....يـــــــقـيــن .....وشــــــك....

أمـــــــا اليقين
فقد مضى عاماً كاملاً
من عمرى
وأمــــــا الشـــــــك
ففى إكمالى لعام أخـــــــر
فهذا فى علم الله سبحانه وتعالى
اللهم أجعل الحياة زيادة لنا فى كل خير
وأجعل الموت راحة لنا من كل شر

...بعد ظهيرة الخميس...

بعد ظهيرة الخميس
كان يمثل لى الأحساس بالحرية
بالإنطلاق بالراحة والسعادة
فبقية الليلة وصباح اليوم التالى
انا فى أجازة سواء من العمل
او من المرضى أو من الشكوى
كتبت بهذا تدوينة سابقة
اما حالياً فظهيرة الخميس
تمثل التحضر للذهاب
للمقابر صباح الجمعة فجرا
قبل الزحام وغلق الطرقات
ظهيرة الخميس فى الأسبوعين الماضين
كانتا حافلتين بالتربيطات والإتفاقيات
من سيذهب مع من؟
ومن سيصحب من؟
من سيركب فى الأمام
ومن سيركب فى الخلف
من سيحضر الشيلك
من سيحضر المياة
ومن سيشترى الخوص
من سيأخذ مفتاح
(الحوش)
لينبه على حارس المدفن
بأحضار الكراسى وكنس الأرضية
ورش الماء ورى الصبارة
من سيتحمل مسئولية الصغار ويبقيهم معه
من سيقرأ الجزء الأول للقرآن
ومن سيتابع بعد هذا
هى الأيام تجرى بنا
لتوصلنا الى مآلنا
فى يوم من الأيام

نقطة سودا بقت بيضا..!!!! أزاى؟!

اقولكم على سر ماحدش يعرفه

الأ اقرب المقربين الىّ من أهلى

وصديقة أو أتنين من زميلات الدراسة

وواحد فقط من أصحابى المـــــــــدونين

سر لحد دلوقتى بأخجل اقوله لزمـــيلتى

المقربة لىّ فى الشغل مع أنـــــها خريجة

نفس الكلية
(طب عين شمس ولنا الفخر)

وكمان نفس الدفعة بس ما كناش اصحاب

مقربين أيام الدراسة يعنى صباح الخير

والمعايدات والمجاملات المالوفة بين

الزملاء .المهم ايه السر بقى زهقتينا

دا أكيد انتـــــــو اللى بتقـــــــــولوا

ز

ز

ز

ز

ز

ز

ز

ز

ز

ز

جالى ملحق يعنى دور تانى

الشر برا وبعيد يارب عن الطلبة

كلهم يارب يارب يارب يارب يارب

الملحق جالى فى الفارماكولوجى

يالهوتىىىىىىىىىىىى

ودى كانوا يقولولك اللى يجيب

فيها دور تانى يعرف أنه عايد

السنة مفيششششششش فايدة

مايحاوووووووووووولش

المهم اقولكم الدكتور رئيس

القسم الله يرحمه كان شديد

اوى وصعب خالص والمادة

نفسها باااااااااااااااااااااااايخة

ويشهد بهذا كتير من الناس

يجوز ناس بتحبها ماهى

الأذواق بتختلف لكنى

شخصياً وباقى اللى

أعرفهم من عـــامة

البشر اللى درسوها

بيقولوا كده عليها .المهم النجاح

كان من 60% فى المادة دى لكن

بعيد عنكم 3/4الدفعة جابوا ملحق فيها

على سنتى السعيدة ومجلس الكلية والجامعة

أعاد التصحيح وخلى النجاح من 50% بـــس

وناس من اللى أعرفهم نجحوا واتشال من عليهم

الهم الأزلى بتاع
(دور تانى فى الفرما يالهوىىىى)

