.....دمــــوعــــى قــــريـــبــة......

!!دموعى قريبة
وزادت قربا فى هذه الاياماخجل منها فى احيان كثيرة
ولكن لا حيلة لى فيها

ابكى وانا امام ربى فى صلاتى

حينما اتذكر ذنوبى

وأسأل نفسى هل يغفر لىّ ربى

أبكى وانا استطيع ان أساعد مريضا

ولكن الروتين واللوائح تمنع ذلك

والا تحولت الى مذنبة إداريا

ولهم حق توقيع الجزاء علىّ

أبكى وأنا أرى من لا يستحق
يكافىء فى عملى

وإذا ما طالبت بحقى

ادخل فى مجادلات
ومطالبات عقيمة
لا أقوى عليها
تجعلنى أعف نفسى
عن الدخول فيها

فانا أعلمأنى لن أقوى على الصمود
أمام من أطالب بحقى امامهخاصة اذا كان ممن امتهن
المجادلة سبيلا لأخذ حقوق الاخرين

أبكى إذا ما حكى أحدهم مشكلة

وكان هناك مثلها مررت بها أو حتى أعيشها

أبكى لكل صرخة الم حقيقية أو دموع صادقة

من ظلم واضح

تنقلها صورة فوتوغرافية

او إذاعة مرئية

تحرجنى دموعى

إذا دخلت فى مناقشة
وكنت انا على حق
واعلم أن من امامى على باطل
ولكن
وأه

من

لكن

هذه فى بلدنا

صاحب الصوت الأعلى له الغلبة

دائما
وناسنا قالوا زمان

خدوهم بالصوت ليغلبوكوا

...نـــــــذالة...

نذالة إنســــــــــــان!!

نذالة زوج

لجأ زوج إلي حيلة شيطانية ماكرة

عندما أراد أن يخلي مسئوليته عن أبنائه الثلاثة الصغار

بعد وفاة زوجته وذلك بالزواج من شقيقتها‏

وبعد أن اطمأن لوجود صغاره في حضن خالتهم

فر هاربا بلا عودة‏!!‏
الزوجة تقدمت برفع دعوي نفقة لمحكمة الأسرة

وروت مأساتها مع الزوج المخادع

الذي دأب علي إلقاء مسئولية صغاره علي شقيقتها قبل وفاتها

وبعد أسابيع من زواجهما

حتي فوجئت

بهروب الزوج

دون أن تعلم بمكانه‏.‏

(ولاحول ولا قوة الا بالله)

...صفحة الوفيات:تدوينة قديمة..

حتقولولى ياساتر يارب
الله!!!الله!!الله

ما الموت علينا حق ياجماعة

وشىء لابد منه

وبرضه من ضمن الامثال الشعبية

اللى ما يموت منين يفوت
المهم انا بعدت عن الموضوع وهو صفحة الوفيات

مالها بقى صفحة الوفيات :خلصينا؟

ده اكيد انت او انتى بتقولى كده

حاقول انها صفحة عجيبة

يعنى ممكن تقعد تقرأها ما تخلص منها

وتاخد منها شوية معلومات عجب وعجب العجب كمان

نعطى امثلة
خد عندك ياسيدى:-

سقط سهوا وخللى بالك من سهو دى

وبعد كده يافطة طويلة

امال لو كان عمدآ كنتوا نسيتو كام واحد

وساعات تلاقى المنسين اقارب من بعيد

دول اكيد زعلوا وحلفوا ما حيجوا المأتم

الأ لما أسمهم يتكتب

وساعات المنسيه تكون الزوجة!!!

