فيلم The lunchbox

حينما تشتاق الروح
الى روح اخرى
تحادثها
تسامرها
بغير
أن  تحاسبها
أو تراقبها
!!أو تحكم عليها

لمشاهدة الفيلم

... THE JONSESE$ فيـــــلم...

فيلم 
شفته من كام يوم
إنما عجبتنى فكرته
 الفيلم بيفتح
(أو أنا صراحة فتحته بداية من هنا)
على أسرة
    تعيش فى منطقة
هاااااااى لاااااايف تتكون من أم وأب وولد وبنت
فى مرحلة الشباب
لديهم كل ما تتطلبه الحياة
الوثيرة
عندها العربية والبيت الجميل والملابس الفاخرة
وبيعملوا حفلات يعرضوا فيها صور
ومنتجات ومشروبات لا يعلم بها
ناس كتيـــــــر
وطبعا حالهم وحفلاتهم
وعيشتهم دى
بتجذب ناس تانية من جيرانهم
لتقلدهم وتعيش مثلهم  ولو حتى بالإقتراضاو بحفرة العسل
اللى بيقع فيها كتير من  الناس
( خد البضاعة واتمتع بيها)
والدفع بعد 6 شهور
شوية  شوية بنكتشف  ان كل دا تمثيل
وأن الأسرة دى ما هى الأ إعلان متحرك
مبتكر من شركات الأعلانات
لبيع المنتجات الراكدة
بطريقة جديدة
تستغل
شهوة الشراء والتقليد
فى النـــــــــــــــــاس
بدون وعى منهم

BEAUTIFUL Boy:فيلم شوووفته

أن يموت ولدك
فهذه مــــــــأساة
أن يموت منتحراً
فهذه مأسأة ثانية
أن يـــموت منتحراً
بعد أن يقتل عـــدداً
من زملائه ومعارفه
فهــــــــذا فــــــــــيـــلم
 وكم من أمـــــــــور 
فى الحــــــــــياة
اكثر مرارة من الأفلام

ودا موجز ونقد للناس
اللى بيحبوا الخلاصة
فى المُصاصة
زى حلاتى
كـــــــــدا

The Green Mile:جمــــلة فى فيـــــلم

فى فيلم
الطاحونة الخضراء
Green mill
هناك جملة أتذكرها دائماً
 قالها الممثلمايكل كلارك دانكن
Michael Clarke Duncan

ما معناه أن طول العمر
ليس بميزة إذا فكرت جيداً
لان اصدقائك ومعارفك
لن يكونوا معاك
فقد رحلوا من زمن
وما تعودت عليه من زمن
سيكون غريبا
لا يشاطرك أحدا أياهـ
أذكر تململ جدتى
من كلامنا نحن
ومن ملابسنا
ومن الأغانى التى كنا نسمعها
وكذلك الأفلام أو  المجلات
احيانا (اضبط)نفسى
اقول كلمة ما
فى نقد
أحدهم
لأختياره أغنية ما
او فيلم ما
او ممثل ما
يخيل الىّ حينها
!!أن جدتى هى من تتكلم وليس أنا

....زى اللى حاصل دلوقتى....

من كام يوم
شفت فيلم مترجم على قناة
TV5
الفرنسية
 عارفة أنها قناة
مش بيتابعها ناس كتير
أو على رأى بنت أختى
هو فيه حد بيشوف القناة دى غيرك؟
لكن الصراحة انا بحب افلامها
لها مواضيع مختلفة عن الأفلام
الأمريكانى وكدا
المهم أنا تابعت الفيلم بعد ربعه تقريبا
كان بيحكى عن تعين رئيس للبوليس
او حكمدار جديد لمدينة
باليرمو
  الايطالية
فى عز وقت شدة وسلطة المافيا
وبالرغم من تحذير كتير من أصدقائه
ومعارفه
ورؤساءه له
من خطورة الوضع وخطورة التصدى لهم
الأ انه قال انه مصمم على الخلاص منهم
بأى طريقة ولو ضحى بحياته
وفعلا بدأ بملاحقة المجرمين
لكن فى كل مرة كانوا بيفلتوا
من القضية زى الشعرة من العجين
بفضل (ثغرات )القانون
(المفتوحة على الأخر)
وكمان بفضل تواطىء
رجال فاسدين فى الشرطة والسلطة
وعلى الجهة التانية
رجال المافيا ما سكتوش
عملوا حملة قتل لكتير
من المواطنين العادين وكذلك المشكوك
فى امرهم أنهم موافقين لخطة الجنرال الأيطالى
او متعاونين فى الحملة دى
بحيث انهم اثارو غضب الناس على الوزير وأعوانه
وكمان شغلوا البوليس والمطافى
بالحوادث اللى بتحصل فى البلد
وزادوا من المباريات الرياضية
بين الفرق المشهورة
والمهرجانات الفنية
كل دا ما خلاش الوزير يتراجع
عن رأيه ولا مهمته
وساعتها ملقوش بد بقى
وأجتمع الفطاحل من رؤوس
المافيا وقرروا التصفية الجسدية
للوزير
وفعلا استنظروه وهو خارج
مع زوجته من حفلة ما
وبعد ما الوزير قال للمرافقين له
انه رايح المطعم يتعشى مع زوجته
غير رايه وقالها
(روحى على البيت)
اتاري العصابة متابعهم من اول ما خرجوا
وفصلت عربيته عن عربية الحراسة الخاصة
وبالرشاشات والألى هاتك ياضرب
على العربية
اللى بالمنالسبة كانت فيات 127

