,,,,,,,,الدستور اولاً أم الرئيس أولاً.....

الست جابت المفيد
!!الصــ^_^ـراحة

......الإضـــــــــــــراب......

النهاردة 6ابريل :ياترى حيحصل ايه؟
تدوينة بتاريخ 6 ابريل 2010

******
******
*****


هل سيكون هناك إضراب ؟وملحق
تدوينة بتاريخ 16-مايو-2011

*******
*****
****

هموووم (من ضمنها الإضراب )واشياء أخرى
تدوينة بتاريخ 18-مايو-2011

******
*****
**

الإضــــــــــــــراب
تدوينة بتاريخ 9-2-2012

.......الإضـــــــــراب........

كيف يمكن أن إضرب عن العمل
ولا أكتب لمريض روشتة بالدواء؟
كيف يمكن ان اقول لمريض ازمة ربوية
لأ معلش تعاللى بكرة اكتبلك البخاخة؟
كيف يمكن ان اقول لمريض السكر
لأمعلش كمل يومك النهاردة من غير أنسولين؟
كيف يمكن ان ان اقول لمريض شلل نصفى
اتى لأخد علاجه وتكلف اجرة تاكسى ما يقارب
الخمسين جنية وعطل ابنه او بنته ليرافقه
لا معلش ابقى تعالى يوم تانى
!!!اصلنا مضربين عن العمل
كيف يمكن ان اقول لمريض اتى ليعتمد
اجازة مرضية كى يقدمها لعمله ويأخذ مرتبه الموقوف
اسفين معلش مش حنقدر نوقع لحضرتك الاجازة اصلنا مضربين
المهم الخلاصة
او السؤال المتكرر
حاشترك فى الإضراب؟ ولا لأ؟
صراحة
لأ
ما انا شرحت الوضع اهوة
مش حاقدر خالص
دا اسلم لى اخده عارضة وأمرى الى الله
عارفة أن كلامى يمكن
يزعل ناس منى
لكن والله وزى ما قلت مرة قبل كده
حط نفسك أو والدك أو والدتك مكان
المريض دا اللى بيطلب الدوا وانت بترفض
مش حأقولكم أنى مثالية فى كل شىء
لكن هناك اشياء لا تستطيع
ان تفعلها بعد ما تعاشر
الألم والمرض
والمرضى

.......العـــــدالة الإجتماعية....

‏ في تاريخ مصر المملوكي قاض شهير‏
‏ اسمه العز بن عبد السلام
أبلغه المماليك أن التتار قد اجتاحوا بغداد‏
‏ وعلي وشك اجتياح الشام‏‏
وأنهم يحتاجون إلي فرض ضريبة
علي أهل مصر حتي يتمكنوا من تجهيز
جيش يتصدي لجحافل التتار
خارج الأراضي المصرية
ويهزمهم ويحمي البلاد
والعباد من الخراب‏
وقالوا‏‏ إنهم يحتاجون إلي تأييده
لهم لكي يلبي الناس النداء
طواعية وعن طيب خاطر‏
,‏ لما للعز من مكانة في نفوس المصريين‏
‏ وبالذات في هذه المرة حيث الحاجة ماسة
لأن يكون الجميع علي قلب رجل واحد
حتي يمكن الانتصار علي عدو
لم يقف أمامه أحد حتي الآن‏.‏
فماذا قال العز‏؟‏وماذا فعل؟
!!قال إنه مستعد لإصدار الفتوي المطلوبة بشرط‏
سألوا‏:‏ وما الشرط؟
قال لهم‏ أن يتنازل كل أمير منكم‏
‏ من أمراء المماليك‏‏
عما في حوزته من غلمان‏(‏ عبيد‏)‏ ومجوهرات‏
‏ وثروات تزيد عما يحتاج إليه أهل بيته‏‏
ويحضروا كل هذا إليه‏,‏ ثم يباع‏
‏ ويتم تجهيز الجيش‏,‏ بالأموال الناتجة‏‏
فإذا اتضح له أن الجيش‏‏
مازالت تنقصه لوازم فلسوف يصدر الفتوي مباشرة‏
‏ لأن العامة سيرحبون بها بشدة في هذه الحالة‏‏
وقد رأوا بأعينهم ماذا فعل كبارهم‏.‏
يقول الرواة‏ إن الثروات التي تكدست من فضول الأمراء
كانت تملأ الزكائب والأجولة‏‏
وكانت كافية لتمويل الجيش‏
‏ وزادت عن المطلوب ولم تظهر أي حاجة
لكي يفرض العز أي ضرائب علي الفقراء‏
‏المهم أن هذا الجيش‏,‏ كان هو الوحيد
علي طول الطريق من الصين إلي مصر‏
‏ الذي نجح في هزيمة التتار‏‏
وشتتهم وفرقهم ومنعهم من دخولها‏
(‏ تري هل كان ذلك نتيجة للعدل بين الناس؟‏)
‏ وإذا كان بيبرس وقطز
قد دخلا التاريخ بهذا النصر الباهر
‏‏ فإن العز بن عبد السلام قد دخل التاريخ
كشاهد عدل يعرف المعني الحقيقي للعدالة‏‏
وكيف يجب توزيع الأعباء علي الجميع‏‏
حتي يشعر الكل بأن البلد بلدهم
فيستميتوا في الدفاع عنها حتي تنتصر‏
*****
تاريخنا الذى لا نعرفه
=============
فقــــرة فى مقالة
العدالة وكيف تكون
بقلم:حازم عبدالرحمن

...........حـــــــــرام عليــــك..............