(تكون الزوجة الثانية ولا حاجة؟)

:-توفى الى رحمة الله:-

مسكينا فى عالم الرضا فلان الفلانى

ويرجو التخفيف على كل من له علاقة به

فلا عزاء وان أصر البعض

(دماغه ناشفه البعض دا وبصراحه كمان تلم)

لواجب فليتصدق بثمن تليغراف العزاء على روحه

وليدعو الله وتلك هى رغبتى

(فلان)

الله يرحمه راجل بيفهم

مش عايز الناس تتعب نفسها

وتتلم وتعمل ازمة وزحمة من غير لزوم

والدنيا مش ناقصه زحمة

ورايحين فين ياجماعة؟

رايحين العزاء بتاع فلان:(

طب خدونى معاكم

واتوبيسات المصلحه تطلع

وتدور على موظف واحد

ما تلاقى واحد يقضوا لك طلبك

معلش اصلهم فى عزاء زميلهم

وكمان اللى رايح يجرى ده

يمكن ما كان بيصبح

على فلان ده وهو حى!!!

-:توفيت الى رحمة الله:-

الحاجه فلانه

زوجة الاستاذ/الدكتور/ المهندس/المستشار/

رئيس مجلس ادارة كذا/

العضو المنتدب لكذا/

حائز وسام كذا

وخد من ده حاجه بتاعة

نص متر فى الجرنال ليه؟

الله!!!!!الله!!!!!!الله !!!!!

جوزها بيعلن عن نفسه شويه0000فيها ايه؟

-:نيجى بقى للكلام اللى بيتقال:-

ماما الحبيبه

بابا الغالى

ياتوأم الروح

يارفيق العمر

ياجوهرة

يامحبة

يـــــاأغلى حبيب

ومـــــــن ده كتيرجداااا

عايزه اعرف الناس دول بيكتبوا الكلام

ده لمين؟

للميت !!هو حيقرأ!!!!

:-برضه مثلا فلانة-:

زوجة العميد او العقيد

كذا مدير إدارة كذا

فى سلاح كذا

وطبعا عنوان البيت

علشان التليغرفات
من الاخر معلومات كثيرة

وعديدة ممكن تتحط جنب

بعضها وتبقى حكايه

:-دايما بفتكر فيلم زمان اووووى:-

كان بيجى فى التليفزيون

اعتقد اسمه : كلهم أبنائى

كان هندى, ومدبلج بالعربى

أيوة كانت زمان موضة

دبلجة الافلام الروسيه والهندية

علشان اللى مابيعرفش يقرأ

ورمز لدول اوكتلة عدم الانحياز

المهم الفيلم بيبتدى وكالعادة

فى السينما الهنديه بمأساة موت الاب

عائل الاسرة الوحيد وطبعا ماحيلتهومش حاجه

ومع ذلك اضطروا يعملوا واجب العزاء بالكامل

ويضيفوا المعزين استضافه كاملة

ولا فندق 5 نجوم وكانوا أولاد الميت

حيموتوا من الجوع والضيوف بياكلوا كل حاجه

!!!!!!!!!

وده صحيح اللى بيحصل فى الهند

زى صاحبتى سوسيلا ما حكت لى
حتقولوا سوسيلا مين ؟

وصحبتك الهندية دى عرفتيها فين؟
دى حكاية تانيه بعدين بقى ابقى احكيها
باىىىىىىىىىىىىىىى

----------------

تدوينة قديمة اوى

من اوائل التدوينات

اللى عملتها

فى

صعبان على حالنا

نمر ون

ساعتها جه لى تعليق واحد

وماتتصوروش فرحتى يومها كانت أد ايه

...لحظة غيرة:تدوينة قديمة...

