Monday, November 2, 2015

...لحظة غيرة:تدوينة قديمة...

fire Pictures, Images and Photos

أحكى عن لحظة
حسيت فيها
بالغيرة الشديدة
من زميل لى لمّا
قالى بأنه جاله
كـــ22ـــشف
فى يوم واحد
فى حين ان ما
جانى فى اليوم دا
الأ كشف واحد
بصراحة
مش حأكذب عليكم
غيرررررررت
والغيرة نااااار
بعيد عنكم
fire Pictures, Images and Photos


نارررررر
مش هزار
ناررررررررر
المهم وزى عوايدى
ياخدنى الأنفعال لحظة لكن
ارجع لعقلى وأفحّص وأمحّص الموضوع
وخصوصا لو كانت حاجة بايخة ومضيقانى
فكرت فلان دا مأجر عيادة
jealous Pictures, Images and Photos
بيدفع أيجار وتومرجى وضرايب
وميه ونور وعوايد
دا اول بند
وبعدين فلان دا بيروح عيادته بعربيته
بيدفع بنزين وتصليح وجراج ورخصة وإنتظار
ومخالفات بسبب ومن غير سبب
ودا تانى بند
وفلان عنده
ثلاث بنات فى مراحل التعليم
المختلفة مطلوب منه
مصاريف لبس ومدارس
ومدرسين ودروووس
ودا تالت بند
وعلشان ماطولش عليكم
والدته على قيد الحياة
ربنا يخليها ولكن فى اسيوط
وهو متكفل بمصاريفها بالكامل
لأن والده لم يترك معاشاً
ودا البندالرابع 
والأخير 
الصراحة بعد ما حللت
الموضوع بالطريقة دى
استريحت راحة مش معقولة
ولقيت ان الكشف
الوحيد اليتيم اللى جالى
يمكن يعادل ال22 كشف بتوعه
ويمكن انا كسبانة
(مادياً)
اكثر
Jealous Pictures, Images and Photos

7 comments:

م م said...

انا بالفعل تأثرت وكويس ان دموعي مانزلتش ،برغم بساطة الكلمات، لكنها عميقة جدا

Unknown said...

م م
ربنا يكرمك
معقول تأثرت كدا؟

النسر المهاجر said...

ربنا بيوزع الأرزاق
ورزقه ربنا جعله كده لانه مش رزقه لواحده ده رزق كل الى حضرتك ذكرتيهم
بس هو ومهنته الجميلة الاداه لوصول الرزق لأصحابه
وكويس إن نظرتك للامور إتغيرت بعد مفكرتى فيها
ربنا يرزقك ويرزقه

ΜĄЙĄЯ said...

السلام عليكم ورحمة الله وبركاته
إزي حضرتك يا دكتور ☺ ؟ أرجو إنك تكوني بخير وأفضل حال ☺
بجد أنا مبسوطة جداً إني قدرت أدخل تاني على حسابي عشان أجيب مدونة حضرتك ☺
:D طبعاً فتحتها بعد محاولات كتيرة إستمرت لسنوات
لكن الحمد لله إني وصلت في النهاية .. زي ما بيقولوا لا يأس مع الحياة :D

حبيت يكون أول تعليق ليا هنا
وإن شاء الله مش هيكون آخر تعليق ♥
دُمتِ بخير ♥ .. وأتمنالك التوفيق في الحياة وفي عالم التدوين ^__^
ـ
أما عن الموضوع ..
عجبني جداً ربط حضرتك بين الرزق وبين مقدار الحاجة ،
زي الربط بين البلاء .. وبين طاقة التحمُّل عند المُبتلى .
فالله -سُبحانه وتعالى- قال : { لا يُكلِّفُ اللهُ نَفساً إلا وسعها }
وإحنا حقيقي لو تأملنا حكمة الله ورحمته بينا ،
هنشعر بالخجل لعدم رضانا وصبرنا في الشدائد ؛
لإنها من تدبير الحكيم الخبير ، والحكيم لا يرزق ولا يمنع إلا لحكمة بالغة .. مُقتضاها نفع العباد وصلاحهم .
*
ربنا -عز وجل- قسَّم الأرزاق وقدَّرها بين الخلق ،
فلا يكون عطاؤه عبثاً أبداً ..
والرزق مش دايماً بيكون نعمة على صاحبه ، بل من الممكن إنه يكون نقمه عليه أشد من نقمة المحروم من الرزق ده .

ودا موجود في الآية الكريمة : { ونبلوكم بالشرِّ والخيرِ فِتنةً }
والمطلوب في الآخر .. كل إنسان يسعى ويجتهد
ويصبر إن قُدِرَ عليه رزقه ، ويشكر إن بسَطَ اللهُ عليه في الرزق .
..
وعلى المؤمن إنه ما ييأسش من رحمة الله وفضله بسبب ضيق المَعيشة ، لأن الرزق يطلب العبدَ كما يطلبه الموت .. كما أخبرنا رسول الله ﷺ .
ـ
من المؤسف جداً إننا نشوف الإنتحار بسبب الأحوال
المادية بقى ظاهرة في مُجتمعاتنا المُسلمة ..
موضوع حضرتك مش مُجرد موقف فردي أو تأمُّل في حالة نادرة .. بالعكس
إحنا محتاجين نفهم الأسلوب دا ونتعامل بيه مع كل أحوال حياتنا اللي بنمر بيها .

أسألُ اللهَ أن يرزق كل محروم وأن يكفيه بحلالِه عن حرامه ، وأن يغنيه بفضلِه عمن سواه ،
وأن يُقنِّعَنا -سُبحانه- بما رزقنا .. اللهم اقسِم لنا الخيرَ ثم رضٌّنا به ☺

Unknown said...

جمال ابو العز
سبحان الله هو موزع الأرزاق
هى كانت لحظة فقط وعدت الحمد لله

Unknown said...

منار إلى الأبد
الف حمدا لله على السلامة
سعيدة برجوعك بالف سلامة
وربنا سبحانه وتعالى مقسم الارزاق

Unknown said...

الحمد لله رب العالمين

Post a Comment

قول ولا تجرحـش