Wednesday, April 7, 2010

..............لو حصل .....



لو حصل وغبت أو أتأخرت

عليكم ما تفرحووووووش

اووووووووووووووى

لأنى راجعة بأذن الله

الشاشة مش عارفة مالها

بتجيب جميع آلوان الطيف

أذ فجأةكده

وتفتح وتغمق

ومش عارفة دهـ من الشاشة

نفسها ولا من تيار الكهربا

بس انا شايفة

أن التيار عادى

فى النجفة اهوة

ومش بــيتغير

وبالــتالى

الأحـتمال

الأكــــبر

هو ان الشاشة

ناويها ناوياها

وحتــــضرب

بوووووووم

وبعدين

ضلمة


ويظهر انى حأضطر أفك الكيس

وأفتح المحفظة وكمان الخزنة

وأجيب من دفتر التوفير

وأسحب على المكشوف

وأجيب لأما شاشة جديدة

لأما لاب توب

وأمرى الى الله

فلو أتأخرت

ما تفرحوش

حأرجع

بأذن الله تعالى

42 comments:

Unknown said...

ياصاحب التساهيل
يارب العالمين سهلها
لنا وللمؤمنين أجمـعين

Anonymous said...

ولا يهمك أحنا مستنين

تــركــي الــغــامــدي said...

اللهم آمين ... دعوة طيبة من قلب طيب ... وأحياناً الواحد لازم يفتح الخزنة ويبحبحها شوي ... ترى الحرص الزايد يعلم البخل
تحياتي واحترامي

حفيدة عرابى said...

لا كده ماينفعش
اتصرفى بسرعة ياجميل
عموما ربنا يهديها وتستمر فى العمل
ولو عايزة اى مساعدة انا موجودة
انت عارفانى خبيرة مش اى كلام
والدليل 67 67
وسلامة خزنتك وكيسك

صيدلانيه طالعه نازله said...

عاااااااااااااااا
كلنا المواضيع بايظه كده ليه
انا برضه الكيسه شكلها بتودع و مضطره برضه للتضحيات المؤلمه
مستنياكى

فكرة من الزمن ده said...

صباح الخير يا دكتورة
يارب ما تغيبي
لكن على فكرة احتمال ده كابل الشاشة اتأكدي منه انه مش متحرك نتيجة تنضيف او تحريك اوي جربي تستبدليه بواجد جديد قبل الاقبال على التضحيات غير محسوبة العواقب
وان شاء الله تكون الشساشة سليمة
تحياتي

richardCatheart said...

صباح النور يانور
حاسه بتهور فى الموضوع لازمن تصبرى فتره كافيه وتعرضى الشاشه على اكثر من خبير
فى فتره تتراوح مابين 4 او 5 شهور
بعدها يابنت الناس هاتى الاب توش وخلصى نفسك اسهل

بس لو قعدتى سنين احنا بردو مستنين

Q8 TeaCHeR said...

مستنيين هوا ورانا ايه :))


نقله جميلة .. اعتمد هذا البلوق (( صعبان علي حالنا 2 )) ؟
عشان اضيفك مع البلوقات المفضله عندي ؟

Haytham Alsayes said...

مستينك
اكيد











تحياتي

لــــ زهــــــراء ــــولا said...

دكتوره نورا
نحن فى الانتظار وعلى الشاشه انها تضبط الالوان وتخلى عندها ادب واخلاق
بصى يا ستى عن تجربه بسيطه فى الشاشات اقولك شوفى الكابل فى الاول حاولى تهزى فيه شمال او يمين وبصى على الشاشه شوفى ايه اللى بيحصل فيها اذا لاقتى الالوان بترقص على واحده وربع يبقى تتوكلى على الله وتغير كابل الشاشه وباقى الفلوس فرق الشاشه تعزمينا على جاتوه
انا بقى لو لاقيتى ان الموضوع مش بياثر فيها يبقى تفتحى حملة تبرعات لتغيير الشاشه واحنا كلنا نشترك فيها
ان شاء الله خيييييييييييير

زهراء

salma mohamed said...

ترجعي بالسلامة يا دكتورة :)

مهرة سالم said...

السلام عليكم
بصي هو تقريبا وباء
أغلب إلي أعرفهم بإختلاف أجهزتهم
سبحان الله الشاشه بتسود في وشهم فجأه
...
لازم ولابد تطلعي إلي تحت البلاطه
وكان الله في عونك
.....
ونصيحتي غيري الجهاز كامل
لأن ده إلي مشي معايا بعد مافلست تقريبا
....
في امان الله

د/على خميس said...

