ما لفت نظرى اليها
إيشاربها الصغير فوق رأسها
وثوبـــها بالـغ الضـيق
صارخ اللون الكاشف لأكثر مما
يُخفى تمشى أمامى تتباهى بنفسها
ثم تنحنى فجأءة الى الأمام تــلتقط
لقمة عيـش من عـــرض الطـريـق
لتضعها بجانب الحائط وتمضى فى سبيلها
تركتنى أفكر لما عرفت أن إكرام لقمة عيش
واجب ولمـا لم تعرف أن أكرام نفسهاأوجب
وأن جسمها ونفسهاأولىّ بالتكريم والسـتر
أم تراها تعرف!ولكنها كما يـقولون
تختار (الأسهل بالفعل)لتفعله!!!
قال تعالى فى كتابه العزيز
(وَنَفْسٍ وَمَا سَوَّاهَا (7)
فَأَلْهَمَهَا فُجُورَهَا وَتَقْوَاهَا (8)
قَدْ أَفْلَحَ مَنْ زَكَّاهَا (9)
وَقَدْ خَابَ مَنْ دَسَّاهَا (10)
إيشاربها الصغير فوق رأسها
وثوبـــها بالـغ الضـيق
صارخ اللون الكاشف لأكثر مما
يُخفى تمشى أمامى تتباهى بنفسها
ثم تنحنى فجأءة الى الأمام تــلتقط
لقمة عيـش من عـــرض الطـريـق
لتضعها بجانب الحائط وتمضى فى سبيلها
تركتنى أفكر لما عرفت أن إكرام لقمة عيش
واجب ولمـا لم تعرف أن أكرام نفسهاأوجب
وأن جسمها ونفسهاأولىّ بالتكريم والسـتر
أم تراها تعرف!ولكنها كما يـقولون
تختار (الأسهل بالفعل)لتفعله!!!
قال تعالى فى كتابه العزيز
(وَنَفْسٍ وَمَا سَوَّاهَا (7)
فَأَلْهَمَهَا فُجُورَهَا وَتَقْوَاهَا (8)
قَدْ أَفْلَحَ مَنْ زَكَّاهَا (9)
وَقَدْ خَابَ مَنْ دَسَّاهَا (10)
18 comments:
انا اول تعليق و للمرة الأولى
ما رديتىش عليا فى البوست اللى فات
جيت لك هنا أول واحد فى البوست ده ....
هاهاها
شوفى انا رأيى إن الهداية هبة و رزق من الله سبحانه و تعالى ... لكن المشكلة الأن إن ناس كتير مش شايفين إن العرى شىء خارج بالدرجة المؤثرة ... باسمع كتير كلام من نوع مافيش مشكلة أو شوف فى السينما و التلفزيون لابسين إيه ..
و كمان مش لازم ننسى إن التربية عليها العامل الأكبر فى النشء الصالح الواعى
أما بالنسبة للتناقض .. ده أصبح اليوم من معطيات الحياه اللى حوالينا و اللى بنعيشها فى كل يوم
من يتق الله يجعل له مخرجا و يرزقه من حيث لا يحتسب
صدق الله العظيم
دمتى بخير
في واحدة منقبة كل ما تدخلي الصيدلية ما بتبطلش تشتم في فلان و تذم في علان بشتايم وحشة لدرجة اني اخر مرة كنت هتطردها فعلا و قلتلها عايزة تاخدي ذنوب الغيبة خديها بعيد عني
الشاعر الفنـان
أحمد فتحى فؤاد
استنى استنى استنى
لوولوىىىىىىى
لولوىىىىىى
لازم نحتفل بك
طبعاً وبأول تعليق
وبالدكتور (شارم )كمان
اللى جاى من أمريكا مخصوص
لأجل ما يعلق على كلامنا
استنى مرة كمان
لولولوىىىىىى
ههههههههههه
ومعلش فى عدم الرد
على التعليق فى
التدوينة اللى
فاتت أخلص
بس الأمتحان
السخيييييييييف
يوم الأحد الجاى وأعمل
كل الواجبات والزيارات
المتاخرة والمتكرككككككبة علىّ
وعلى قولك للأسف وسائل الأعلام لهم
لهم تأثير كبير فى بلبلة أفكار الناس
بدال ما يهديهم للطريق الصح
لخبطوا حياتهم اكثر وخصوصا الشباب.
