Tuesday, March 24, 2015

...الخياطة...


الخياطة
 هى من المهارات اليدوية
اللى أتعلمتها من زمان وبــ أحمد ربنا
ليل ونهار عليهــــــــــــا
مش حاقول أنى خياطة بريمو
ولا ياخىّ أسطى درجة اولى
ولا بأعمل بلاطى شتوى
بحشو الشعر والبطانة
ولا تيايرات
بكورشال
لكـــــــن
بلوزاتى
جونلاتى
فساتينى
عباياتى
كلها
او نقول
معظمها
صنعة أيديا
وحياة عينيا
وانا فى السعودية
من اوائل الحاجات
اللى اشتريتها وانا بجهز
لحياتى هناك
كانت ماكينة خياطة
اشتريتها
 مستعملة
ما اكذبش
عليكم
ومش حاقدر اوصف أد ايه نفعتنى
سواء لخياطة الهدوم او لشغل الوقت
 فى حاجة نافعة
 بدل الفكر والتفكير
فى اللى حصل واللى وصل
أول ما أتعلمت
كان ممكن أسهر الليلة كلها
لاجل ما البس
(الطقم الجديد)
تانى يوم الصبح
لكن كل شىء فعلا بيتغير
واللى بتحبه النهاردة
ممكن تزهق منه بكرة
وعلشان كدا وشوية شوية
بطلت أخيط خالص
واتعرفت على ست خياطة
ساكنة جنبنا
بقت تعمل لى طلباتى كلها
لكن وللأسف دوام الحال من المحال
الست عزلت وادينى رجعت
اخيط تانى
انتم عارفين
الصيف على الأبواب
ولازم الواحد يفتتح الموسم
بحاجة جديدة
مش كدا ولا أيه؟
بأستئذنكم
فى


 
اجازة قصيرة 
من التدوين 
وممكن الفيس
وحارجع تانى
بأذن الله
لو كان
فى العمر بقية

انا عارفة ناس حيقولوا
(ولو حتى فى نفسهم)
المقدمة الطويلة العريضة دى
علشان مش حتكتبى يومين تلاتة اربعة خمسة
لازم ياعنى
الحبتشكنات دى
(الله يرحمك يااستاذ عمرو بدر)
وآشى استئذان وآشى مش عارف ايه
 وآشى ابصر أيه ومدرك ايه
لكل دول اقولهم




















موتوا بغيظكم

27 comments:

Unknown said...

أول تعليق
ههههههههههههه

Unknown said...

وتانى تعليق عشان الدكتورة نورا هتوحشنا
ههههههههههههه

Unknown said...

والتالت وى بعضه لأن الدكتورا نورا غالية عندنا

Unknown said...

ورابع تعليق بالعنية فى زهراء
ههههههههههههههههههههههه

Unknown said...

والخامس
إحتلال ههههههه

النسر المهاجر said...

ههههههههههههههههه
أهم حاجه مش تتأخرى كتير
واجمل حاجه لما بيكون الإنسان هو الى عامل حاجته بايده بيحس إنها مريحه نفسيا مهما كانت المهاره فى صنعها

Unknown said...

والله بجد هتوحشنا كتاباتك ومشاكساتك
رأى النبي صل الله عليه وسلم على عمر ثوبا أبيض
فقال "أجديد ثوبك أم غسيل؟" فقال فلا أدري مارد عليه
فقال النبي صلى الله عليه وسلم "البس جديدا وعش حميدا ومت شهيدا"
صدق رسول الله صل الله عليه وسلم
اللهم تجعل لكِ نصيباً من هذا الحديث
اعتزازى واحترامى

Unknown said...

مدونة الفرسان
مبروك عليك
جائزة اول تعليق

أتفضل

Unknown said...

مدونة الفرسان
وكمــــــــــــــان
جائزة تانى تعليق

أتفضل

Unknown said...

مدونة الفرسان
وشكرا لثالث تعليق

Unknown said...

مدونة الفرسان
والف شكر لذوقك

م م said...

اولا
ترجعي بالسلامة ان شاء الله
ثانيا انا كمان كان عندي ماكينة خياطة ومنت شاريها مستعملة
بس في فرق بسيط بقا
انك اتعلمتي تخيطي
وانا اتعلمت افك الم افك الماكينة واركبها تاني
اصلها طلعت بعافية شوية

المهم نرجوا الا تطول الغيبة وان يكون السبب فيها مفيد ومفرح

وفقكم الله الى مايحب ويرضى

Unknown said...