و عليكم السلام
اتفضلوا
طب متتأخروش

سمع هوص (Abo 3li) said...

شلامة الشاسة الف شلاسة...
انا مع "فكرة من الزمن ده" ان ممكن يكون كابل الشاشة هوا ال معلق.. جربي تثبيته او استبداله... لو مكنش كده اتكي علي الله وهاتيلك لبلووب...

فكرتيني بشاشة كانت عندي زمان كانت تفضل شغالة كويس لمدة ساعة وبعد الساعة "تحمر" ومكنتش تتعدل غير لما اخبطها بالشبشب... زي الافلام العربي.... هههههههه

محمد خالد said...

من هنا ومن موقعي هذا .. ومن اما شاشة اللاب توب ,, أرجو كل الشعوب العربية تقف جنب حضرتك في مواجهة تعنت شاشة الكمبيوتر اللعينة

شعوب البحر الأبيض المتوسط بتقولك تشجعي ومش تستسلمي بسهولة

اضربيها بوكس او بالعصاية .. والله ممكن تشتغل فعلا

انا عارف الاجهزة دي

كان عندي كيسة ولازالت موجودة مكنتش تشتغل غير لما اقعد اشخط فيها واضربها ضرب مبرح

------------

هنستناكي ان شاء الله ياد-نورا .. ولو هتجيبي لاب توب .. يبقي توشيبا لامؤاخذة

TIMMY !! said...

ترجعي بالسلامة إن شاء الله يا دكتورة ,

و لو ناوية على لاب ياريت تقولي لنا بكام و مواصفاته إيه ؟؟
لأني ناوي أجيب واحد ضروري الأجازة دي إن شاء الله , لأني داخل على شحططه في الشغل و مش عارف أتلم على النت و لا الكمبيوتر

Unknown said...

غير معرف
ربنا يطمنك:)

Unknown said...

أستاذ تركى الغامدى
الله يحفظك يارب وعندك
حقك ساعات بنضطر:)وللضرورة أحكام:)وشكراً لتواجدك وحضورك.

Unknown said...

حضرة العُرابيّة الهُمامّة
هو لحد دلوقتى ماحصلش
حاجة والحمد والفضل لله
ومخلياكِ لوقت العًوزة
عارفاكِ خبيرة يا67 67 سابقاً:)

Unknown said...

صيدلانيه طالعه نازله
وباء على رأى نهار
جاى فى الكومبيترات
يظهر ربنا يستر ويسلم.

Unknown said...

فكرة من الزمن ده
والله يافكرة أهو لسه
شغال الحمد لله ويارب
يكون(مرض طارىء)ويعدى
على خير:)

Unknown said...

richardCatheart
تسلمى ياريتشارد
اهى الشاشة لسة
شغالة والحمد لله
بس دا انتِ بالك طويل
هو انا لسه حأستنى 4أو 5شهور
كتيررررررر:):)

Unknown said...

Q8 TeaCHeR
اهلاً وسهلاً ومرحباً
صديقة ومتابعة للمدونة
ونورتنا

Unknown said...

Haytham Alsayes
بأذن الله مش حتستنى
كتير يااستاذ هيثم شكل
الموضوع كان (مرض)بسيط
وحيعدى:)

Unknown said...

لولا وزهراء
الحمد لله يازهراء
أهى شغالة على 100%
لحد دلوقتى وربنا يسلم
وما نحتاج حملة خلى الحملة
نروح المصيف أحسن أيه رايك:)

Unknown said...

salma mohamed
الله يسلمك ياسلمى يارب

Unknown said...

نهــــــار
وعليكم السلام ورحمة
الله تعــالى وبركاته
يعنى انتِ شايفة كده؟
على العموم هى لسه
شغالة أهوه الحمد لله
ولو حصل وبدأت تعمل
كده تانى حأحل المشكلة
حلاً جذرياً:)وأجيب لاب توب:)

Unknown said...

dr aly khamis
سمعنا الكلام أهوة
ومتأخرناش:)اول
ما لاقيت الشاشة شغالة
قلت أطمن الناس
القلقانة دى:):)

Unknown said...