Sharm
للأسف يادكتور
ناس كتير بتستسهل
وتأخد الدين مجرد لبس
ثوب طويل او تقصير رجل البنطلون
وتنسى تقصر لسانها عن الخوض فى سيرة الناس ديننا الحنيف: مظهر وعلم وعمل
الثلاثة معاًبعضهم مع بعض.هذا رأيى والله أعلى واعلم.
دكتوره نورا
-*-*-*-*
اعتذار واجب انى مقصره لكن والله مشغوله جدا جدا وانتى عارفه انك حد غالى على قلبى اوى اوى
ثانيا تعلمت منذ صغرى انى لا احكم على الناس بمظهرهم لانه لا يعرف القلوب وما تحويها سوى الله سبحانه وتعالى ...
مش كل واحد مربى دقنه يبقى ملتزم ومش كل واحد لابس حينز يبقى كافر بس للاسف الكثير والكثير منا ينظر الى ملابس الناس واشكالها
بحكم الجيره تعرفت على سيده منقبه وفوجئت انه تتحدث معى بكلام عن بعض الناس بطريقه غير محترمه قولت لها هو حضرتك وجهك اصبح عليه غطاء اتمنى ان يمتد هذا الغطاء الى لسانك ومن يومها قطعت الكلام معايا
انك لا تهدى من احببت ولكن الله يهدى من يشاء
زهــــــــراء
السلام عليكم و رحمة الله و بركاته
فعلا يا دكتورة التناقضات كثير فى حياتنا
و أغرب ما أجد من هؤلاء هو التبرير ... و منطقهم فيه غريب أوى ...
يعنى مثلا لو قيل لواحدة مش محجبة لماذا لا تتحجبى تقول أصلى أعرف واحدة محجبة لسانها طويل ...ى واحد بيشرب خمر و لما أكلمه يقوله شوف الأول اللى مش بيشربوا خمر بيعملوا غلط أد ايه ...فلان بيكذب و فلان بيغتاب و .. و ...
منطق تبريرى مش عارف أصحابه مصدقين نفسهم و لا لأ و هل لو سئلوا أمام الله عن ذنبهم هيقولوا لربنا ما فلانة المحجبة بتعمل حاجات غلط علشان كده انا متنقبتش
بارك الله فيك يا دكتورة و هدانى و هداك و هدى المسلمين لما يحب ربنا و يرضاه
تحياتى
مع الأسف يا نورهاتي التناقضات كتير والنفس أمارة بالسوء إلا من عصم ربي ...ربي يعصمنا من كل سوء ويثبتنا على دينه ...آمين
عادي يمكن هي احسن منغيرها لو كان شاف اللقمة مكنشي هيشلها
والله اعلم
اللوم مش عليها اللوم علي التقليد الاعمي في اللبس تعرفي نحن يلد مسلم بلد الاسلام هل يجوز للمصر ان تخصص زي الاسلام فقط للنساء وزي للرجال كما في الهند كما ليران تريهم يلبسون زي موحد والله اعلم
عجبي في نهاية البوست انك دعوتي لها بالهديا اللهم امين
الكل عارف الصح من الغلط...
بس الموضوع متعلق بالإرادة الذاتية و ضعف سيطرة الضمير...يعني مشكلة نفسية بالدرجة الأولي...
لك تحياتي و أكثر...
بوست جميل تستحقي عليه التحيه والشكر..فعلا لابدوأن ترتدي كل فتاه مايليق بدينناولكن أري التدين لم يكن في المظهرمطلقآولكن أجده في جوهر الانسان وشخصيته وعلاقته بالله.سلام ياقمر
صدق الله العظيم ...
ربنا يهديها ويهدى الناس اجمعين
..
بس تفتكرى اى اللى وصلها للتناقض ده
وفى سؤال بفكر فيه بقالى كام يوم هو اللى بيصنع الحجات دى هيتحاسب ولا ده اكل عيشه
لما بمشى فى شارع طلعت حرب واشوف الملكان الحريمى والبس اللى عليه بضايق ..لان المفروض ان الستات اللى هيشتروا الهدوم دى لما يلبسوها هيكونه زى الملكان
..