أحكى عن لحظة

حسيت فيها
بالغيرة الشديدة
من زميل لى لمّا

قالى بأنه جاله

كـــ22ـــشف

فى يوم واحد

فى حين ان ما

جانى فى اليوم دا

الأ كشف واحد

بصراحة

مش حأكذب عليكم

غيرررررررت

والغيرة نااااار

بعيد عنكم

نارررررر

مش هزار

ناررررررررر

المهم وزى عوايدى

ياخدنى الأنفعال لحظة لكن

ارجع لعقلى وأفحّص وأمحّص الموضوع

وخصوصا لو كانت حاجة بايخة ومضيقانى

فكرت فلان دا مأجر عيادة

بيدفع أيجار وتومرجى وضرايب

وميه ونور وعوايد

دا اول بند

وبعدين فلان دا بيروح عيادته بعربيته

بيدفع بنزين وتصليح وجراج ورخصة وإنتظار

ومخالفات بسبب ومن غير سبب

ودا تانى بند

وفلان عنده

ثلاث بنات فى مراحل التعليم

المختلفة مطلوب منه

مصاريف لبس ومدارس

ومدرسين ودروووس

ودا تالت بند

وعلشان ماطولش عليكم

والدته على قيد الحياة

ربنا يخليها ولكن فى اسيوط

وهو متكفل بمصاريفها بالكامل

لأن والده لم يترك معاشاً

ودا البندالرابع 

والأخير 

الصراحة بعد ما حللت

الموضوع بالطريقة دى

استريحت راحة مش معقولة

ولقيت ان الكشف

الوحيد اليتيم اللى جالى

يمكن يعادل ال22 كشف بتوعه

ويمكن انا كسبانة

(مادياً)

اكثر

...لكل شىء إذا ما تم نقصان...

لكل شيءٍ إذا مـا تـم نقصـانُ فلا يُغرُّ بطيـب العيـش إنسـانُ
هي الأمورُ كمـا شاهدتهـا دُولٌ مَن سَرَّهُ زَمـنٌ ساءَتـهُ أزمـانُ
وهذه الدار لا تُبقـي علـى أحـد ولا يدوم على حـالٍ لهـا شـان
يُمزق الدهر حتمًـا كـل سابغـةٍ إذا نبـت مشْرفيّـاتٌ وخُرصـانُ
وينتضي كلّ سيف للفنـاء ولـوْكان ابنَ ذي يزَن والغمدَ غُمـدان
أين الملوك ذَوو التيجان من يمـنٍ وأين منهـم أكاليـلٌ وتيجـانُ ؟
وأين مـا شـاده شـدَّادُ فـي إرمٍ وأين ما ساسه في الفرس ساسانُ ؟
وأين ما حازه قارون مـن ذهـب وأين عـادٌ وشـدادٌ وقحطـانُ ؟
أتى على الكُل أمر لا مَـرد لـه حتى قَضَوا فكأن القوم ما كانـوا
وصار ما كان من مُلك ومن مَلِككما حكى عن خيال الطّيفِ وسْنانُ
دارَ الزّمانُ علـى (دارا) وقاتِلِـهوأمَّ كسـرى فمـا آواه إيــوانُ
كأنما الصَّعب لم يسْهُل له سبـبُ يومًا ولا مَلـكَ الدُنيـا سُليمـانُ
فجائـعُ الدهـر أنـواعٌ مُنوَّعـة وللزمـان مسـرّاتٌ وأحــزانُ
وللحـوادث سُـلـوان يسهلـهـا وما لما حـلّ بالإسـلام سُلـوانُ
دهى الجزيرة أمرٌ لا عـزاءَ لـه هوى لـه أُحـدٌ وانهـدْ ثهـلانُ
أصابها العينُ في الإسلام فارتزأتْ حتى خَلت منـه أقطـارٌ وبُلـدانُ
فاسأل
بلنسيةً
ما شأنُ
مُرسيـةً
وأينَ
شاطبةٌ
أمْ أيـنَ
جَيَّـانُ
وأين
(قُرطبة)
دارُ العلـوم فكـم من عالمٍ قد سما فيهـا لـه شـانُ
وأين (حْمص)ُ وما تحويه من نزهٍ ونهرهُا العَـذبُ فيـاضٌ ومـلآنُ
قواعدٌ كـنَّ أركـانَ البـلاد فمـاعسى البقاءُ إذا لم تبـقَ أركـانُ
تبكي الحنيفيةَ البيضاءُ من أسفٍ كما بكى لفـراق الإلـفِ هيمـانُ
على ديار مـن الإسـلام خاليـة قد أقفرت ولها بالكفـر عُمـرانُ
حيث المساجد قد صارت كنائسَ مافيهـنَّ إلا نواقيـسٌ وصُلـبـانُ
حتى المحاريبُ تبكي وهي جامدةٌ حتى المنابرُ ترثي وهـي عيـدانُ
يا غافلاً وله في الدهـرِ موعظـةٌإن كنت في سِنَةٍ فالدهـرُ يقظـانُ
وماشيًـا مرحًـا يلهيـه موطنـهُ أبعد حمصٍ تَغرُّ المرءَ أوطـانُ ؟
تلك المصيبةُ أنستْ مـا تقدمهـاوما لها مع طولَ الدهـرِ نسيـانُ
يا راكبين عتاق الخيـلِ ضامـرةً كأنها في مجـال السبـقِ عقبـانُ
وحاملين سيُـوفَ الهنـدِ مرهفـةُ كأنها فـي ظـلام النقـع نيـرانُ
وراتعين وراء البحر فـي دعـةٍ لهـم بأوطانهـم عـزٌّ وسلطـانُ
أعندكم نبـأ مـن أهـل أندلـسٍ فقد سرى بحديثِ القومِ رُكبـانُ ؟
كم يستغيث بنا المستضعفون وهم قتلى وأسرى فما يهتـز إنسـان ؟
ماذا التقاُطع في الإسـلام بينكـمُ وأنتـمْ يـا عبـادَ الله إخـوانُ ؟
ألا نفـوسٌ أبَّـاتٌ لهـا هـمـمٌ أما على الخيرِ أنصـارٌ وأعـوانُ
يا من لذلـةِ قـومٍ بعـدَ عزِّهـمُ أحـال حالهـمْ جـورُ وطُغيـانُ
بالأمس كانوا ملوكًا في منازلهـم واليومَ هم في بلاد الكفرِّ عُبـدانُ
فلو تراهم حيارى لا دليـل لهـمْ عليهمُ مـن ثيـابِ الـذلِ ألـوانُ
ولو رأيتَ بكاهُـم عنـدَ بيعهـمُ لهالكَ الأمرُ واستهوتـكَ أحـزانُ
يا ربَّ أمّ وطفـلٍ حيـلَ بينهمـا كمـا تـفـرقَ أرواحٌ وأبــدانُ
وطفلةً مثل حسنِ الشمسِ إذ طلعت كأنمـا هـي ياقـوتٌ ومرجـانُ
يقودُها العلجُ للمكـروه مكرهـةً والعينُ باكيـةُ والقلـبُ حيـرانُ
لمثل هذا يبكي القلبُ مـن كمـدٍ إن كان في القلبِ إسلامٌ وإيمـانُ