سمع هوص (Abo 3li)
الله يشلمك قصدى
يسلمك يارب ويظهر
هى حترسى على لولوب
اللى بتقول عليه دا:)
الا هو يقرب للتوتوك برضة:)

Unknown said...

دكتور محمد
بوكس ولا عصاية؟!دا أنت
عايز تحلها بالعنف بقى وتنهيها
خالص من الاساس :)بس على العموم أهى شغالة لحد دلوقتى الحمد لله ولو اشتريت لاب توب او لولوب على رأى أبو على حأجيب
توشيبا بدال على ضمانتك:)

Unknown said...

TIMMY !!
الله يسلمك ياباشمهندس
يارب وماتخافش مش حأخبى
أول ما اشتريه حأقولك
.وسلامتك من الشحططة ياتيمى

د/ رامي شهاب الدين said...

نفس إللى حصل معايا من فترة

إعمللى زيى وهاتى لاب توب

:D

إلى لقاء قريب مع لاب توب جديد

دمتى بكل الود .. تحياتى

اقصوصه said...

بانتظار عودتك

بشاشه جديده

وحله فريده :)

Unknown said...

د/رامي شهاب الدين
يظهر مفيش مفر
يادكتور وحأضطر
اشترى لبلووب
على رأى
أبو على:)

Unknown said...

أقصــــوصة
حمدلله على السلامة
والشاشة الحمدلله لسه
شغالةربنا يستر ويسلم.

سَارةٌ said...

نممممنمم .. هو انا مليش ف الكمبيوتر اووي يعني

بس الشاشه عندي مره كانت بتجيب الوان طيف برده وتفضل تفتح وتقفل مع نفسها

غيرتلها السلك وبقت تشتغل تمام .. مش سلك الباور .. لأ السلك اللي فيه لون أزرق من أطرافه ده

ممكن تجربي كده ..

أو إسألي حد خبره افضل بقى ^_^

اول زياره ليا للمدونه الجميله دي .. بجد تسلم ايديكي

Unknown said...

حَـبآيـۃْ.بـטּـدۉڷ
افادك الله ياسكورررة
ومتشكريين لتعبك الحمد لله
لحد دلوقتى الشاشة شغالة
وما عملتش الحركات الرهيبة
بتاعة تغير الالوان الا مرة تانية بس ربنا يستر
متشكريين لزيارتك الأولى الجميلة دى ياحباية بنادول:) .

Unknown said...

الحمد لله رب العالمين.

كلمات من نور said...

جربي الأول تفكي الكابل وتغيريه ...دي غرامة بسيطة وبعدين شوفي بعد كده ......تحياتي

!!! عارفة ... مش عارف ليه said...

انا قريت البوست بتاع
الحب في زمن الكوليرا
والتعليقات مش اكتيف فيه
فقولت اجي اعلق هنا

بصراحة انا كمان مقريتش الرواية قبل كده
والملخص اللي نشرتيه فعلا استفادت منه كتير
وخصوصا ان الرواية فعلا كان نفسي اقراها من زمان
متشكر أووي على الفكرة دي
وإنك حطيتي في الاعتبار ان في ناس كتير
فكرت زيك كده ووفرتي عليهم الجهد
وإن كان ما ذكر يحفذ أكتر لقراءة الرواية

------------

بالنسبة لتعليقك عندي
اللي قولتي فيه


"تعليقاً على قصة
((غية حمــــام)
جميلة أوى أستاذ
وليد بتسمحلى
أنشرها عندى
مع ذكر المصدر.
(بإنتظار الأذن
بالنشر:))"


طبعا موافق
الشرف ليا إن يتنشر
ليا حاجة على مدونتك

وبعدين أنت مش غريبة
البيت بيتك :)

Unknown said...

كلمات من نور
جزاكِ الله خيراً
ياأم الابناء فعلاً
انا عملت الطريقة دى
والحــال مستقر لحد دلوقتى
يارب.التوفيق من عندك.

Unknown said...

عارفة ..مش عارف ليه
مبسوطة أن الفكرة عجبتك
يااستاذ وليد وأدينا عرفنا
المجمل العالم للرواية والفيلم
أما التدوينة(غية حمام)فأنا
متشكرة جداً على السماح بوضعها
هنا فى(صعبان على حالنا)ويارب
دايماً فى نجاح وتفوق.احتراماتى .

Post a Comment

قول ولا تجرحـش