تحياتى
كل نفس بما كسبت رهينه
صدق الله العظيم
عارفه فى متناقضات كتير فى مجتمعتنا
ومن الحجات الى لفتت نظرى
اننا فى رمضان لما بنشوف واحد مفطر فى نهار رمضان بنشمئز اوى ونبقى عاوزين نولع فيه وندعى عليه
ولما بنروح نصلى الظهر كل يوم فى الاف مش بيروحوا يصلوا واحنا عادى جدا ولا اكن فيها عادى
مع ان الصيام له كفاره اما الصلا ملهاش كفاره
ايه التناقض ده هو الصيام اصبح اهم من الصلا ولا ايه؟؟؟؟
ولا احنا تعودنا على معصيه ترك الصلاه؟
موضوعاتك دايما جميله
تحياتى
ازيك يادكتورة
المجتمع غرقان في مظهرية بغيضة
يعني الحجاب والنقاب حتي بأة موضة وللاسف مفيش احترام للحجاب الا القليل
ربنا يستر
تحياتي
مساء النور يانور
هى دى كده الناس والدنيا
مجموعه تناقضات فى منها بيبان وبيكون صارخ وفى منها لاء
انا عن نفسى فيا تناقضات كتير
عادى
نسال الله العفو عنها وهنا
لا اراه تناقض ابدا
ولكنها لم تجد من يصحح لها المفاهيم
الهداية هبة من الله
تحياتي
السلام عليكم:
الفكر السائد في العالم العربي الآن كالآتي: اللي بتلبس ضيق أو مكشوف و تصاحب ولاد هي اللي أخلاقها سليمة و سلوكها قويم و مش بنعمل حاجة غلط و بتهتم بتنفيذ جوهر الدين اللي هو المعاملة. و حتي لو عملت حاجة غلط يبقي الاجابة برده جاهزة ان ربنا غفور رحيم (مش عارف ليه بينسوا برده انه شديد العقاب).
أما المنتقبة فهي سيئة الخلق أو السلوك الفجة في التعامل المكبوتة النمامة و اللي مش عارفة حاجة عن الدين غير انها تغطي وشها ضيقة الأفق أو ارهابية ظلامية رجعية.
الشاب اللي بيروح الجامع و مايفوتش فرض و يربي لحيته تطبيقا للسنة المؤكدة عن الرسول (ص) هو كمان مزودها و متشدد و متطرف و في الغالب مشروع ارهابي و لو كان بيشتغل في مكان يبقي أكيد مرتشي و لئيم و بيروح يصلي في الجامع علشان يضيع وقت الشغل و بيعامل اللي حوالية بخشونة و فجاجة و كلام من نوعية (ثكلتك أمك).
و في المقابل فالشاب الروش اللي مش بيصلي وممكن مش بيصوم كمان فهو شاب كول بيعامل الناس أحسن ميت مرة من الارهابي -علشان الايمان في القلب- و مخلص و أمين و بيحترم العمل و بيساعد الناس.
دي هي الصورة اللي انطبعت في دماغ الملايين من الناس من خلال الميديا (أفلام و مسلسلات و برامج) اتربوا عليها من أول ما وعيهم ابتدي يتكون و أصبح صعب جدا انهم يغيروها و دايما يدورا علي أي حاجة تأكدلهم الصورة و ينكروا أي حاجة ممكن تغير الصورة دي تماما زي لما بنسأل حد انت ليه أهلاوي أو زملكاوي، مابيكونش في رد منطقي ليه هو بيشجع الفريق ده حتي لو الفريق كله عيوب تلاقيه يبرر كل حاجة و يمجد في فريقه حتي لو الفريق ده انهزم، و حتي لو الفريق ده عيوبه اكتر من ميزاته و يشتم علي الفريق التاني و يدورله علي ثغرات بسيطة يكبرها المهم يطلع المنافس غلط و وحش و خلاص و هو في الأساس مش عارف ليه هو متعصب لفريق معين.
( قُلْ هَلْ نُنَبِّئُكُمْ بِالأَخْسَرِينَ أَعْمَالا #
الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا) (سورة الكهف: 103، 104)
نسأل الله ألا نكون منهم
حازم
اتفق مع كل الاراء المطروحه هنا
تقبلي مروري يادكتوره
يادكتوره ازيك عامله ايه يارب تكونى بخير ليكى تاج فى مدونتى ياريت تعدى تشوفيه تحياتى المشاغب مانووووووو
Post a Comment
قول ولا تجرحـش