...الدوج أبن الدوج...

هل تنام الحيونات؟
سؤال سألته لنفسى
من تحت راس
الدوج ابن الدوج
 فى الفيلا اللى جنبنا
طول الليل والنهار تقريبا بيهوهو
المهم سألت جوجل 
اومال حأسأل مين ياعنى؟
:-جوجل قال
أن الحيوانات  تحتاج الى النوم للراحة
 حينما تنام تحرص ألا تترك نفسها
عرضة لأعدائها
بعض الحيوانات
تكفيها عدة دقائق من النوم في اليوم 
بينما البعض الأخر يقضي ثلثي حياته نائما 
بعض الطيور
تنام وهي طائرة تضرب الهواء بجناحيها من وقت لأخر
وأكثر الأسماك تنام بينما تسبح
وتوجد حيوانات تنام وعيونها مفتوحة
وأخرى متعلقة بأغصان الأشجار
وثالثة واقفة ورابعة ملتفة حول نفسها كالكرة
وتوجد حيوانات تحلم بينما تنام
 بطل النوم  حيوان الكسلان
ومن اسمه يظهر لنا صفته
فهو بطىء الحركة
يعيش في أمريكا اللاتينية
 له في نهاية كل من اطرافه الثلاثة
 أظافر ضخمة كالمخالب
 يتعلق بها في غصن
وينام 20 ساعة في اليوم
  ويليه في البطولة
حيوان أكل النمل 
الزرافة تستلقى لتنام بالنصف
 راسها مرفوع وعيناها مفتوحتان
 لحمايتها من عدوها الرئيسى الأسد
والأسد كاكثر الحيوانات المفترسة
التى تشعر بالأمن ولاتخشى هجوم عليها
ينام مكشوفا على الأرض
الفهد ينام متمدا على فرع شجرة 
وينام الفيل لضخامته على أحد جانبيه
 على الأرض لفترات قصيرة
 لأن الاستلقاء ضار باعضائهالقرود  تخاف الظلام
 تنام اناثها وصغارها على الأشجار
 وذكورها تحت الأشجار لحراستها
***
ادى اللى قاله جوجل
طيب كويس
اومال الدوج اللى قدامنا
دا مابينامش ليه!!؟
المهم
استعلمت عن الموضوع
وعرفت السبب
اتارى البيه صاحب الدوج
!!جاب دوج تانى
يونّس الدوج الأولانى
وبالتالى عاملين حفلة
تعارف مع بعض
!!!!
وما بيناموش
لا ليل ولا نهار