مدونة الفرسان
الأ زهـــــــــــــــــــــراء
دى حبيبتى مالكش دعوة بيها
أنا شايلة لها نصيبها لما تيجى ☺

Unknown said...

جمال أبو العز
ما تخاااااافـــــــــش
مش حاتاخر دا انا ممكن
ارجع فى كلامى واقفل الماكينة
واعوووووووووووووووووود ☺
الى الحبيبة الغالية جـــــــــــــــــدا

Unknown said...

مدونة الفرسان
صدق رسول الله فيما
قال وفعل.اللهم آمين يارب العاليمن
جعل الله لنا ولكم نصيبا فيه

Unknown said...

م م
فكرتنى بأبن اخت ليا
من صغره كان غاوى
يفتفت اى لعبة ويرجع يركبها
تانى ولد مسكين كان عبقرى
وكان ممكن يبقى بجد مخترع
لكن للأسف الأهل ما عندهمش
الأ الكتاب والكراسة وامتحانات الشهر
وبس واى حاجة تانية تبقى كلام فارغ :(

زهــــراء said...

لا لا لا لا لا لا لا لا لا غياب نووووووووو انا ممكن اجيب لكي كل اللي نفسك فيه إنما تغيبي لا لا لا لا لا لا لا لا وفين نلاقي البسمه اللي من القلب وفين الاقي حد قلبه أبيض واعمل ايه انا من غيرك كده هازعل بجد 😱😱😱😱😱وهاعيط وانا دموعي قريبه بصي طلعي اي حاجه صيفي من عندك وانا هارجع لحاجه اعتزلتها من زمان وهي التطريز بالخيوط وكل ده عشان خاطرك أو اجي لغايه عندك واجيب معايا خياط ونقعد مسافه ما نضرب تورتايه واثنين شاي باللبن هتلاقيه عمل اللي نفسك فيه
اي حاجه الا غيابك عننا وعن جد انتي غاليه اوي اوي اوي اوي اوي اوي اوي على قلبي وربنا يكرمك على الكلمتين الحلوين اللي في حقي اوعي تفكري تغيبي انتي عارفه ليا حبايب في الجيزه من العمرانية للحوامديه ومن الدقي ومن امبابه لغايه بولاق تخيلي بقى كلهم نفسهم يعملوا لي خدمه هاجيب حبايبي كلهم ونقعد ننادي عليكي في كل الميادين والشوارع ونغني مع نجاة دوارين في الشوارع دوارين في الحارات هههههههههه
مش هتكلم بقى عن هواياتي وعندنا ماكينة خياطه أهم حاجه اوعي تغيبي

Unknown said...

زهــــــــــــــــراء
هههههههههههههههههه
ربنا يسعدك زى ما اسعدتينى
على المسا غلاوتك محفوظة
ومقامك عالى ولو التعليق ال1000
انتى عارفة.مش حاغيب وحتى لو غبت
حابقى ابووووووص ☺بصة على هنا او الفيس
وارد برضه لو قدرت لكن الخياطة فعلا عاوزة التفرغ
الكامل تقعدى كده وتبعترى القماش هههههههه حواليكى
وتقصى تقصى وتقصى وتقصقصى وتنسى أنتى
قصيتى ايه وما قصيتش ايه☺☺☺☺

Tarkieb said...

سبع صنايع بقي...ربنا معاكي في الاجازة وماتغيبيش كتير

Unknown said...



thx

شركه تنظيف

محمد سلامة said...

وكل الحبشتكنات دى عشان حتغيبى يومين :)
صحيح يعني إيه مدرك إيه دى ؟

norahaty said...

تراكيبووو
سبعة بس!!
بحبحهاااأتااااا
احنا بس بنحب التواضع

norahaty said...

محمد سلامة
:)صراحة انا سمعتها
كده أعتقد مصدرها الادراك:)

norahaty said...

الحمد لله
رب العالمين

norahaty said...

محمد سلامة
:)صراحة انا سمعتها
كده أعتقد مصدرها الادراك:)

norahaty said...

تراكيبووو
سبعة بس!!
بحبحهاااأتااااا
احنا بس بنحب التواضع

Anonymous said...

شركة مكافحة حشرات بجنوب الرياض

Post a Comment

قول ولا تجرحـش