...أنا إنكبست....

من عوايدى اللى مش قادرة أبطلها
لما اشوف حد بيسأل فى شارع
او أحس أنه تايه
على طول اساله
عاوز تسال عن حاجة؟
فيه عنوان عاوزه؟
المهم فى معظم الحالات 

التايه دا بيقول
عاوز العنوان الفلانى
المكتب العلانى
وكده ياعنى
لو عرفت بجاوبه
ولو ماعرفتش بأقوله على اقرب محل يسأله
المهم النهاردة لقيت واحد شكله مسكين وحاله حالة
سألته
عاوز حاجة؟
و!!!انتى مالك أنتى
تصدقوا صراحة ماحتطش منطق وأنكبست
بس الحمد لله ربنا عوض عليا الزعل
حضرة الصووول بذات نفسه
عدانى الشارع
اه والله لوحده كده
كان شكلى يظهر
متلخبط ولا أيه
لقيته بيسألنى
عاوزة تعدى؟
قلتله
أأأأأأأه ياريت
عدانى
الحمد لله