أضــــــــــــــــــافة 
حكاية كلب شارع الهرم
اللى عاوزة اضيفه
ان كتير من اللى اعرفهم وجابوا كلاب
للحراسة او عفواً
(للفشخرة)
بعد ما جابوها
وجدوا تربيتها صعبة
ومصاريفها كتيرة كمان
(لو كانوا عاوزها عفية وقوية )
وكمان عاوزة طلبات معينة
مثل ايه؟
!!تتفســـــــــح
تتمشى كل يوم
تاكل اكل معين
تروح للبيطرى لما تمرض
المهم لقوا كل دا تكاليف صعبة عليهم
عملوا ايه البهوات؟
أطلاقوهم فى الشارع
واسمع بقى سيمفونيات
طول الليل والنهار
وكون حريص وانت بتعدى
بين العربيات وخصوصا بليل
يكون عفواً
(كلب)
نايم ولا حاجة تدوس عليه
ويحصل ما لا تحمد عقباه

...صباح الخير: انا إنشفطت...

صباح الياسمين
على الناس الحلوين
أهالى بلوجر الغالين
بقى لى شوية كده لا صبحت
ولا مسيت عليكم لمّا أنا حاسة
كأنى كنت مسافرة لحتة بعيدة اوى وأنقطعت
فيها ودا فعلاً حصل أصل أنا انشفطت!!

ايوووة

للفيس بوك
كان هو اول حاجة عرفتها لما عرفت يعنى ايه النت
لكن ما هوتهوش وما حبتهوش

ويمكن كمان كرهته جداً
وبقيت بهرب من حاجة اسمها

الفيس بووووووووووك
مش عارفة ايه اللى رجعنى تانى له وكمان
زى ماأنا كاتبة كده:انشفطت!!
طول الوقت فاتحاه وبتفرج
على الكلام المكتوب عليه
والردود على الكلام
والمداخلات
والتعليقات اللى عليه
زاد وغطى بقى على كل اللى فات
(الفارم فيل)

لعبة بردون برضه(هايفة)لكن

هوًِِتها وحبيتها وبقيت مترددة عليها كل شوية

زراعة وفلاحة وزيادة ونقصان وحساب لزمــان

امتى حأكون موجودة علشان احصد وأمتى مش حأكون

وأزرع نخلة ولا شجرة

وابيع خضار ولا اجيب جرار!

وأبنى عشة ولا ابنى فيلا

ولا أهادى جيرانى واشركهم معايا

فى الصندوق السحرى اللى لقيته

ولا احتفظ به لنفسى

يمكن ينفعنى بعد

كده

بأختصار انا

مشفووووووطة

الى الفيس بوك

والى الفارم فيل

ومش عارفة ارجــع

لكن برضه عارفة أنى

بأذن الله حأرجع وافوت كل دا ورايا

وارجع لعزيزتى وحبيبتى

صعبان على حالنا2

اللى حالها لا يسر عدو ولا حبيب

وبقت عاملة زى بيتنا القديم

له مــــعّزة

(غلاوة يعنى علشان محدش يفهمنى غلط)

