Monday, December 7, 2015

...الأستاذ مسعود جارنا...



الاستاذ مسعود جارنا
مسكين سمعه تقريبا
شبه ضايع تماما
وبيصمم
انه يسمع
 مسلسلات التلفزيون
والأخبار والبرامج الحوارية
طبعا بيبقى معلى صوت التلفزيون جدا
لاجل ما يسمع
ايام ما كانت زوجته الله يرحمها عايشة
وكانوا باقى جيران الدور يشتكوا له
من صوت التلفزيون
كان يتحجج
ان الحاجة زوجته
تعبانة ونايمة فى اوضتها
 وبتتونس بصوت التلفزيون العالى
اللى فى الصالة
!!!
المهم
الست ربنا رحمها من المرض والألم
اللى هى كانت فيهم
وماتت
وفضل صوت التلفزيون
عالى
ومحدش طبعا حاول يسأله
ليــــــــــــــــــه؟
المهم
من كام يوم لقيت صوت كلب
جديد فى البيت
أأأأأأأأيه دا يا رجبنا بوابنا؟
قال
دا ابن الاستاذ مسعود جاب
كلب لأبوه علشان
!!يونسه
بقى الكلب يهوهو
والقطة
(اللى مش لاقيه عيالها )
تنونو
وانا  فى النص حنفجر من الغيظ
حسبنا الله ونعم الوكيل

8 comments:

النسر المهاجر said...

معلش يا دكتورة ممكن تطلبى منهم يربوا الحيوانات دى بعيد عن البيت وده حقك
ومش من حقه إنه يئذى جاره
ولو على التيلفزيون ممكن تعرضى عليه يشترى سماعه راس من بتاع الكمبيوتر ويركبها على التليفزيون ويسمع منها ويعلى زى مهو عايز
اما الكلاب فبعيد عن إنها غير مستحب تربيتها فى المنزل ومش عايز اقول مكروه جدا ممكن يربيه فى الشارع
كان الله فى العون

P A S H A said...

الراجل ده حله أن حضرتك تجيبي له أشـّف عبعظيم
:))

Unknown said...

جمال ابو العز
للأسف مهما تتكلم
لا حياة لمن تنادى
الناس ما بقتش زى الأول
يخافوا على إحساس بعضهم

Unknown said...

شريف باشا
بيجبووووه ازاى دا؟
ايدى على كيفك :)

زهــــراء said...

زمان كان في مثل بيقول الجيران لبعضها دلوقتي الجيران بقيت تؤذي بعضها إلا من رحم ربي

Unknown said...

زهوووورة
فعلا الزمن اتغير
والناس كمان اتغيرت
أوووووووووووووووى

محمد سلامة said...

ده ونس جامد جدااا :)

Unknown said...

محمد سلامة
اوووووووى

Post a Comment

قول ولا تجرحـش