مش عايزة أقولكم كانت حالتى شكلها ايه؟والبكا اللى بكيته

والدموع اللى نزلتها ساعتها كانت أد ايه؟مش علشان الملـــحق

نفسه لكن علشان المادة وصعوبتها وأن الأحتمال الأكبر إعادة السنة

يالهوتىىىىىىىىىىىىىىىىىىىىىىى

بقيت كل يوم أعيط واطلب أصحابى وشئون الطلبة مفيش اخبار أنهم

ممكن يعدلوا النجاح ويخلوه من 40%بس يقولوووووووووووا

لألألأأحتمال بعيدددددددددددددددددددددددددددددددددددددددددددد

وغير وارد بالمرة!!!
يابّاى يابّاى يابّاى

فاتت حـــــــــــــــــــــاجة بتاعة

أيــ10ـــام وأنا فى الحال دا وأنتم عارفين

الأيام ساعات بتسرقنا واحنا زى ما أحنا

ونفسيتى فى الحضيض وتعبانة اوى

وبقى متهيأللى لو كنت مت كان يبقى أحسن!

طيب يارب أعمل ايه وأسوى ايه؟

لأجل ما أخرج من الحالة دى وافوق لنفسى وأصحى

لروحى بقى عارفين ساعتها شىء آلهى

والله

ألهمنى أنى أصلى !
حتقولولى هووووووو

أنت ما كنتيش بتصلى؟؟

 !!!OH OH OH NOOO

لأ كنت والله لكن ما اكدبش

عليكم مش بانتظام او بأستمرار:

رمضان, اوقات الامتحانات, أوقات الشدايد

عايزة حاجة من ربنا سبحانه وتعالى

(وش مكسوف)

كده يعنى فالبالتالى وقت النتيجة

والمشكلة دى ما كنتش بأصلى
المهم قمت أتوضيت وصـــــليت ونويت

عدم القطع أبداً والحمد لله رب العالمين مدوامة عليها من ساعتها

بفضل الله سبحانه وتعالى وكل ما أفتكر الملحق أفتكر المداومة

على الصلاة الحمد لله ونقطة سودا بقت بيضا بفضل الله

انا عارفة كلكوا بتسألوا وتتسآلوا ها وعملتى ايه فى الملحق ؟

لأ مش حأقلولكوا

.....

............

.................

...................

طيب أتحيلوا عليا شوية

كمااااااااااااااان شوية

لأ كمان ما ينفعش كدهـ

طيب كفاية كده ما تهونوش عليا

ذاكرت كويس وبصراحة أعترف أنى

أكتشفت أد ايه أنا ما كنتش مذاكرة والحمد

والشكر لله نجحت وطلعت السنة اللى بعدها مع

باقى زملائى وزميلاتى فى
الدفعة وماتأخرتش عنهم

ولولولولوىىىىىىىىىىىىىى لكل الناجحين

وربنا يصبر ويوفق
 اللى ما أتوفق تتعوض بأذن الله

فلكل حصـــــــان كبوة

ولكل فــــارس هفوة

زى ما بــــــيقولوا

تدوينة قديمة
أووووووى على
صعبان على حالنا
نمــــــــــــــــــر ون
لكــن مـــــــــا أنساها
ولا انسى التعليقات عليها
ولا الأصدقاء اللى علقوا عليها

....الميـــــ2ــراث...

!!!!!
هو شرع الله
وما دام كذلك فلا نستطيع أن نعترض
هكذا ورث زوج أختى فى أموال أختى
وسيرث أولاده من
(زواجه الأول )
بعدعمر طويل أو قصير
فى كفاح أبى وتدبير أمى 

يــــــا الله
لك فى هذا حكم
لا نعلمها ولا نحيط بها
سبحانك
وليس لنا الأ التسليم لها
لله الأمر من قبل ومن بعـد
 

.....الميـــــ1ــراث

الحمد لله
الذى لا يُحمد على مكروه ســـواه
جلس أولاد اختى  

رحمة الله عليها
الى بعضهم البعض
ومعهم أبوهم
وحصروا مالهم وماعليهم
وتخارج بعضهم من أرث بعض
ليستقل كلاً منهم بميراثه
فلا تحدث شحناء ولا بغضاء
بينهم بعد ذلك
 ولن يتركوا مشاكل معلقة
لأولادهم واحفادهم
بعد عمر طويل
بأذن الله



سورة النساء
الشيخ أحمد العجمى

...فـــى رحمة الله إن شـــاء الله...