بمعنى انه كان متواضع وشريف
وعفيف وعايش بمرتبه بس
(دا كان ملخص الفيم)
اللى انا شايفة
كأنه بيحكى عن بلدنا
وما يحدث فيها
حاليا 

LOOKING 4 KITTY

لت وعجن
وكلام وحركات
ملــــــــــهاش داعى
والفيلم كله يتلخص
فى كلمتين أو تلاتة
اللى باعك بيعه
بس خلاص

فيلم شوفته من
يومين تقريبا على
 MBC2
بدايته شدتنى
وكملته (غيظاً !!)علشان
اعرف حيخلص على أيه؟
أهــ يا كيتى لو كنتى وقعتى
فى ايدى كنت .....ولا بلاش
هههههههههههههههههههههههههههه

....Mama movieفيلم اشــــاهده الأن....

فيلم شدنى التتر بتاعه
دورت على رابط له
صراحة روابط كتيرة
طلعت اى كلام
لكن أخر رابط
اشتغل
وأمبارح بليل
قلت اشوفه اون لاين
لكن صراحة بقيت متوترة اوى
من كل خبطة ومن كل رزعة باب
او كل صرخة فى الفيلم
ودووول يامــا
قلت
الله
وانا عايد عليا ايه
اشوفه بالنهار أحسن
وأدينى باشوفه
وياترى حاكمله ولا لأ؟
وياترى حيعجبنى
بالنهاية ولا لأ؟؟
أدينا حنشوف

http://www.2flam.net/2012/12/mama-2013.html

......انا شفت فيلم هابط.....

الخناقات اللى فى بلدنا
والحرب فى سوريا وتفجيرات العراق
وغلاء الأسعار و الموت فى افغانستان
والجوع فى أفريقيا
كل دا خلانى مش طايقة
اسمع ولا اشوف الأخبار
وعشان كده
 شفت فيلم  هــــــــابط
لمخرج هابط وممثل هابط
مش فاكرة منه ولا كلمة
الأ عنوانه وبس
مش حاقوله
طبعاً
والأ كأنى
بعمله دعاية

وكملت بفيلم كئيب
وجـــــع لى قلبى
يــــاريتنى ما شفته
وبرضه مش حأقول أسمه
لأنكم مش ناقصين وجع قلب

..........مـــــلــــف فى الأداب ........

الفــيلم قـديم شـوية انا عارفة
بس الصراحة أول مرة أشوفه
كنت سمعت عنه كتير قبـل كده 
   وأول مرة اشــوفه وعــــــــجبنى
الله يـــــــرحمك ياعاطف الطيب
ومـــــــــــازال الفساد مستمراً
(حظهم كان حلو وقعوا فى قاضى عادل)

لمشاهدة الفيلم

مزرعة الحيوانات

– تاليف جورج اورويل –
ترجمة محمد عيد العريمي  ـ
 فنتازيا على لسان حيوانات
لمضامين اجتماعية وسياسية
تحكي قصة تمرد حيوانات مضطهدة ومستغلة
على صاحب مزرعة تعيش فيها
وإثر نجاح ثورتها تقرر الحيوانات تدبير
أعمال المزرعة وإدارتها من دون الحاجة إلى
التعامل مع الإنسان أو الاستعانة بخبراته
ومن خلال سعيها
لترسيخ مبادئ
"الحيوانية"
تتوصل الخنازير
ـ أكثر حيوانات المزرعة ذكاءً ـ
إلى صياغة سبع وصايا
تتلخَّص في عدم التشبه بالإنسان
ورفض سلوكياته ونبذ طرائق عيشه!
وفي ظل مجتمع تسوده العدالة والمساواة
تنجح الحيوانات في تشغيل المزرعة
على الرغم من العداوات والمؤامرات
التي تحاك ضدها داخل المزرعة وخارجها
بيد أن زعيم الثورة
ـ الخنزير نابولين ـ
يغدر برفاقه بعد أن يتخلص

 من أقوى منافسيه في قيادة الثورة

 بتهمة الخيانة والتعاون مع الأعداء
ويستبدل أفكار الثورة ومبادئها تدريجيا
بالكذب والغش والتضليل
ويغير شعار
"كل الحيوانات سواسية"
بآخر أصبح من الأقوال المأثورة
بين سكان المزرعة
كل الحيوانات سواسية
لكن بعض الحيوانات
أكثر سواسية من غيرها
 ويبدأ نابولين هذا
وبمعاونة الخنازير وحماية الكلاب
 الترفع عن بقية الحيوانات
ومعاملتهم بمعاملة سيئة شبيهة
بتلك التي كان يمارسها سابقا
صاحب المزرعة ورجاله
، كما أمرها بتعلم المشي
على قوائمها الخلفية فقط
وحمل الكرابيج بين أصابع أرجلها الأمامية
وفي آخر المطاف تجتمع الخنازير
بأصحاب المزارع المجاورة
على وليمة لشرب الأنخاب احتفاء
بإقامة علاقات على أسس متساوية
بين مزرعة الحيوان ومزارع المنطقة
فيختلط الأمر على الحيوانات الأخرى
التي كانت تراقب الحديث وتجول ببصرها
بين وجوه المحتفلين
داخل بيت المزرعة
عاجزة عن التمييز
بين الرجال والخنازير
كلام منقوووووول من
هنا

ونشوف الفيلم