اكمل

واقول زى بيتنا القديم له معّزة لكن

ما بنروحه الأ نادرا

إن لم نهجره كليةًً ولا نزوره ابداً

وقبل ما انسى صحيح

اللى زاد وغطى

أن صعبان2والعلم عند

الله

سبحانه وتعالى

حيجى لها الدورأياه برضه زى صعبان 1

بمعنى ان انا أكتشفت ان الموضوع اللى فات

ما اتنشرش

على الريدر بتاع الأصدقاء

ومش عارفة اعمل ايه؟

مش كل يوم بقى حأعمل مدونة

والا حتبقى صعبان السادس عشر

أقولكم

ربنا يستر ويسلم علينا كلنا

يااااااااااااااااااااااااارب

-----------------------
الحمد لله رب العالمين
دى تدوينة قديمة
من 16-4-2010
ومش فاكرة الصراحة
إن كنت نشرتها
☺مرة تانية☺
(☺ويمكن تالتة ☺أو رابعة ☺خامسة)
ولا لأ
لكن اللى أقدر اقوله
ان الحمد لله رب العالمين
انا شفيت نهائيا منها
(الفارم فيل ياعنى)
ولما بأفتكر
(حبى لها)
بأستغرب
لكن اقول ايه
الحمد لله الذى عافانى منها

...صورة فكرتنى بليلة:تدوينة قديمة...

 !ايوة فكرتنى بليلة فى أحضان الطبيعة
رصيف المينا! بس ياخسارة ما استمتعتش بيها
لان الجو كان تلج وانا مكانش معايا غطا
اقولكم احكى الحكاية من الاول
اقولكم انا سافرت برى  اشتغل فى السعودية
ورجعت برى برضه حتقولولى ليه البخل دا
حاقولكم بخل ممكن كسل كمان !مش عارفة بس انا من النوع اللى

لو جرب حاجة خلاص افضل عليها ولو حتى مش مريحة

روتينية بالدرجة الأولى (عارفة نفسى)وبالتالى
طريقة الاتوبيس واولها ايه واخرها ايه عرفتها  وما حبتش اغير
المهم لما سافرت كنت معيا تقريبا كل حاجة الىّ هتا
وكانت الشنطة الحقيقة ولا مغارة على باابا فيها كل حاجة
وبالتالى كانت بردون (مصيبة) تقيلة
لكن
والله ربنا سبحانه وتعالى
رزقنى
طوال الرحلة مين شالها لى
وبالتالى لما وانا راجعة اشاروا على اولى النصيحة المخلصين
انى اشحن العفش اللى هى الشنطة اللى انا جاية بيها
وشوية حاجات خايبة ياريتنى ما ضيعت فلوسى عليها
لكن الانسان ما بيتعلمش ببلاش لازم يجرب
الاول وساعات حتى ما بيتعلم! من تجربته

المهم فعلا شحنت الشنطة وركبنا الاتوبيسات

اللى وصلتنا الاردن عدينا الاردن ودفعنا

أجرة المرور عبر الاردن

والله العظيم عبارة عن سلم خشب

بيؤدى الى حجرة خشبية(كشك ياعنى!) قاعد فيها

ظبوطة(ايوة ظابط صغنن يعنى) اخر شهامة

ختم الباسبور ودفعنا الرسوم زى الشاطريين

ونزلنا من السلم بس من ناحية تانية

ودا بقى المرورعبر الأردن !!
المهم ركبنا العبارة الحمد لله ووصلنا نويبع بسلامة الله
نبص على الشنط مفيش شنط !!

ازاى ياعم بس دول قالولنا انهم حيوصلوا قبلنا

المهم الحقيقة انا بقيت قاعدة و الاخبار تيجيلى: دى العربية

اللى شايلة الشنط مش عارفة راحت فين !دىباظت!

دى مش عارفة ايه اتعطلت !