البقاء لله وحدهـ
والصلاة والسلام على من لا نبى بعدهـ
سيدنا محمد أبن عبد الله وآله وصحبه
توفيت يوم السبت الماضى
الموافق8-6-2013
اختى وحبيبتى وشقيقتى
ومعلمتى ومدرستى
ومؤنستى ومؤدبتى
وصديقتى ومصاحبتى
الحاجة
أم هـــــانى
بعد صراع مع المرض
كانت له معها
صولات وجولات
غالبها فيه أحيانا
وغلبته احيانا أخرى
حتى ظننا أنه قد نسيها
ورحل عنها الى الأبد
ولكنه كمّن لها
ليهاجمها بشدة بعد ان أنهت
كل العلاجات الموصوفة لها
وبعد ان بشّرنا الأطباء بقرب الشفاء
ولكنها إرادة الله وقضاءه
التى لا راد لهما الأ هــو
اللهم أغفر لها وارحمها
وأعفو عنها وسامحها
اللهم عاملها بما أنت أهل له
ولا تعاملها بما هى أهل له
اللهم ابدلها داراً خيراً من دارها
واهلاً أحسن من أهلها
برحمتك ياأرحم الراحمين 
اللهم نور له قبرها
ووسع مدخلها وآنس وحشتها
اللهم ارحم غربتها وارحم شيبتها
اللهم اجعل قبرها
روضة من رياض الجنة
لا حفرة من احفر النار
 اللهم انقلها من ضيق اللحود
ومن مراتع الدود
الى جناتك جنات الخلود
لا اله الا انت
يا حنان يا منان
يا بديع السموات والارض
تغمدها برحمتك
يا ارحم الراحمين
اللهم ان كانت غير اهلا لوصول
رحمتك فرحمتك اهلا لان تسعها
- اللهم اطعمها من الجنة
واسقها من الجنة
وارها مجلسها من الجنة
وقل لها أدخلى من أي با ب تشائين
 اللهم انها في ذمتك
وحبل جوارك
فقها من فتنة القبر وعذاب النار
وانت اهل الوفاء والحق
فاغفر لها وارحمها
انك انت الغفور الرحيم
اللهم آمين يارب العالمين
وصلى الله وسلم على
سيدنا محمداً وآله وصحبه
تسليما كثيرا مباركاً

....الثانوية العامة بعد بكررررررة....

ياميسر كل امــــــــــر عسير
ســـــــــــــهل عليهم ماهم فيهم
ونجح مقاصدهم وأجبر بخاطرهم
ووفقهم وأجعل ايامهم وأعمالهم أسعد

عريس لبنت اختى:تدوينة قديمة

النهاردة جاى لبنت اختى عريس
(جوازة عادية او جوازة صالونات كما يقولون)

هى الشقيقة الكبرى لتلك التى تزوجت الشهر الماضى

وما ادراك ان تتزوج شقيقتك الصغرى قبلك؟؟

نار مابعدها نار!!خاصةها اصغر منها ب4 سنوات !!

كل ما حد يشوفك:يدعى لك ربنا ياحبيبتى يعدلهالك
وتبقى فى نص هدومك من النظرات اللى من تحت لتحت والاشارات الخفيه بالعيون والروؤس :ربنا ياختى يجبر بخاطرك.....حاجات بتخليك تكره تشوف حد اساسا...

و جميع البنات ممن هن فى مثل سنك قد تزوجن بالفعل ولديهن طفل وطفلان الان!!

