الفيلم يحكى قصة حقيقية
اوقول فيها من الحقيقة الكــــتير
عن انسان يدعىBill Porter
يعانى من حالة اسمهاcerebral palsy
شلل نصفى أو جزئى وصعوبة فى الكلام
نتيجة لخطأ الطبيب
اثناء الولادة المتعسرة وإستعمال
forceps- الملقاط
المهم شفت الفيلم من يومين يمكن
وحبيت أتكلم عنه
أولاً-بيدى كمية (رهيبة)من الأمل
لكل انسان
سليم أو مريض او حتى معوق
ثانياً- كثير من مرضى
cerebral palsy
بيكون مستوى الذكاء عندهم عادى او حتى عالى
لكن للأسف وللألم كمان
(عندنا طبعاً)
الإعاقة الحركية او الكلامية
بتخليهم يتحطوا ظلما وجهلا
ضمن المعوقين ذهنيا وبنخسر إنسان
كان ممكن يفيد ويستفيد من المجتمع حوليه
ثالثاً-نجى للفيلم بقى
مش حاقولكم على سلاسة الحكى فيه
ورقة المشاعروالإحاسيس
بدون صراخ ولا صويت
رابعاً- واهم حاجة
إتقان التمثيل والمكياج
انا مكنتش عارفة مين البطل
وسالت نفسى هم جابوا
الممثل دا منين
بالشكل دا والإعاقة دى؟
فوجئت لما عرفت
لا هو بالشكل دا ولا بالإعاقة دى
دا إنسان عادى جدا وشفته بدل المرة كذا مرة
لكن إتقان التمثيل
والمكياج
فــــعلا فـــــعلا فــــــعلا
بيخلونا ننسى مين دا أصلا
ونصدق أنه هو الشخصية الحقيقية
الفيلم جميل ويستاهل الفرجة
مرة وأتنين وتلاتة
كمــــــــــــــــان
على فكرة الفيلم اترشح
ل12جايزة
فاز بـــ6 منها