دا الشنط باذن الله جاية على العبارة التانية الساعة 4الضهر

المهم زى ما انتم عارفين انا اعز الساندوتشات

والحمد لله كنت عاملة حسابى اتغديت

وقعدت استنى وطبعا مدام انت منتظر
شىء الوقت بيقى مش عايز يفوت
بالطول بالعرض الساعة بقت 4
والعبارة جت بس الشنط لأ؟؟!!
يالهوىىىىىىىىىىى
طب وبعدين العمل ايه؟؟ .
قالوا تنتظروا العبارة بتاعة بكرة
وهم (مش عارفة مين)كلموا الشركة فى السعودية
وقالوالهم على المشكلة دى ووعدوهم يحلوها بسرعة
المهم عرفت انى كده كده مقضية الليلة على رصيف المينا
ياربى دا الدنيا تلج(اول ديسمبر)ومش عاملة حسابى
وكمان قالوا ان الفندق الموجود يبعد حوالة 20 كيلو

ولازم تاخدى تصريح بالخروج من المينا او ممكن تروحى

بلدك وابقى ارجعى بقى خديهم براحتك:ياسلام ياأخوياااااااا!!!
طبعا ما كانش فيه حل الا البيات على الرصيف

ربكم والحق انا مكنتش خايفة !!

سبحان الله

لكن كنت بردانة وتعبانة كمان

بصيت كده لقيت شلة رجالة مصريين

قاعدين مع بعضهم وشكلهم زى حالاتى

هم كمان مستنينين عفشهم

وكل واحد والتانى متكلفت بالبطانية بتاعته

ولا على باله حاجة

وانا حتجمد من البرد
الصراحة انا بصيت كويس
مش لهم يااخى انت وهو

لكن (لبطاطينهم)!!وشفت

اجدد بطانية وانضفهم
ورحت لصاحبها هما كلمتين

اللى قلتهم و لقيت الراجل الحقيقة ادانى البطانية بتاعته
شفتلى دكة خشب فاضية وقريبة من التجمع

بتاع الناس دى وكمان عمود النور قريب منها
حطيت شنطة ايدى بينى وبين الحيطة

وتلحفت البطانية وسندت راسى على ضهر الدكة

ورحت فى سابع نومة ما تسألونيش ازاى؟!

صحيت حوالى خمسة ونص صباحاً طبقت البطانية
ورحت وديتها لصاحب صاحبها لأن صاحبها كان نايم لسه.
سألت على البوفيه فين ورحت جبت الراجل معايا
عد لى الاشخاص الموجودين طلعوا
بالتمام والكمال
23واحد

جبت بعددهم براد شاى كبير

وفطار كمان

والحمد لله الساعة عشرة لقينا العبارة جاية

ومعاها شنطنا كلنا وبرضة

ربنا سبحانه وتعالى

رزقنى باللى شال الشنطة الى الجمرك

الاول وبعدين للأتوبيس اللى جابنا
للمحطة الدولية اللى فى العباسية
واهى ذكريات لا تُنسى بحمد ربنا عليها ليل ونهار

وعلى ستره ولطفه بى وبعباده كلهم
ومنين ماتجى كلمة نويبع
او 23 أوعبّارة او ميناء أو بطانية

او شهامة او رجولة

او براد شاى افتكر الليلة دى
والحمد والشكر
لله رب العالمين

000000000
الصورة  الاولى ماخودة من مدونة الاستاذتركى الغامدى
وكانت محطوطة فى تدوينة بعنوان

على رصيف الحياة

تدوينة قديمة لا انساها
لأنها فعلا حصلت
بالخيط والمخياط
كما يقولون
بالأمثال

...مـــا فى القــلب...

تعقد الجلسات
وتقال الكلمات
وتتناثر الوعـود
وتنــــــهال العهود
وتتصـــــــــافح الأيدى
وتُقبل الوجـــــــــــنات
ويبقى مافى القلب كمـا هـو

لا يتغير ولا يتبدل

أيه الحل بقى؟

الله أعلم

...شبــــــابيك:تدوينة قديمة...

