلمى يا نور
كل سنه وانت بالف خير وصحه
زيارة اولي لمدونة تستحق الاهتمام والمتابعة
تحياتي الخالصة
رمضان كريم
السلام عليكم ورحمة الله وبركاته
اخيررررررررررررررا فتحتي باب التعليق ههههه كل سنة وحضرتك طيبة ياقمر الدكاترة
موضوعك جميل ولفت انتباهي من زماااااااااااان حاجة غريبة عجيبة مريبة هههه
لولا
ايه ده ايه ده
؟؟؟؟؟؟
التدوينه دي ماظهرتش عندي ليه
؟؟؟
هي دي مدونة تانيه
:)))))
طبعا دي صفحة الاحياء مش الاموات
:)
تحياتي
رمضان كريم
وكل عام وانتم بخير
طيب والحمد لله النهاردة التعليقات بقت كتيرة بسم الله ما شاء الله
:-)
بس فعلا الموضوع اللي بتتكلمي فيه من الموضوعات المستفزة .. لأنه بقى من أعراف المجتمعا اللي بتكون ضاغطة على أسرة المتوفي انها تقوم بيها رغم الحزن والوش اللي بيكونوا فيه .. فبيبقى موت وخراب ديار وفي الىخر ما حدش مستفيد من حاجة غير بعض وجاهة اجتماعية وخلاص
انا مش جاى اعلق
انا جاى اعزى وامشى على طول
كلامك كله فى محله واتعودنا من حضرتك كده من زمان
ربنا يهدى المسلمين
سيبك انتى
كل سنه وانتى طيبه
تحياتى
نورهاتى
كل سنة و أنتى طيبة
بمناسبة عيد الفطر المبارك
يا رب دايما تكونى بخير
Post a Comment
قول ولا تجرحـش