هى انسانه عادية شكلا وموضوعآ
(اقل جمالا حقيقة من اختها الصغرى)
ولكن الا تتزوج الفتيات العاديات
بل هن الاقرب احتمالا للزواج
بأعتبار ان قاعدة :خير الامور الوسط قاعدة صحيحة

ولماذا لم تتزوج حتى الان اذآ؟

كانت هناك لن اقول خطبة او شبكة ولكن تعارف
(صالوناتى ايضا)
وشعور بالارتياح مره واحدة قبل حوالى 8سنوات
(بمجرد ان تخرجت من الكليه)
وحضر العريس مره ثانيه للزيارة ومعه اخته وبعدها لم يعد.....!!
(منها لله لو كانت هى السبب)

وطبعا لن اذكر كم المعانةوالالم والعذاب والاحساس بالخيانة التى احست بهم
(بصراحه عندها حق)

بعد كده حدثت زيارتين لنفس الهدف ولم تكلل اى منهما بالنجاح وخد وخدى عندك عياط ودموع واحباط من هنا
(لبكرهلأ بكره ايه للسنه اللى بعدها)

فى النهايه وشويه شويه بدات فى التقوقع على نفسها
ورفضت الاستمرار فى العمل
(كانت تعمل مدرسة )
واذدادت عزلتها اكثر واكثرودخلنا فى سلسلة متواليه من الاكتئابات والخروج منهاوكنا دائما فى شد وجذب معها
اشد فترة علينا وعليها فترتى الخطوبه والزفاف لاختها الاصغر (كان عندنا تقريبا حالتين فى البيت: الصالون الخارجى والانتريه والسفرة كان فيهم فرح
(زينة وكهارب وناس كتييييير جايين من هنا وهناك)
و(الانتريه الداخلى وحجرة نومها والمطبخ مأتم بعيد عن السامعين)
والله ما بكذب والمفروض انت بتنتقل بين المنظرين كل شويه وتخللى بالك من ده وده.

واقول ايه ربنا يستر ويجيب العواقب سليمه ويعدي الزيارة على خير.

قولوا اميييييين
يارب العالمين

===========

دى تدوينة قديمة اوووووى
من أوائل التدوينات يمكن
حطيتها بكل ما فيها
من أخطاء لغوية وتركيبية
كمان المهم عاوزة أقولكم
ان بنت أختى لم تتزوج بعد
لكن الحمد لله أشتغلت أو رجعت لشغلها
مدرسة لغة أنجليزية فى مدرسة إبتدائية خاصة
وحطت موضوع الجواز دا فى (الصندرة)حاليا

....ثلاثة أيام عصيبة...

 
ثلاثة ايام عصيبة قضيناها
فى المستشفى
فقد هاجمت
الأعراض الجانبية 
للعلاج بالإشعاع
الذى تلقته اختى
(وأنتهت منه)
منذ حوالى الشهر
حسبنا أن الأمور
ستسىر بيسر وسهولة
حتى قلت لنفسى
لما يهّول الناس من الأمور هكذا؟
فقد تلقت أختى 25جلسة علاج إشعاعى
فلم يطرأ عليها أى تغيير بتاتا
(سوى تساقط الشعر)
طوال فترة العلاج
والتى استمرت حوالى الشهـرين
ثم فجأة هاجمتها الأثار الجانبية كلها
من فقدان للشهية الى قىء مستمر
الى الآم فى عامة الجسم
الى كحة رهيبة تقطع النفس
الى ضعف شديد لدرجة عدم القدرة
على رفع يد واحدة
وأكتملت المضاعفات بسخونة شديدة
تعدت الأربعين درجة مئوية
افلحت الكمادات والأدوية
فى خفضها اول مرة
ولكن السخونة تكررت
وكذلك المغص والأمساك
وآلام اسفل البطن
صراحة خفت
انا عارفة انها أعراض جانبية
وانها حتاخد وقتها وتروح
بس برضه
خفت
ورحنا المستشفى
دخلوها وطمنوها وكلموها
وشرحوا لها الأمور بالتفصيل
والحمد لله أدينا رجعنا
الف حمد وشكر لله
اطمنت هى واحنا ورجعنا
الحمد لله رب العالمين

روابط مفيدة