المزيــد من القتـــــلى
فى سوريــــــــــــــــــا

........صفـــــات الرسول صلى الله عليه وسلم....

صفات الرسـول
صلى الله عليه وسلم
كما يحكيها فضيلة الشيخ
عمــــــر عبد الكـــــــــافى

......حـــزن :مرثــــيـــات......

هو الواحد مفروض يعمل ايه

لما يقابل أم شاب عنده 16 سنة

ألجمتها الصدمة و واقفة في زاوية

على رصيف المحطة مستنية

جثة ابنها

بعد ما لقت اسمه بالصدفة ع التلفزيون؟

مفروض يعمل ايه لما يلاقي أبوه جاي

يجري عليها و يقوللها

كلموني في الشغل

بيقولولي البقاء لله

، هو الواد جراله حاجة؟

مفروض يعمل ايه لما يلاقي الأب

بيطلب منه انه يتأكد له

ممكن اسم أحمد يكون جه غلط

و يطلع مصاب مش شهيد

"أحمد أسامة صلاح الدين من فيصل

.. ممكن تتأكديلي؟"

و يلاقي عينيه فيها دموع مليانة أسى

و أمل مش عايز يموت؟

مفروض يعمل ايه لما يتأكد

ان الولد استشهد بس مش قادر

يواجه أهله الي لسة مقتنعين انه

ممكن يطلع اتصاب ان شاء الله؟

يعمل ايه و هو واقف جنبهم

بعد ما الخبر يتأكد

و يلاقي الأم اختفت راحت تدور

على ابنها في المحطة

و الأب بيخبَّط بإيده على راسه

و تسمع جوه صدره

صوت أنين مكتوم بس بيصم الآذان؟

مفروض تعمل ايه

لما يعجز لسانك عن نطق

كلمة مواساة واحدة؟

تعمل ايه لما تلاقي عائلة كاملة

جاية بتقول لهم

"ماتخافوش ممكن يكون اتصاب

بس لسه في بورسعيد،

احنا برضه محمد ابننا

لسه مانعرفش عنه حاجة

بس ان شاء الله عايش

و على ماتيحي تشاورلهم ان

أحمد خلاص مات عشان

مايتعبوش الراجل و مراته أكتر

تلاقي ابنهم التاني بيجري عليهم

و صوت صريخه بيرج المحطة و بيقوللهم

"محمد راح.. اتأكدت انه راااااح"

فتسقط أم محمد بين يديك و جسمها ينتفض؟

تعمل ايه لما طول ما انت واقف

رجالة الألتراس واقفين يهتفوا

و أول ما يتعبوا من الهتاف

ياخدوا بعض بالأحضان و يجهشوا بالبكاء؟

هو الواحد مفروض يعمل ايه

لما يحس ان البلد دي قبل الثورة

و بعد الثورة مش جاية غير ع الغلابة؟

يعمل ايه لما رجله تبقى

مش مطاوعاه انه يمشي يرَّوح

في نهاية ليلة زي دي .. يعني ايه

"ارجع ع البيت"

و في ألف بيت النهارده خالي؟

يا محطة مصر .. يا نقطة اللقاء و الفراق

.. امبارح كنتي نقطة فراق أبدي

ما بين أهالي ملكومين و أطهر الأبناء ..

و كنتي بين قلوب كتير اتوحدت

ضد العسكر الخونة

نقطة لقاء 

لـــ نهلة حداد

*******

ما تقوم ياابنى 

ما تقوم يابنى

جبتلك اللي انت كاتبهولي
جبتلك الكوتشي .. على المكتب
و فانلة و شورت جٌداد
خليك جاهز .. و على استعداد
جبتلك الشنطة اللي عايزها...
ما ترُد يا واد
ما ترُد بلاش توجع قلبي
بكدب على أمك و مخبّي
و بقولها لسّه ف الديربي
جوّا الاستاد
طب أقولها إيه
طب مات كدا ليه
و ف أنهي بلاد
طب مين حيجرّيني وراه
طب مين حيضحّكني معاه
طب أقولّها .. تاه
ما ترُد يا واد
طب رٌد و الله لأسامحك
و حخلّي أخوك ييجي يصالحك
دا أنا حلم حياتي أحضر فرحك
محضرش الدفنة ب سَنّاد
كلـِمات
الشاعر أحمد الطحان
======

الى هنا ينتهى الكلام

المنقول واحكى أنا

بأختصار ما حدث

فى بيتنا أمس

فبعد منتصف الليل

فوجئنا بصريخ وبكاء

فى العمارة عندنا وبالسؤال

عرفنا أن ابن جارتنا الكبير

أو ابن عمرها كما تسميه

قد ذهب مع الذاهبين

الى رحمة الله بأذن الله

كان فى رحلة الى الأسماعيلية

لبضعة ايام مع زملائه

ويوم المبارة ذهبوا الى بورسعيد

ليشاهدوها وكان ما كان

لم يعلم الأب ولا الأم بهذا فى حينه

الا بعد ان أنتابهم القلق

لعدم رد الابن على نداءات الموبايل

ولعدم اتصاله بهم ليوم واثنين 

اتصلوا على زملائه لا أحد يرد

حتى كان يوم أمس

حضر واحد من الذين

كانوا معه ووجد فى نفسه

القوة ليخبرهم عما جرى

كانت الصدمة والفاجعة 

الأم تسأل سؤال واحد

ياترى ابنى مات على طول

ولا مات بعد ما نزف كل دمه

ومحدش حس بيه

ياترى نطق الشهادة ولا لأ؟

اللهم صبرها وصبر كل أم واب مثلها