...مدام فهيمة الحكيمة...

مدام فهيمة حكيمة اشتغلت معايا
كبيرة فى السن والمقام والعقل والقلب
المهم
فى يوم من الأيام قلتلها
تصدقى يامدام فهيمة
انى مش فاكرة أذا كنت
شربت الشاى الصبح ولا لأ؟
قالت أزاى؟
قلتلها
انا أعمل الشاى
وافضل رايحة جاية
وجــــــــــــاية رايحة
اكمل الأستعداد للنزول للشغل
والم شوية غسيل
املا أزايز الميه
اخرج عفوا
(الزبالة)
اشوف خبر على الفيس
والأخر انزل للشغل
ساعات لما برجع بأكتشف
ان كوباية الشاى زى ماهى
او يادوبك شربت ربعها
قالت الأ دى
كوباية الشاى باللبن الصبح دى
لازمن ولابدن نتفرغ لها خالص
قالتلها أزاى ياعنى؟
قالت
ياعنى
هو احنا ملناش فى نفسنا 10 دقايق؟
انا مهما اكون متأخرة
لازم اقعد واشرب كوباية الشاى
برواقة
امخمخ فيها كدا
!!واتسلطن
المهم
بقى انا اتبعت كلامها
 شووووووية
لكن رجعت لعوايدى
وبرضه
كتير
((بزلط))
كوباية الشاى
(زلطاً)
وكأنها مهمة رسمية
عاوزة أخلص منها
(طبعى وحش انا عارفة)

...مطلوب مليون صيــــنى...

 دايما بفتكر جملة قالها
لنا مستر سعد
مدرس المواد الأجتماعية
 أعتقد اللى هى بيسموها الدراسات دلوقتى
وكانت عبارة عن الجغرافيا والتاريخ
والتربية القومية
 والأخيرة دى معرفش بيسموها حاليا ايه
المهم مستر سعد
وشوفوا سبحان الله لسه فاكره اسمه
لانه فعلا انسان لا يُنسى
مثال للمعلم الأب كما يجب أن يكون
المهم قال لنا
والله تعالى اعلى واعلم
 ان كان الكلام صحيحا ام لا؟؟
قال ان شو آن لاى
رئيس وزراء الصين
وقت العدوان الثلاثى على مصر
بعت لعبد الناصر جواب
قاله  فيه
انه معندوهوش فلوس أو سلاح
يبعتهم له علشان يساعده فى الأزمة
اللى هو فيها حاليا
(العدوان الثلاثى)
لكن ممكن
وخلوا بالكوا من اللى جاى
يبعت له
مليون صينى

يوقفهم طوابير ورا بعضهم
وان ممكن السلاح يخلص
لكن الصنيين مش حيخلصوا
الجملة دى بافتكرها دايما
كلما قال احدهم ان الوضع
الحالى لا يعجبه ويدعو الأخرين
!!لتغيرهـ
ما نحن فيه لن يتغير
بالمظاهرات ولا الأضربات
سيتغير
اما بالسلاح
وهذا طبعا لا نملكه
لأما بمليون انسان مصرى
مستعدين يقفوا امام الرصاص
والدبابات والطيارات كمان
فهل نملك المليون فدائى؟
↓ ربما الفكرة غلط

ربما انها كانت مناسبة فى زمن مضى
ولكنها جـــــملة دائما تأتى الى بالى