نوافذ نوافذ خلف كل منها حكاية بل حياة
خلف نافذة منها جلست تناجى صورة وحيدها
المبتسم اليها دوما من خلال الصورة والمنشغل
عنها دوما فى دروب الحياة

الى الصورة تنظر وتحادثه وتساله كل ما يعن لها
هل اكلت؟ هل شربت ؟هل تلفحت بالغطاء كما قلت لك؟
هل احترزت من فلان؟ هل اغلقت نافذتك بحكام؟
اسئلة واسئلة كثيرة يجيب عليها الفتى بابتسامة واحدة
وصورة واحدة ارسلها اليها من بعيد
حيث ارتحل من زمن طويل
صورة واحدة لا تضمه وحده بل تضم من شغلت قلبه
وشغلته عن من انشغل قلبها به من قبل أن تراه

الا من دقائق قليلةكل بضعة ايام يرن فيها الهاتف لتسمع صوته
ويعيد اليها بسمة على الشفتين
وتوردا فى الخدين

وتألقا فى العينين
وفرحة فى القلب تعيش بها ايامها
ولا تسعفها لهفة قلبها لتساله كل ما تريد
ولا يمهلها هو لتتذكر كل ماتريد
فهو فى عجلة دوما ليلاحق عجلة الحياة
حيث لا اخ ولا اخت لك ولكن هناك عملك فقطولا عذر ولا قبول لاى عذر
فعجلة الحياة هناك لا ترحم
خلف النافذة تتساقط دموعها شوقا اليه
ولا تسكتها ولا تمسكها

فلعلها تبرد نارا بداخلها
اشتعلت منذ ان سافر
واعدا اياها بالعودة القريبة
ولكن الوعد طال

ولكنها لا تمل الانتظارتستعيد وعده وهمسه وكلماته

تستعيد نظرات عينيه
تستعيد دفء يديهيمسك يدها
فيقشعر جسدها حنانا اليه و لهفة عليهتستعيد صوته
انا عائد اليكى امى

يوما ما
عندها يسكت دمعها
فقد وعدها
ولن يخلف وعده لها
عندئذ تمتلىءبحار صبرها بالامل
فقد وعدها
ولن يخلف وعده لها
................
......اليه....
......والى كل........
من سافر وهاجر
..وغادر واغترب
...لا تنسى قلباً يحبك

دوما ابدا يحبك

قلب امك

...ملابس شتوية..تدوينة قديمة...

أضطررت أسـفة
الى لبـــــــس الشتوى
بــــــــــ20%ــــــــــرداً
كــــــــــــــــ80%ــــــــسوفاً!!؟
ايوة
كســـــــــــــــــــوفاً
من عمـايل
الناس فى الشــــارع
كل واحد وواحــــــــدة
لابسين البالطو ولا التـــــايير
ولا البدلة اللى اشتروها فى الأوكازيون
أخر الشتا اللى فاتت فمصدقوا الجـــوسقّع
(شووووووووووووووووووية)

وهوبا راحوا لابسين البالطو
والبوووت الطـــــويل
والكوفية والجوانتى الصوف
ولا كأننا فى الأسكيمو
طبعا وسط دا كله
ما ينفعش افضل
مصـــيفة

النــاس
تقول أية؟
معنديش بالطو
معنديش كوفية!؟
معنديش جوانتى!؟
معنديش بووت طويل؟

وحياتكم أنا كمان لابستــــهم

كلهم ومحدش أحـــســــن من حد

****
عاوزة أضيف بس
انى لسه ما لبستش الشتوى
السنة دى وباين عليا برضه
حالبسه أضطرارا وكسوفا من عمايل
النااااااااااس

...فى بلاد غير بلادنا...

فى بلاد غير بلادنا
يأتى رئيس ويمضى رئيس
يمـــــضى سائرا على قـــدميه
مصحوبا بالسلامات او باللعنــات
وفى بــــــــــــــــلادنــــــــــــــا 
يــــــأتى رئيس ويــــــبقى 

ولا يمضى الأ مـــقبوراً

أو مخلوعاً أو مشنوقاً
او محمولا على الأعناق 

الى مثواه الأخير